Read Baibul, Mizo 2 Johana 1 Bible Online

2 Johana 1 - Baibul, Mizo bible

2 Johana 1

¹Upa chuan, hmeichhe tha thlan leh a fate hnenah: Thutak, keimahnia awm reng, kumkhua pawha kan hnena awm tur avang hian tih tak zetin ka hmangaih che u a ni;

²kei chang ka ni lo e, thutak chu hria apiang pawhin a ni.

³Pa, Pathian leh Pa Fapa Isua Krista hnen ata khawngaihna te, zahngaihna te, remna te chu, thutak leh hmangaihnain kan hnenah a awm ang.

⁴Pa hnen ata thupek kan hmuh ang khan i fa, tute emaw thutaka awmin ka hmuh avangin ka lawm hle a ni.

⁵Hmeichhe tha, i hnenah thupek thar ziak ang ni loin, atir ata kan neih ang kha ziak zawkin, kan inhmangaih tawnna turin ka ngen chiam a che.

⁶Tin, hei hi hmangaihna a ni, ama thupek ang zela kan awmhi. Thupek, atir ata in hriat ang chu hei hi a ni, chu miah chuan in awm tur chu.

⁷Bumtu tam tak - Isua Krista chu tisain a lo kal tih tan lotute kha - khawvelah hian an lo chhuak ta si a. Chutiang mi chu a ni, bumtu leh Krista dodaltu chu.

⁸Kan thawh chhuah sate kha in hloh loh a, a man chu a kima in hmuh theih zawkna'n inveng tha rawh u.

⁹Tupawh Krista zirtirna thua awm reng loa khum chuan Pathian a nei lo e. Chu mi zirtirna thua awm reng erawh chuan chu mi ngei chuan Pa leh Fapa a nei kawp a ni.

¹⁰Tupawh chu mi zirtirna thu chu rawn keng loin, in hnenah lo kal se la, in inah thlentir suh u la, tawngkam tha pawhin thlah suh u;

¹¹tawngkam thaa thlahtu chu a thiltihsualah chuan a tel ve si a.

¹²In hnenah thu tam tak sawi tur ka neih avangin lehkha leh lehkhatuiin ziak ka duh lo e; in lawm a kim theihna'n in hnena lo kala inhmatawna inbiak ka beisei zawk a ni.I laizawnnu thlana faten chibai an buk a che.

¹³I laizawnnu thlana faten chibai an buk a che.