Read Baibul, Mizo Thu Puan 13 Bible Online

Thu Puan 13 - Baibul, Mizo bible

Thu Puan 13

¹Tichuan, tuifinriat tiauphovah chuan a ding ta a.Tin, Sakawlh ki sawm leh lu sarih nei tuifinriata lo chhuak ka hmu a, a kiahte chuan lallukhum sawm a awm a, a luahte chuan Pathian sawichhiatna hmingte a awm bawk a.

²Tin, ka Sakawlh hmuh chu keite ang a ni a; a kete chu savawm ke ang a ni a, a ka chu sakeibaknei ka ang a ni; tin,drakon chuan a hnenah a thiltihtheihna leh a lalthutphah leh thuneihna nasa tak a pe a.

³Tin, a lu pakhat chu thihpui khawp hiala hliam angin ka hmu a; nimahsela a thihpui khawp hial tura hliam chu a dam ta a, tichuan leia mi zawng zawngin Sakawlh chu mak an ti a, an zui a.

⁴Tin, Sakawlh hnenah chuan a thuneihna chu a pek avangin drakon chu Pathian chibai bukin an buk a; tin, "Sakawlh ang hi tu nge awm a, tu nge do thei awm?" tiin sakawlh pawh chu an buk bawk a.

⁵Tin, uanna leh Pathian sawichhiatna thusawina ka a hnenah pek a ni a, thla 42 che turin thu pek a ni bawk a.

⁶Tichuan, Pathian sawichhiain a ka a ang ta a, a hming leh a awmna vana awmhote chu sawichhe turin.

⁷Tin, mi thianghlimte a do leh a hneh phal a ni a, chi tinreng te, mi tinreng te, tawng tinreng te, hnam tinreng te chunga thuneihna a hnenah pek a ni bawk a.

⁸Tichuan, leia awm zawng zawng, leilung pian tirha talh tawh Beram No Nunna Bua hming ziak loh apiang chuan Pathian chibai bukin an buk ang.

⁹Tupawhin beng an neih chuan hre rawh se.

¹⁰Tupawh sala awm tur chu salah an awm ang, tupawh khandaiha thi tur chu khandaiha tihhlum a ni ang. Hetah hian mi thianghlimte chu chhel tak leh rinawm taka an awm a tulzia a lang.

¹¹Tin, Sakawlh dang laia lo chhuak ka hmu a; beram no ki ang ki pahnih a nei a, drakon tawng angin a tawng a.

¹²Sakawlh hmasa zawk thuneihna zawng zawng kha a mithmuhah a hmang a. Lei leh a chunga awm zawng zawngte chu Sakawlh hmasa zawk, thihpui khawp hial tura hliam dam leha chu chibai a buktir bawk a.

¹³Tin, mihring mithmuhah van atanga leia mei tlaktir thei khawp hialin thilmak ropui tak a ti thin. 14Leia awmte hnenah Sakawlh, khandaiha hliam hnu la dama chawimawina'n amah lem an siam tur a ni tih sawiin, Sakawlh mithmuha thilmak ti tura thu a hmuh, chung thilmak avang chuan leia awmte chu a bum bawk a.

¹⁴Leia awmte hnenah Sakawlh, khaihdaiha hliam hnu la dama chawimawina'n amah lem an siam tur a ni tih sawiin, Sakawlh hmuha thilmak ti tura thu hmuh, chu'ng thilmak vang chuan leia awmte chu a bum bawk a.

¹⁵Tin, Sakawlh lem chu a tawng theihna tur leh Sakawlh lem chibai buk lo apiang a tihhlumtir theih bawkna turin Sakawlh lem hnenah chuan thawkna pek phal a ni.

¹⁶Tin, mi zawng zawng alian atein, ahausa aretheiin bawih leh bawih lo pawh, an kut ding lamah emaw an chalah emaw chhinchhiahna a neihtir hlawm a;

¹⁷chhinchhiahna - Sakawlh hming emaw a hming nambar emaw - neite chauh lo chuan tuma'n engmah an lei leh an hralh theih lohna'n.Hetah hian fin a tulzia a lang. Chhut thiam chuan Sakawlh nambar chu chhut rawh se; mihring nambar a ni si a; a zat chu 666 a ni.

¹⁸Hetah hian fin a tulzia a lang. Chhut thiam chuan Sakawlh nambar chu chhut rawh se; mihring nambar a ni si a; a zat chu 666 a ni.