Read Baibul, Mizo Roreltute 8 Bible Online

Roreltute 8 - Baibul, Mizo bible

Roreltute 8

¹Tin, Ephraim-hote chuan a hnenah, "Engtiziaa hetianga min ti nge i nih a, Midian-ho i beihnaah chuan min sawm ve loh?" an ti a. An hau nasa hle mai a.

²Tin, ani chuan an hnenah, "Nangni aiin eng nge ka tih uchuak bik le? Abiezer-ho grep lawh ai chian Ephraim-ho grep hmaih chhar hi a nasa zawk lo em ni?

³Pathianin Midian-ho lal Oreba leh Zeeba chu in kutah a rawn pe ta a ni a: tichuan nangni ai hian keiin eng nge ka lo tih uchuak theih bik ni?" a ti a. Chutichuan chu mi thu a han sawi chuan a chunga an thinrim chu a reh ta a.

⁴Tin, Gideona leh a hnena mi zathum awmte chuan Jorda lui chu an zuk thleng a, an kan a, chu chung chungin an um zel a.

⁵Tin, Sukoth khuaa mite hnenah chuan "Heng ka hnungzuite hi khawngaih takin chhangper pe teh u khai; an chau tawh em mai a, Midian-ho lal Zeba leh Zalmuna ka um a ni e," a ti a.

⁶Tin, Sukoth khuaa mi lianhote chuan, "Zeba leh Zalmuna chu i kuta awm tawh ang renga chutia i sipaihote chhang kan han pek mai tur chu?" a ti a.

⁷Tin, Gideona chuan, "Aw le, LALPA'n Zeba leh Zalmuna chu ka kuta mi pek hunah thlaler hling leh hnimhlingneite chuan in taksa chu ka chhun thler diai duai mai ang maw le," a ti a.

⁸Tin, chu ta tang chuan Penuel-ah a han kal a,an hnenah chutiang bawk chuan a sawi leh a: tin, Penuel khua amite chuan Sukoth khuaa mite chhan ang bawkin an lo che ve a.

⁹Tin, Penuel khuaa mite hnenah chuan, "Remna thu hawna ka lo kir leh hunah, he kulh hi ka rawn tichim ang maw le," tiin a sawi bawk a.

¹⁰Zeba leh Zalmuna chu Karkor-ah an awm a, an sipaihote khawchhak fate sipaiho thi bang zawng zawng, singkhat leh sangnga laite nen: khandaih keng mi thiau nuaikhat leh singhnih an thi si a.

¹¹Tin, Gideona chu Noba leh Jogbeha chhak lama puan ina chenghote kawngah a han chho a, sipaihote chu a han bei a; sipaihote chu ralmuang takin an lo awm si a.

¹²Tin, Zeba leh Zalmuna chu an tlanchhe ta a; tin, ani chuan a um a; tichuan Midian-ho lal pahnih Zeba leh Zalmuna chu a man a, sipaiho zawng zawngte chu a tibuai ta nuai nuai a.

¹³Tin, Joasa fapa Gideona chu Heres chho atangin indona ata chu a lo kir leh ta a.

¹⁴Tin, Sukoth khua atlangval pakhat hi a man a, thute a zawt a: tichuan Sukoth khuaa mi lianhote leh, upate hming chu a ziahsak vek a, sawmsarih leh pahnih a an ni a.

¹⁵Tin, Sukoth khuaa mite hnenah chuan a han kal a, "Zeba leh Zalmuna hi en teh u le, he mite alawm 'Zeba leh Zalmuna chu i kuta awm tawh ang reng a, chutia i mi chaute chhan gkan han pek mai tur chu?' tia mi tihel vei kha," a ti a.

¹⁶Tichuan chu mi khaw upate chu a man a, thlaler hling leh hnimhlingneite chuan Sukoth mite chu a zirtir a.

¹⁷Tin, Penuel khaw kulh chu a tichim a, khuaa mite pawh chu a that a.

