Read Baibul, Mizo Thu Puan 10 Bible Online

Thu Puan 10 - Baibul, Mizo bible

Thu Puan 10

¹Tin, vantirhkoh chak tak dang pakhat chhuma inthuam, van atanga lo chhuk ka hmu a; a luah chuan chhimbal chu a zam a; a hmai chu ni ang a ni a, a kete chu mei ban ang a ni;

²tin, a kutah chuan lehkhabu te tak te hawn sa a keng a; tin, a ke ding lamin tuifinriat a rap a, a vei lamin khawmual a rap a;

³tin, sakeibaknei hahum angin aw ring takin a au ta a! tin, a au zawh chuan khawpui ri pasarihte chuan an aw an chhuah ta a.

⁴Tin, khawpui ri pasarihte chuan an aw an chhuah veleh ka ziak dawn a; tichuan, "Khawpui ri pasarihte thusawi chu zep tlat la, ziak suh," tiin van atangin aw ka hre ta a.

⁵Tin, vantirhkoh, tuifinriat leh khawmuala ding ka hmuha chuan a kut ding lam chu van lamah a phar a,

⁶chatuana nung renga, van, a chunga thil awmte nen, lei, a chunga thil awmte nen, tuifinriat, a chhunga thil awmte nena siamtu chu chhalin, "Hun a awm tawh lo ang;

⁷nimahsela, vantirhkoh pasarih thawm a awm hunah a ham dawn tepin, Pathian thuruk chu a kim tawh ang, a bawih zawlnei hnena a chanchin tha hrilh ang khan," a ti a.

⁸Tin, van ata aw ka hriat khan mi be leh a, "Tuifinriat leh khawmuala ding vantirhkoh kuta lehkhabu hawn sa saw va la rawh," a tih ka hria a.

⁹Tin, vantirhkoh hnenah chuan ka va kal a, a hnenah, "Lehkhabu te tak te kha mi pe rawh," ka ti a. Tin, ani chuan ka hnenah, "La la ei zo vek rawh, tichuan i pum chu a tikha ang a, i kaah erawh chuan khawizu angin a thlum ang," a ti a.

¹⁰Tin, vantirhkoh kut ata lehkhabu te tak te chu ka la a, ka ei zo vek a; tichuan, ka kaah chuan khawizu angin a thlum a; nimahsela ka ei zawh veleh ka pum chu a kha zo ta a.Tin, ka hnenah, "Mi tam tak te, hnam tam tak te, tawng tam tak te, lal tam tak te chungchang thu I hril leh ang," an ti a.

¹¹Tin, ka hnenah, "Mi tam tak te, hnam tam tak te, tawng tam tak te, lal tam tak te chungchang thu I hril leh ang," an ti a.