Read Baibul, Mizo Roreltute 4 Bible Online

Roreltute 4 - Baibul, Mizo bible

Roreltute 4

¹Ehuda thih hnu chuan Israela thlahten LALPA mithmuhin thil sual an lo ti leh ta a.

²Tichuan Hazor khaw thuttu, Kanaan ram lal Jabina hnenah chuan LALPA'n a hralh ta a: chu mi sipai hotu ber chu Sisera a ni a, Jentail-te ram Haroseth khuaa awm a ni.

³tin, Israela thlahte chuan LALPA an au va: ani chuan thiir tawlailir zakua lai a nei si a; tin, kum sawmhnih chhung zet Israela thlahte chu nasa takin a hnehchhiah a ni.

⁴Tin, chung lai chuan zawlnei Bebori, Lalpidotha nupuiin Israelte ro a rel a.

⁵Ephraim tlang rama Rama leh Bethel khaw inkara Debor tum thing hnuaiah a awm thin a: tin, Israela thlahte chu a hnenah an ro reltir turin an kal thin.

⁶Tin, Kedes-naphtali ram ata Abinoama fapa Baraka chu a chah a, a hnenah, "LALPA Israelte pathianin, 'Tabor tlangah han kal langin, Naphtalia thlahte leh Zebuluna thlahte mi singkhat hruai rawh.

⁷Tichuan Kison luiah Jabina sipai hotu Sisera chu a tawlailirte leh a hote nen ka rawn tir ang a; tin, ani chu ka pe che,' tiin thu a pe a ni lo'm ni?" a ti a.

⁸Tin, Barakan a hnenah, "Mi kalpui ve la, tichuan ka kal ang e: mi kalpui ve dawn loh erawh chuan ka kal lo ang," a ti a.

⁹Tin, ani chuan, "Ka kalpui ve mawlh ang che: amaherawhchu i kalnaah chuan hming that i hlawh dawn lo a nih chu; LALPA'n Sisera chu hmeichhe hnenah a hralh dawn a ni," a ti a. Tin, Debori chu a tho a, Baraka hnenah Kedes khaw lamah chuan a kal ve ta a.

¹⁰Tin, Baraka chuan Zebulun-ho leh Naphtali-ho chu Kedes-ah a chah khawm a; mi singkhat amah nen an han kal a: tin, Debori pawh a hnenah chuan a han kal ve a.

¹¹Tin, Ken mi Hebera chu Ken mi Mosia puzawn Hobaba thlahte zing ata a lo awm hrang a, Kedes kianga Zaananim rama sasaw thing hmun daihah a puan in a va zar a.

¹²Tin, Abinoama fapa Baraka chu Tabor tlangah a chho tih Sisera an hrilh a.

¹³Tichuan Sisera chuan a tawlailir zawng zawng, thir tawlailir zakua leh a hote Jentail-te ram Haroseth khua ata. Kison luiah a khawm chiam a.

¹⁴Chutichuan Debori chuan Baraka hnenah, 'Khai le, vawiin hi LALPA'n Sisera chu a pek ni che a ni e: I hma hruaitu chu LALPA a ni lo'm ni?" a ti a. Tichuan baraka chu Tabor tlang ata a chhuk a, mi singkhatin an zui thla a.

¹⁵Tin, LALPA'n Sisera leh, a tawlailir zawng zawng leh, a sipaiho zawng zawngte chu khandaihin Baraka hmaah chuan a tibuai ta nuai hlawm a; tin, Sisera chu a tawlailir ata a chhuk a, a kein a tlan bo ta daih a.

¹⁶Baraka erawh chuan tawlailirte leh sipaiho chu Jentail ram Haroseth thleng chuan a um ta a: tichuan Sisera sipaiho zawng zawngte chu khandaihin an that vek a: pakhat mah dam an awm lo.

¹⁷Sisera erawh chu Ken mi Hebera nupui Jaeli puan inah kein a tlan lut a: hazor lal Jabina leh Ken mi Hebera chhungte chu inrem reng an ni a.

¹⁸Tin, Jaeli chu Sisera hmuak turin a lo chhuak a, a hnenah, "Ka pu, lo lut rawh, ka hnenah lo lut rawh; hlau suh," a ti a. Tichuan puan in chhungah chuan a hnenah a lut ta a, tin, ani chuan puanin a khuh a.

¹⁹Tin, a hnenah, "Khawngaih takin tui tlemte mi han pe teh khai, ka tui a hal em mai e," a ti a. Tin, bawnghnute um a han hawng a, a intir a, a khuh leh ta a.

²⁰Tin, a hnenah, "Puan in kawngkaah khan ding la, tichuan, 'Hetah hian mi an awm em? Tia an rawn zawh che chuan, 'Awm lo,' lo ti zel ang che," a ti a.

²¹Chutichuan Hebera nupui Jaeli chuan puan in khenkilhna a la a, tuboh a keng a, zawitein a pan phei a, khenkilhna chuan a bekbawrah a kheng a, a kheng tlang a, leiah a bur ta ngur mai a; a chauin a mut a tui hle mai si a; tichuan a thi ta a.

²²Tin, ngai teh, Barakan Sisera a rawn um chu, va hmuah tumin Jaeli chu a va chhuak a, a hnenah, "Lo kal teh khai, i mi zawna chu ka lo entir teh ang che," a ti a. Tichuan a hnenah a va kal a; tin, ngai teh, Sisera chu a lo thi reng ma a, puan in khenkilhna chu abekbawrah alo bur ngur mai a.

²³chutichuan Pathian chu mi ni chuan Israela thlahte hmaah Kanaan ram lal Jabina chu a titlawm ta a.Tichuan Israela thlahte chua Kanaan ram lal Jabina an hmin ta deuh deuh a, Kanaan ram lal Jabina chu chhe der khawpin an lo siam ta a.

²⁴Tichuan Israela thlahte chua Kanaan ram lal Jabina an hmin ta deuh deuh a, Kanaan ram lal Jabina chu chhe der khawpin an lo siam ta a.