Read Baibul, Mizo Roreltute 2 Bible Online

Roreltute 2 - Baibul, Mizo bible

Roreltute 2

¹Tin, LALPA vanrirhkoh Gilgal khua atangin Bokim khuaah a han chho a, tin, ani chuan, "Aigupta ram ata kha ka chhuahtir che u a, in thlahtute hnena chhehchhama ka lo tiam tak ramah khan ka hruai lut che u a, 'In hnena thu ka thlun kha ka bawhchhe tawp lo ang.

²tichuan he'ng rama awmhote nen hian thu thlung suh u la;an maichamte tihchimsak ang che u,' ka ti a: nimahsela ka thupek in pawm lo va: eng vangin nge hetianga in tih?

³Chuvangin, "Anni chu ka hnawhchhuahsak tawh lo ang che u, in nakahte hling ang an ni sawk ang a, tin, an pathiante chu in tan thang an ni ang,' ka ti bawk a nih kha," a ti a.

⁴Tin, heti hi a ni a, LALPA vantirhkohin Israela thlahte zawng zawng hnenah chung thu chu a han sawi chuan, mipuiho chu rawl chhuah meuhin an tap ta hlawm a.

⁵Tin, chu mi hmun hmingah chuan Bokim an vuah a: tin, chutah chuan LALPA hnenah an inthawi ta a.

⁶Josua'n mipuite a tindarhtir hnu chuan Israela thlahte chu mi tin, mahni chanpual theuh ram chu luah turin an kal ta a.

⁷Josua dam chhung leh upaho Josua khuma dam te, LALPA'n Israelte tana thil ropui tak a tih zawng zawng hmu thintute dam chhung chuan mipuiten LALPA rawng an bawl thin a.

⁸Tichuan Nuna fapa Josua, LALPA chhiahhlawh chu kum za leh kum sawm miin a hi a.

⁹Tin, Gas tlang hmar lampang Ephraim tlang rama ama chanpual ramri chhung Timnath-heres khuaah chuan an phum ta a.

¹⁰Tin, chung chhuan zawng zawngte pawh chu an thlahtute hnen lamah an kal khawm zo ta a: tin, chu mite hnuah chuan LALPA leh Israelte tana a thiltihte pawh hre lo chhuan dang an la awm ta a.

¹¹Tin, Israela thlahte chuan LALPA mithmuhin thil sual an lo ti a, Baal-hote rawng an bawl ta a.

¹²LALPA an thlahtute Pathian, Aigupta ram ata hruaichhuaktu kha an hawisan a, pathian dang, an kiang vela awmho pathiante zinga mi chu an zui a, chibai an buk ta a: tichuan LALPA chu a thinur ta a.

¹³Tin, LALPA chu an hawisan a, Baala leh Astarothi rawng an bawl ta a.

¹⁴Chutichuan LALPA thin chu Israelte chungah chuan a ur ta a, anmahni rawk thintute kutah chuan a pe ta hlawm a, an hmelma, an kiang vela awmte hnenah chuan a hrlah a, tichuan an hmelmate chu an lo chelh ta lo a.

¹⁵Khawiah pawh kal se la, LALPA kut chu an chungah a chhe lamin a tla zel a, LALPA'n a lo sawi tawh ang leh, LALPA'n an hnena chhechhama a lo sawi tawh ang khan: tichuan mangan namenin an mangang ta lo a.

¹⁶Tin, LALPA'n roreltute a siamsak a, chungte chuan anamhni rawktute kut ata chu an rawn chhan chhuak ta a.

¹⁷Chuti chung pawhin an roreltute thu chu an pawm lo a, pathian dangte lakah chuan an uire a, chibai an lo buk ta zawk a: an thlahtuten LALPA thupekte pawma an zawh thin kawng chu an pensan ta thuai mai a.

¹⁸Tin, LALPA'n roreltute a rawn siamsak chuan, LALPA chu roreltu hnenah chuan a awm a, roreltu dam chhung chuan an hmelmate kut ata chu a chhanchhuak zel a: anmahni hnehchiah leh timangangtute avangin an rum a, chuvangin LALPA chu a inchhir ta a.

¹⁹Nimahsela heti hi a ni a, roreltu chu a thih veleh, an hnungtawlh leh ta a, pathian dangte rawng an bawl a, chibai buk thuah an thlahtute ai mahin an lo che chhe lehzual ta a; an thiltih thinte leh an luhlulte pawh a bang hek lo.

²⁰Tin, LALPA thin chu Israelte chungah chuan a ur ta a; tichuan, "He hnamte hian an thlahtute thu ka pek, ka thuthlun chu an bawhchhia a, ka thu an pawm ta si lo a;

²¹chuvangin kei pawhin tun achinah zawng Josua thih hmaa hnawhchhuah bak hnamte hi ka hnawh chhuahsak tawh lo ang,

²²an thlahtute zawh ang khan LALPA dan an zawh dawn nge dawn lo tih Israel-hote fiahna'n anmahni chu ka hmang ang," a ti a.Chutichuan LALPA'n chung hnamte chu hnawt chhuak nghal ta loin a awmtir ta a; Josua kutah pawh a pe ta hek lo.

²³Chutichuan LALPA'n chung hnamte chu hnawt chhuak nghal ta loin a awmtir ta a; Josua kutah pawh a pe ta hek lo.