Read Baibul, Mizo Roreltute 6 Bible Online

Roreltute 6 - Baibul, Mizo bible

Roreltute 6

¹Tin, Israel thlahte chuan LALPA mithmuhin thil an lo tisual ta a: tichuan LALPA'n Midian-ho kutah kum sarih a awmtir a.

²Tin, Midian-hote chuan Israel-hote chu an lo hmin ta a: tichuan Midian-hote avang chuan Israela thlahte tlangah khur te, puk te, kulh te an siam a.

³Tin, heti hi ani a, Israelhoten thil an han chin tehian Midian-hote, Amalek-hote, khawchhak fateho chu an han chho a;

⁴an han bei a; awmhmun an han khuar a, Gaza thlengin leia thil toe chu an tihchhiatsak a, Israel ramah ei tur reng reng an zuah lo, beram te, bawng te, abengtung te lamin.

⁵An ran rualte leh an puan inte nen an lo thawk a, khau ang maiin tam takin an lo thawk si thin a; anmahni leh an sanghawngseite chu chhiar sen pawh an ni lo: ram tichhe turin an lo kal thin a ni.

⁶Chutichuan Israel-hote chu Midain ho avang chuan an lo rethei ta hle mai a; tin, Israela thlahte chuan LALPA chu an au ta a.

⁷Tin, heti hi a ni a, Midan-ho avanga Israela thlahten LALPA an han auh ve leh chuan,

⁸LALPA'n Israela thlahte hnenah chuan zawlnei a rawn tir a: ani chuan an hnenah, "LALPA Israelte Pathianin, heti hian a ti a ni, 'Aigupta ram ata chu ka hruai chho che u a, bawihho kut ata leh, hnehchhiatu che u zawng awng kut ata chu ka chhan chhuak che u a,

⁹Aigupta-ho kut ata leh, hnehchhiahtu che u zawng zawng kut ata chu ka chhanchhuak che u a, in hma ata anmahni chu ka hanwtchhuak a, an ram chu ka pe che u a;

¹⁰tin, keiin, Kei hi LALPA in Pathian ka nih hi, he'ng in awmna ram neitu Amor-ho pathiante hi in hlau hlek tur a ni lo e, ka ti a: nimahsela ka thusawi chu in pawm ta si lo,' a ti e," a ti a ni.

¹¹Tin, LALPA vantirhkoh a lo kal a, Ophra khuaa Abiezrit mi Joasa sasaw thing hnuaiah a thu a: tin, a fapa Gideonan Midian-hote hmuh theih loh turin grep sawrna khurah buh a lo vua a.

¹²Tin, LALPA vantirhkoh chu a hnenah a rawn inlar a, a hnenah, "Nang mi chak huaisen, LALPA hchu I hnenah a awm e," a ti a.

¹³Tin, Gideonan a hnenah, "Aw ka pu, LALPA kan hnena a awm si chuan, eng tizia nge hetianga kan chunga thil a lo thlen si? Min thlahtute khan, 'LALPA'n Aigupta ram ata chu min hruai chho a ni lo'm ni?' tia a thiltih mak tak takte min hrilh thinte kha khawiah nge a nih zawh tak? Tunah zawng Midian-ho kutah min pe tawh alawm," a ti a.

¹⁴Tin, LALPA chuan mah chu a en a, a hnenah, "He i chakna hian kal la Israel-ho hi Midian-ho lak ata chhandam ang che: ka tir che a ni lo'm ni?" a ti a.

¹⁵Tin, ani chuana hnenah, "Aw LALPA, engtin nge Israel-hote hi ka han chhandam tehlul ang? Ngai teh, Manasea thlah zingah hnam rethei ber kan ni a, kei lah hi ka pa chhungte zinga te ber ka ni si a," a ti a.

¹⁶Tin, LALPA chuan a hnenah, "I hnenah ka awm zel dawn alawm, tichuan Midian-ho chu pakhat ang maiin ai hneh vek mai ang," a ti a.

¹⁷Tin, ani chuan a hnenah, "I mittlung ka lo nih chuan, nangmah ngeiin mi bia a ni tih chhinchhiahna eng emaw mi entir ta che.

¹⁸I hmaa hlan tur thil pek ka va lak a, I hnena ka lo kal leh hma loh chuan heta ta hi khawngaih takin lo kal bo hauh suh ang che," a ti a. Tin, ani chuan, "I lo kal leh hma loh chuu ka lo awm reng ang e," a ti a.

¹⁹Tin, Gideona chu alut ta a, kel no leh chhangphut epha khat dawidim telh loh a buatsaih a: a sa chu fawngah a dah a, tin, a tui chu belah a dah a, sasaw thin ghnuaiah a hnenah chuan a rawn keng a, a rawn hlan a.

²⁰Tin, Pathian vantirhkoh chuan a hnenah, "Sa leh chhang dawidim telh loh kha la langin, he lung chungah hian dah la, a tui kha bun chhuak rawh," a ti a.

