Read Baibul, Mizo Roreltute 20 Bible Online

Roreltute 20 - Baibul, Mizo bible

Roreltute 20

¹Chutichuan Israela thlahte zawng zawng chu an thawk ta chiam a, thu khat vuain Dan khua atanga Beer-seba khaw thlenign Gilead rama mite nen Mizpe khuaah LALPA hnenah an inkhawm ta a.

²Tin, mi zawng zawng hotute, Israel chite zawng zawng lam pawh chu Pathian mite inkhawmhonaah chuan an va tel a, sipai khandaih keng mi nuai li an ni a.

³(Benjamina thlahte chuan Israela thlahte chu Mizpe khuaah an han chho tih an lo hria a.) Tin, Israela thlahte chuan "Eng tiziaa hetianga suahsualna hi lo awm nge ni min hrilh teh u?" an ti a.

⁴Tin, Levi chi, hmeichhia an thaha pasal chuan, "Benjamin chite awmna Gibear khuaah ka hmei nen riah tumin kan va lut a.

⁵Tin, Gibea mite chuan min rawn bei ta mai a, zanah in an rawn hual a; mi thah an tum a, ka hmei chu an sawisa hrep a, a lo thi ta a.

⁶Tichuan ka hmei ruang chu ka la a, ka chan a, Israel-ho ram luah zawng zawngah ka thawn darh a: Israel ramah hian thil tenawm tak leh atthlak tak an lo ti ta si a.

⁷Nangni Israel thlahte u, in vai hian ngai teh u, in ngaihdan leh in remtih dan chu sawi rawh u khai," a ti a.

⁸Tichuan mipuiho zawng zawng chu thukhat vuain an thu tho thup a, "Tumah mahni puan in lamah kan haw hauh lo ang a, tumah mahni inah kan lut hek lo ang.

⁹Gibea-ho kan tih dan tur hetiang a ni; thum kan vawr ang a:

¹⁰Israel-hote chunga thil dik lo tak an tih ang zela an tih a, Gibea hmuan Benjabim-ho kan han beihnaa mipuite ei tur lo hlantu at Israel hnam zawng zawng zinga mi zakhatah sawm zel, sangkhatah za zel, singkhatah sang zel kan thlang chhuak ang," an ti a.

¹¹Chutichuan Israel mi zawng zawng chu thukhat vaw thapin chu khawpui bei tur chuan an pung khawm ta a.

¹²Tin, Israel hnamte chuan Benjami hnam zawng zawngte hnenah chuan, "IN zinga hetiang suahsualhan lo awm ta mai hi eng tizia nge ni?

¹³Gibea khuaa mi Beliala fate chu rawn hruai rawh u, tichuan Israel rama sual hi a reh theihna'n kan lo tihlum ang e," tiin mi an tir a. Nimahsela Benjamin chite chuan an unau Israela thlahte thusawi an lo pawm duh lo a.

¹⁴Tin, Benjami thlahte chu Israela thlahte do turin khawpui ata te an lo chhuak khawm a, Gibea khuaah an lut chiam a.

¹⁵Tin, chu mi nia Benjamin thlahte khawpui ata khandaih kenga chhuakho chu, Gibea khuaa mi zasarih thlan thiau thiam loin singhnih leh sanguk an ni.

¹⁶Chung zawng zawng zingah chuan veikhaw zasarih, thlan thiau an awm a; an vai chuan virvawma samzai tia pawh thelh hlek lo mi an ni.

¹⁷Tin, Israel mite chu Benjamin mite tiam loin khandaih keng thiau nuai li an ni: chungho zawng zawng chu indo mi vek an ni.

¹⁸Tin, Israela thlahte chu an tho a, Bethel-ah an han chho a, Pathian an han rawn a, "Benjamina thlahte chu tu nge han bei hmasa ang le?" an ti a. Tin, LALPA'n "Juda-ho han kal hmasa rawh se," a ti a.

¹⁹Tichuan Israela thlahte chu zingah an tho a, Gibea khua chu an han hual a.

²⁰an thawk a; tin, Israel mite chuan Gibea khuaah chuan bei turin tan an han siam a.

²¹Tin, Benjamina thlahte chu Gibea khua ata an lo chhuak a, chu mi ni chuan Israel-hote zinga mi singhnih leh sanghnih an rawn that t buaih mai a.

²²Tin, mipuiho Israel mite chu an han infuih leh a, an beih tan nia an beihna hmunah vek chuan bei turin tan an han siam leh a.

²³(Tin, Israela thlahte chu an han chho a, Pathian hmaah tlai thlengin an han tap a, "Kan nau Benjamina thlahte hi bei turin kan han thawk leh dawn em ni ang?" tin, LALPA an zawt a. Tin, LALPA chuan, "Han bei leh rawh u," a ti a.)

²⁴Tin, a ni hnih niin Israela thlahte chuan Benjamina thlahte chu an han hnaih a.

²⁵Chuti chuan Israela thlahte zawng zawng leh, mipuiho zawng zawng chu an han chho ve, Bethel-ah an han kal a, an tap a, LALPA hmaah an thu a, chu mi ni chuan tlai thlengin chaw an nghei a; tin, LALPA hnenah halral thilhlan leh remna thilhlante an hlan a.

