Read Baibul, Mizo Thu Puan 12 Bible Online

Thu Puan 12 - Baibul, Mizo bible

Thu Puan 12

¹Tin, thilmak ropui tak vanah a lo lang ta a; hmeichhia nia inthum, a ke hnuaia thla awm, arsi sawm leh pahniha siam lallukhum khum a lo awm a;

²ani chuan nau a pai a; nau vei nain a sahram a.

³Tin, thilmak dang vanah a lo lang leh a; ngai teh, drakon sen lian pui, lu sarih leh ki sawm nei, lallukhum pasarih khum a lo awm a.

⁴A mei chuan van arsi hmun thuma thena hmun khat chu a hnuk a, leiah a paih thla ta a; tin, a hrin huna a nau chu a lem theihna'n drakon chu hmeichhe nau hring tur hmaah chuan a ding reng a.

⁵Tin, fapa, hnam zawng zawng chunga thir tianga rorel tur a hring a; tin, a fa chu Pathian hnenah leh a lalthutphahah chuan lak chhohin a awm ta a.

⁶Tin, hmeichhia chu thlalera Pathian buatsaih hmun a neihnaah chuan a tlan bo a, chutah chuan ni 1,260 an chawm theihna turin.

⁷Tin, vanah chuan indona a lo awm a; Mikaela leh a vantirhkohte chuan drakon chu an do a; drakon leh a tirhkohte pawh chuan an do ve a;

⁸nimahsela, an hneh ta lo a, an hmun chu vanah a awm ta bawk hek lo.

⁹Tin, drakon lian pui, rulpui tar Diabola leh Setana an tih, khawvel zawng zawng bumtu chu an paih thla ta a; leiah an paih a, a tirhkohte pawh an paih thla tel ve a.

¹⁰Tin, vanah chuan aw ring takin, "Tunah chuan kan Pathian chhandamna leh thiltihtheihna leh ram chu a lo thleng ta,a Krista thuneihna nen;kan unaute hektu, kan Pathian hmaa achhun azana hek thintu chu an paih thla ta si a.

¹¹Nimahsela, Beram No thisen avang leh an hriattirna thu avangin ani chu an hneh a ni, thih ngam khawpin an nunna an ngainep bawk a.

¹²Chuvangin, aw, vante leh a chhunga awmte u, lawm rawh u! Lei leh tuifinriat chung a pik e! Diabola chuan hun tlem te chauh a nei tih a inhriat avanga thinur em ema in hnena a lo chhuk tak avangin," a tih ka hria.

¹³Tin, drakon chuan leia paih thlak a ni tih a inhriat veleh fapa hringtu hmeichhia chu a tiduhdah ta a.

¹⁴Tichuan, thlalera a hmunah chuan a thlawh luh theihna'n hmeichhia chu mupui lian tak thla khing hnih an pe a, chutah chuan rulpui hmuh phak lohvah hun khat leh a chanve chhung zawng an chawm ang.

¹⁵Tin, rulpui chuan tuiin a len botir theihna'n hmeichhe hnungah chuan lui ang mai hian a ka ata tui a pik chhuak a.

¹⁶Nimahsela, leiin hmeichhia chu a tanpui a, lei chuan a ka a ang a, drakon-in a ka ata a pik chhuah lui chu a lem zo ta a.Tichuan, drakon chu hmeichhe chungah chuan a lo thinur a, a thlah la awm Pathian thupekte zawma Isua hriattirna thu pawmte chu do turin a kal ta a.

¹⁷Tichuan, drakon chu hmeichhe chungah chuan a lo thinur a, a thlah la awm Pathian thupekte zawma Isua hriattirna thu pawmte chu do turin a kal ta a.