²¹Chutiang chuan a han ti a. Chutichuan LALPA vantirhkoh chuan a tiang ken hmawr chuan sa leh chhang dawidim telh loh chu a han khawih a; tin, lung atang chuan mei a lo chhuak a, sa leh chhang dawidim telh loh chu a kang ral ta vek a; tin, LALPA vantirhkoh chu a hmuh theih lohvah a kal ta a.

²²Chutichuan Gideona chuan LALPA vantirhkoh ani tih a hre ta a; tin, Gideonan, "E khai aw, aw Lalpa PATHIAN! LALPA vanrirhkohchu a hmai chhan ngeiah ka hmuh tak chu le," a ti a.

²³Tin, LALPA'n a hnenah "Thlamuang takin awm la, hlau suh: I thi lo ang," a ti a.

²⁴chutichuan Gideonan chutah chuan LALPA tan maicham a siam a, Jehoa-salom a vuah a: tun thlengin Abiezrit mite khua Ophra-ah a la awm reng a ni.

²⁵Tin, heti hi a ni a, chu zan vekah chuan LALPA'n a hnenah, " I pa bawngpa, bawngpa pahnihna kum sarih mi chu la langin, I pa neih Baala maicham hi tichim la, a bula Asera hi kit rawh:

²⁶tin, he kulh chungah hian kawngzawng nei tein LALPA i Pathian tan maicham siam langin, bawngpa pahnihna chu la la, Asera i kih tur thing hmangin halral thilhlan hlan rawh," a ti a.

²⁷Chutichuan Gildeona chuan a chhiahhlawhte zinga mi sawm a hruai a. LALPA'n a hnena a sawi ang chuan a ti ta a; tin, heti hi ani a, a pa vangin, chhunah a ti ngam lo a, zanah a ti a ni.

²⁸Tin, khawpuia mite chu zing taka an han thawh chuan ngai teh, Baala maicham chu tihchimin a lo awm a, a bula Asera chu kih thlukin a lo awm a, maicham siam chunga bawngpa pahnihna hlan chu a lo awm ta mai a.

²⁹Hei tu tih nge maw ni chu le?" tiin an inbe hlawm a. Tin, an han inzawh a, an han indap vel hnu chuan, "Joasa fapa Gideona tih a lo ni reng alawm maw le," an ti ta a.

³⁰Tichuan khawpuia mite chuan Joasa hnenah, "I fapa chu han hruai chhuak rawh, a thi ngei tur a ni: Baala maicham a tihchim avfang leh a bula Asera a kih avangin," an ti a.

³¹Tin, Joasa chuan amah rawn khingtu zawng zawng hnenah chuan, "Baala chu in tan dawn a ni maw? Amah chu in hum dawn a ni maw? Tupawh amah tan apiang chu zingah la la hian tihhlum tur a ni: pathian anih chuan a maicham an tihchim avangin, intan chawp ang hmiang," a ti a.

³²Chutichuan, "A maicham tihchim avangin Baalan amah khing rawh se,: tiin, chu mi ni chuan Jerubaala a vuah ta a.

³³Tichuan Midian-ho zawng zawngte leh Amelek-hote leh, khaw chhak fate chu an pung khawm chian a; lui an kan a, Jazreel ruamah an inkulh a.

³⁴Nimahsela LALPA thlarau chu Gideona chungah a lo thleng a; tin, tawtawrawt a hantum a: tichuan Abiezer-ho chuan an pn khawm ta chiam a.

³⁵Tin, Manase-ho zawng zawng zingah mite a tlantir a; chungho pawh chuan an pan khawm ta chiam a: tin, Aser-hote hnenah te, Zebulun-ho hnenah te, Naphtali-ho hnenahte pawh miet a tlantir a; anni pawh chuan an han fin ve ta a.

³⁶Tin, Gedeonan Pathian hnenah, "I sawi anga keima kuta Israelte hi i chhandam dawn chuan,

³⁷ngaiteh, hrui zawlah beram hmuh ka dah ang a, beram hmulah chauh chuan dai alo awm a, lei zawng zawngte chu a lo ro vek chuan, i sawi angin keima kutin Israelte hi i chhandam dawn ani tih ka hria ang," a ti a.

³⁸Chutiang chu a lo ni ta ngei a: a tuk zing taka a han thawh a, beram hmul chu a han hmeh sawr chuan beram hmula mi chu dai berhbu khat zet a han sawr chhuak ta mai si a.

³⁹Tin, Gideonan Pathian hnenah, "Ka chungah thinrim suh ang che, vawikhat tal ka han sawi leh teh ang; khawngaih takin vawi khat tal beram hmulin mi fiahtir leh teh ang che; tun tumah chuan beram hmuh chauh chu lo hul se la, lei chung zawng zawngah dai lo awm leh thng rawh se," a ti a.Tin, chutiang chuan beram hmuh chauh chu a lo hul a, lei chung zawng zawngah chuan dai a lo awm ta thung a.

⁴⁰Tin, chutiang chuan beram hmuh chauh chu a lo hul a, lei chung zawng zawngah chuan dai a lo awm ta thung a.