Read Baibul, Mizo Thu Puan 15 Bible Online

Thu Puan 15 - Baibul, Mizo bible

Thu Puan 15

¹Tin, vanah chhinchhiahna dang, ropui tak leh mak tak ka hmu a, vantirhkoh pasarih hremna pasarih kengte chu; chu chu hremna hnuhnung berte a ni, chungah chuan Pathian thinurna chu a kin tawh si a.

²Tin, darthlalang, mei nena inpawlh tuifinriat ni awm tak ka hmu a; sakawlh te, a lem te, a hming nambar te hneha lo chhuakte chu Pathian tingtang kenga, darthlalang tuifinriat kama ding ka hmu bawk a.

³Tin, Pathian bawih Mosia hla leh Beram No hla, "Aw Lalpa Pathian, Engkimtithei, I thiltihte chu a ropuiin a mak a; nang, hnam tin Lalber, I kawngte chu a felin a dik a ni.

⁴Aw Lalpa, tu nge i hming zah lo anga chawimawi lo ang? Nang chauh i thianghlim si; I thiltih felte chu tihlan a nih tawh avangin, nnam tinrengin chibai an rawn buk ang che," tih hi an sa a.

⁵Chung hnuah chuan ka han en a, tin, vana hriattirna biak buk pindan chhungnung chu an hawng a,

⁶tichuan, pindan chhungnung atang chuan hremna pasarih keng vantirhkoh pasarihte chu, puan thianghlim var tak sinin, an awma rangkachak kawnghrena inhrengin an lo chhuak a.

⁷Tin, Thilnung pali zinga pakhat chuan, vantirhkoh pasarihte hnenah chuan, Pathian chatuana nung renga thinurnaa khat rangkachak berhbu pasarih a pe a.Tin, pindan chhungnung chu Pathian ropuina leh a thiltihtheihna khuin a khat ta a; vantirhkoh pasarihte hremna pasarih chu a reh hma loh zawng, pindan chhungnungah chuan tumah an lut thei lo.

⁸Tin, pindan chhungnung chu Pathian ropuina leh a thiltihtheihna khuin a khat ta a; vantirhkoh pasarihte hremna pasarih chu a reh hma loh zawng, pindan chhungnungah chuan tumah an lut thei lo.