²⁶Tin, Israela thlahte hchuan LALPA an rawna,(chung lai chuan chutah chuan Pathian thuthlung bawm chu a awm a,

²⁷tin, chung lai chuan Arona fa Elazara fapa Phinehasa chuan a rawng a bawl thin a ni a,) " Kan unau Benjamina thlahte chu kan han bei leh ang nge, kan bansan tawh mai ang?" tiin. Tin, LALPA'n, "Han chho leh rawh u, naktukah zawng in kutah ka pe tawh dawn e," a ti a.

²⁸Tin, Israel-hote chuan Gibea khaw velah chuan changtu an indah ru ta a.

²⁹Tin, Israela thlahte chu Benjamina thlahte bei turin a ni thum ni chuan an han thawk leh a, ni dang ang bawk khan Gibea khaw bei tur chuantan an han siam leh a.

³⁰Tin, Benjamina thlahte chu mite bei tur chuan an va chhuak a, khua chu an chhuahsan a; tichuan ni dang ang bawk khan mite chu beiin an that tan leh ta mai a, phul faia Bethel khaw chhohna leh Gibea khaw kang lamlianahte chuan Israel-hote chu sawmthum an that a.

³¹Tin, Benjamin thlahte chuan, "A hma ang bawk khan kan hmaah an tlawm leh ta le," an ti a. Israela thlahte erawh chuan, "I tlan ang u khai, khawpui ata hi lamlian lamah i tawlh chhuahtir ang u," an ti a.

³²Tichuan Israel-ho zawng zawng chuan ant an hmun chu an chhuahsan a, Baal-tamar hmunah tan hmun an siam a: tin, Israel-ho aruka lo chang rutute khan an channa hmun Maaregeba hmun ata an lo chhuak a.

³³Tin, Israel-ho zawng zawng zinga thlan thiau singkhatin Gibea khua chu an bei a, an iebi chu a nasa ngei mai: nimahsela anni chuan an chan a chhe dawn ta ngei mai tih zawng an hre lo.

³⁴Tin, LALPA'n Benjamin-ho chu Israel-hote hmaah chuan a tihlum chiam a: Israel thlahte chuan chu mi ni chuan Benjamin-ho chu mi singhnih leh sangnga leh za an that a: chungho zawng zawng chu khandaih keng mi vek an ni.

³⁵Chutichuan Benjamina thlahte chuan an tlawm ta tih an lo inhre ta a: Israela thlahte chuan Gibea khawbei tura a ruka changtute an dah kha an rin avangin Benjamin-ho chu an han hnungtawlhsan a ni.

³⁶Tin, a ruka changtute chuan Gibea khua chu an bawh ta thut a; tichuan a ruka changtute chu an inzar darh a, khuaa mi zawng zawng khandaihin an bei ta chiam a.

³⁷Israel-hote leh a ruka changtue khan an intiamna chu khawpui chhunga mei tihkhung ngut ngut a ni.

³⁸Tin, Israel-hote chu an han tawlh rih a, tichuan Benjamin-h chuan an han bei tan a, Israel mite chu sawmthum lai an that a, "Kan inbeih tirh ni ang bawk khan kan hmaah an tlawm leh ta ngei mai le." an ti a.

³⁹Nimahsela khawpui chhungah chuan meikhu a lo din tak luah veleh, Benjamin-ho chu an han lehhawi a, tin, ngai teh, khawpui chu a pumin van lamah a khu chho ta ngut ngut mai a.

⁴⁰Tichuan Israel-hote chu an rawn inher leh ta a, tin, Benjamin-ho chuan mak an ti hle a: an chan a chhe dawn tih an hre ta si a.

⁴¹Chuvangn Israel-hote hmaah chuan thlaler lamah an tlanchhe ta a; nimahsela an um zui ngat ngat a; tin, khawpui ata lo chhuakte chuan chutah chuan an lo thlum a.

⁴²Benjamin mite chu an hual ta tlat a, an um a, ni chhuahna lam Gibea dep an chawlhna hmunah an umpha a.

⁴³Benjamin-ho chu mi singkhat leh sangriat an thi a; an vai chuan mi chak huaisen thiau an ni.

⁴⁴Tin, an tawlh a, thlaler lam Rimon lungpuiah an tlanchhia a: mi sangnga chu lamlianahte an rawt a; Gidom thlengin an um zui ngat ngat a, mi sanghnih an that a.

⁴⁵Chutichuan chu mi ni a Benjamin-ho thi zawng zawngte chu khandaih keng mi thiau singhnih leh sangnga an ni a, an vai chuan mi chak huaisen an ni.

⁴⁶Mi zaruk erawh chu thlaler lam Rimon lungpuiah an tlanchhia a, chu mi Rimon lungpuiah chuan thla l an awm a.Tin, Israel-hote chu Benjamin-ho chhunga mi tawhphawt chu ran te, an hmuh apiang te khandaihin an sat hlum zel a: chu lo pawh chu khua an hmuh apiangte pawh chu an hal zel a.

⁴⁷Tin, Israel-hote chu Benjamin-ho chhunga mi tawhphawt chu ran te, an hmuh apiang te khandaihin an sat hlum zel a: chu lo pawh chu khua an hmuh apiangte pawh chu an hal zel a.