Read Baibul, Mizo Roreltute 3 Bible Online

Roreltute 3 - Baibul, Mizo bible

Roreltute 3

¹Heng hnamte hi a ni LALPA'n Israelte Kanaan rama ral la bei ve ngai hauh lo fiahna tura a awmtirte chu,

²chung Israela thlah chhuanho, tun hmaa engmah la hre hauh lote chuan an lo hriat nan leh ral beih dan zirtir tur atan chauh awmtir ani;

³chungte chu Philistia-ho lal panga te, Kanaan mi zawng zawng te, Zindon-ho te, Lebanon tlanga awm Hiv-hote an ni, Baal-hermon tlang atanga hamath khaw luhna thlengin.

⁴LALPA'n Mosia hmanga an thlahtute thu a lo pekte kha an pawm dawn leh dawn loh hriatna'n chungho chu Israelte fiahna tur an ni.

⁵Tin, Israela thlahte chu Kanaan-ho te, Hit-ho te, Amor-ho te, Periz-ho te, Hiv-ho te, Jebus-hote zingah chuan an awm a;

⁶tin, an fanute chu nupuiah an nei a, tin, an fanute chu an fapate an neihtir thung a, an pathiante rawng an bawl a.

⁷Tin, Israela thlahte chuan LALPA mithmuhin thil sual an lo ti ta a, LALPA an Pathian chu an theihnghilh a, Baal-ho leh Astoreti rawng an bawl ta a.

⁸Chutichuan LALPA thin chu Israelte chungah chuan a ur ta a, Mesopotamia ram lal Kusan-risathaima hnenah a hralh ta a; tichuan Israela thlahte chu Kusan-risathaima thu hnuaah kum riat

⁹Tin, Israela thlahte chuan LALPA an auh veleh, LALPA'n Israela thlahte chhandamtu a rawn siamsak a, chu mi chuan a rawn chhandam ta a, chu chu Kaleba nau Kenaza fapa Othniela a ni.

¹⁰Tin, LALPA thlarau chu a chungah a lo thleng a, tichuan Israelte ro a relsak ta a; ral bei turin a va thawk a, tin, LALPA'n Mesopotamia ram lal Kusan-risathaima chu a pe a: Kusan-risa

¹¹Tin, ram chu kum sawmli ralmuangin a awm a. Tin, Kenaza fapa Othniela chu a thi ta a.

¹²Tin, Israela thlahte chu LALPA mithmuhin thil sual an lo ti leh ta a: chutichuan LALPA mithmuha thil an lo tihsual avangin LALPA'n Moab lal Eglona chu Israelte laka chakin a siam a.

¹³Tin, ani chu Amona thlahte leh Amalek-hote a pun khawm a; tin, Israel-hote chu a va bei a, tum khawpui chu a luah ta a.

¹⁴Tichuan Israela thlahte chu Moab lal Eglona thu hnuaiah kum sawm leh kum riat an awm a.

¹⁵Nimahsela Israela thlahte chuan LALPA an han auh veleh LALPA'n Gera fapa Ehuda, Benjamin mi, mi veikhawr, chhandamtu a rawn siamsak a: tin Israela thlahte chuan Moab lal Eglona pek tur

¹⁶Tin, Ehuda chuan khandaih hriam tawn, tawng chena seiin a chher a; chu chu a malpui ding lam puan hnuaiah a taivawn a.

¹⁷Tin, Moab lal Eglona chu lawmman chu a han pe a: Eglona chu mi thau tak a ni a.

¹⁸Tin, lawmman a han pek zawh veleh chuan, lawmman kengtute chu a kaltir leh ta a.

¹⁹Ani erawh chu Gilgal khaw kianga lung chherna hmun atangin a let leh a, "I e lalpa, thuruk hrilh tur che ka nei e," a ti a. Tin, ani chuan," Ngawi thiap rawh u," a ti a. Tichuan a bula dingho zawng zawngte chuan an chhuahsan ta vek a.

²⁰Tin, Ehuda chu a hnenah a va kal a; ani chu a thlan daihna pindanah a mah chauhin a lo thu a. Tin, Ehuda chuan, "Pathianin i hnena sawi tur thu mi chah e," a ti a. Tin, a thutphah ata chu a tho a.

²¹Tin, Ehuda chuan a kut vei lamin a malpui dinglama khandaih chu a han phawrh a, a pumah a chiu ta vak mai a:

²²a fawng pawh chu a lut pil hmawk a; tin, a khandaih chu a thauin a hnawh ping ta tlat a, a puma khandaih chu a phawi si lo a; a hnungah a tlang a ni.

²³Chutichuan Ehuda chu hulhliapah a chhuak a, pindan kawngkharte chuan a kharhung a, a kalh ta tlat a.

²⁴Tin, chutia a chhuah tak hnu chuan, a chhiahhlawhte chu an lo kal a; tin, an han hmuh chuan ngai teh, pindan kawngkate chu a lo inkalh tlat mai a; "A thlandaihna pindanah a va inthiar fihlim rih a ni ang chu maw," an ti a.

²⁵Tin, zahthlak khawpin an nghak ta reng mai a: tin, ngai teh, pindan kawngkate chu a hawng ta hauh lo mai a; chutichuan chabi an la a, an han hawng a: tin ngai teh, an lalpa chu chhuatah chuan, thiin a lo lum der mai a.

²⁶Tin, Ehuda lah chu khatia an nghah reng chhung khan a lo tlan bo tawh a, lung chherna hmun kha a pel a,

²⁷Seira-ah a tlan a. Tin, heti hi a ni a, chu mi hmun a thlen chuan Ephraim tlang ramah chuan tawtawrawt a ham ta, tin, Israela thlahte chu tlang ram ata a hnenah an chhuk a, ani chuan an hma a hruai ta a.

²⁸Tin, ani chuan an hnenah, "Mi zui rawh u khai: LALPA'n in hmelma Moab-hote hi a pe tawh che u a ni," a ti a. Tichuan an zui thla a, Moab ram dep Jordan lui kaite chu an man a, tumah an kaitir phal lo.

²⁹Chu mi tum chuan Moab-ho singkhat lai, mi awmkhauh thiau leh mi chak huaisen tha thiau an that a; pakhat mah tlan chhuak an awm lo.

³⁰Chutichuan chu mi ni chuan Moab-hote chu Israel hote lakah an lo tawm ta a. Tin, ram chu kum sawmriat chhung ralmuangin a awm a.Tin, a hnuah chuan Anatha fapa Samgara a lo lang ve a, chu mi chuan Philistia-ho mi zaruk sebawng chhunna tiangin a chhun hlum a: amah bawk chuan Israel-hote chu a chhandam a ni.

³¹Tin, a hnuah chuan Anatha fapa Samgara a lo lang ve a, chu mi chuan Philistia-ho mi zaruk sebawng chhunna tiangin a chhun hlum a: amah bawk chuan Israel-hote chu a chhandam a ni.