Read Baibul, Mizo 3 Johana 1 Bible Online

3 Johana 1 - Baibul, Mizo bible

3 Johana 1

¹Upa chuan, duh tak Gaia, tih tak zeta ka hmangaiha hnenah chuan:

²Duh tak, i thlarau chuan malsawmna a hmuh angin, engkimah malsawmna i hmuh leh i dam theihna'n ka tawngtai thin a ni.

³Unaute lo kalin i takzia (thutaka i awm thinzia chu) min rawn hriattir lai khan ka lawm em em si a.

⁴Ka fate thutakah an awm tih ka hriat aliama lawmna nasa zawk reng ka nei lo e.

⁵Duh tak, unaute, mikhual ni mahsela, an chunga i tih apiangah rinawm takin i ti thin a;

⁶Chung mite chuan kohhranho hmaah i hmangaihna an hriattir tawh; anni chu an zinnaah chuan Pathian mi ni awm renga i puihbawm chuan a tha ang;

⁷Hming avang hian Jentailte hnen ata engmah la loin a lo thawk chhuak a ni.

⁸Chutichuan, thutak thawhpuitute kan nih theihna'n chutiang mi chu keinin kan lawm tur a ni.

⁹Kohhranho hnenah khan thu tlem chu ka ziak tawh; nimahsela Diotrepha, an zinga chungnun duh thin kha min lawm si lo.

¹⁰Chuvangin, ka lo kal chuanin a thiltihte ka hriat chhuahtir leh ang, kan chungah thu sual sawiin a kamtamzia hi; chu pawh chu tawk a ti lo a, amah ngeiin unaute a lawm lo a, a lawm duhte pawh a khap a, kohhranho zing ata a hnawt chhuak thin.

¹¹Duh tak, sual chu zir suh la, tha chu zir zawk ang che. Thil tha titu chu Pathian laka mi a ni; thil sual titu chuan Pathian a hmu ngai lo.

¹²Demetria chuan mi zawng zawng fak a hlawh a, thutaka fak ngei a hlawh bawk a; a ni, keini pawhin kan fak a ni; kan fakna hi a dik a ni tih i hria e.

¹³I hnenah thu tam tak ziak tur ka nei a, nimahsela lehkhatui leh lehkhaziaknain i hnena ziak ka duh loa;rei lo te chinah hmuh che ka beisei zawk a,tichuan inhmatawnin kan inbia ang. Thlamuanna i chungah awm rawh se. Kan thianten chibai an buk a che. An hming lam theuhin thiante chu chibai mi buksak ang che.

¹⁴rei lo te chinah hmuh che ka beisei zawk a,tichuan inhmatawnin kan inbia ang. Thlamuanna i chungah awm rawh se. Kan thianten chibai an buk a che. An hming lam theuhin thiante chu chibai mi buksak ang che.