¹⁸Tichuan Zeba leh Zalmuna hnenah chuan," Tabor tlanga in mi thahte kha mi eng ang nge an nih?" a ti a. Tin, anni chuan, "Nangmah ang bawk hi an ni; lal fa anna an nei theuh mai," an ti a.

¹⁹Tin, ani chuna, "Ka unau, ka nu fapate ngei an ni a sin: LALPA c hu anung ngei ang hian, anni chu lo zuah ta ni u la chu, ka that lo tur che u," a ti a.

²⁰Tin, a fapa upa ber Jethera hnenah chuan, "Khai le, nangin that rawh," a ti a.Nimahsela tlangval chuan a khandaih a phawi lo; tlangval mai a la nih avangin a hlau a ni.

²¹Tichuan Zeba leh Zalmuna chuan, "Nangmah kha lo thawk la, min rawn bei ta che: patling leh patling inbeih tur alawm," an ti a. Tin, Gideona chu a tho a, Zeba leh Zalmuna chu a that ta a, tin, an sanghawngsei nghawnga nghawngkawlte chu a la a.

²²Chutichuan Israel mite chuan Gideona hnenah, "Nangin ka chungah ro rel tawh ang che, nang leh i fapa leh, i fapaa fapate chen pawhinL nangin Midian-hote lakah hian min chhandam ta si a," an ti a.

²³Tin, Gideonan an hnenah, "Kei zawngin in chungah hian ro ka rel lo ang a, ka fapa lahin in chungah ro a rel hek lo ang: LALPA'n in chungah ro a rel zawk ang," a ti a.

²⁴Tin, Gideonan an hnenah, Thil pakhat erawh chu dil che u ka duh a ni, mi tinin in rallak bengbeh chu mi pe ta theuh che u," a ti a. (Ismael-ho an nih avangin rangkachak bengbeh an nei a ni).

²⁵Tin, anni chuan, "Kan pe mawlh ang che, " an ti a. Chutichuan puan an phah a, mi tinin an rallak bengbeh chu an theh chhuak ta theuh a.

²⁶Tin, chung rallak bengbeh a dilte chu a rih lam rangkachak sekel sangkhat leh zasarih a ni; nghawngkawl e, bengbeh te, Midan lalte puan sen duk tiam loin, an sanghawngseite khaidiat awrh pawh tel loin.

²⁷Tin, Gideona chung chuan ephod a siam a, a awmna Ophra khuaah a dah a: chu tah chuan chu mi lakah chuan Israel-ho zawng zawng chu an lo uire zo ta a: tichuan Gideona leh a chhungte tan pawh thang a lo ni a mai a.

²⁸Chutichuan Midian-ho chu Israela thlahte hmaah chuan tihtlawmin an lo awm awm ta a, tichuan an chechang thei ta lo a. Tin, Gideona dma chhung chuan ram chu kum sawmli chhung ralmuangin a awm a.

²⁹Tin, Joasa fapa Jerubaala chu a in lamah a awm ta a.

³⁰Tin, Gideona chuan ama hrin ngei fapa sawmsarih a nei a: nupui tam tak nei a ni a.

³¹Tin, Sekem khuaa a hmeiin fapa a hrinsak bawk a, a hmingah Abimeleka a sa a.

³²Joasa fapa Gideona chu tar kuna damin a thi a, tichuan Abiezrit mi Ophra khuaa a pa Joasa thlanah an phum ta a.

³³Tin, heti hi a ni a, Gideona thih veleh chuan Israela thlahte chu an lo hnungtawlh leh ta a, Baal-e lakah an uire a, Baal-berith chu an pathianah an lo siam ta a,

³⁴Tin, Israela thlahte chuan an vela hmelmate zawng zawng lak ata chhan chuaktu LALPA an Pathian chu an hre ta lo va:Jeru-baala (Gideona chu) Israel-hote chunga theihtawpa that chhuah thintu chhungte chungah pawh chuan that an chhuah ve ta hek lo.

³⁵Jeru-baala (Gideona chu) Israel-hote chunga theihtawpa that chhuah thintu chhungte chungah pawh chuan that an chhuah ve ta hek lo.