Read Baibul, Mizo Thu Puan 16 Bible Online

Thu Puan 16 - Baibul, Mizo bible

Thu Puan 16

¹Tin, pindan chhungnung atang chuan aw ring takin, vantirhkoh pasarihte hnenah chuan, "Kal u la, Pathian thinurna berhbute chu leiah leih baw rawh u," a tih ka hria a.

²Tin, a hmasa ber chu a kal a, a berhbu chu leiah a leih bua a; tichuan, Sakawlh chhinchhiahna neite leh a lem chibai bukte chungah chuan, pan chhe na takah a chang ta a.

³Tin, a pahnihna chuan a berhbu chu tuifinriatah a leih bua a; tichuan, mitthi thisen angin thisenah a chang ta a; chutichuan thil nung tinreng tuifinriata awmte chu an thi ta vek a.

⁴Tin, a pathumna chuan a berhbu chu luiahte leh tuikhurahte a leih bua a; tichuan, thisenah a chang ta a.

⁵Tin, tui vantirhkoh chuan, "Nang Mi Thianghlim, hetianga ro i rel avang hian, nang awm mek leh awm tawh, i fel e.

⁶Anni chuan mi thianghlimte leh zawlneite thisen an chhuah a, tin, nangin in tura thisen vek i pek thung hi; in tlak an ni reng e," a tih ka hria.

⁷Tin, maicham chuan, "A ni, aw Lalpa Pathian, Engkimtithei, i rorelte chu a dikin a fel a ni," a tih ka hria.

⁸Tin, a palina chuan a berhbu chu niah a leih bua a; tichuan, ni chu meia mihring em ut turin thiltihtheihna an pe a.

⁹Chutichuan, mite chu sa tak em uhin an awm a, chung hremna chunga thuneitu Pathian hming chu an sawichhia a, amah chawimawi turin an sim chuang lo.

¹⁰Tin, a pangana chuan a berhbu chu sakawlh lalthutphahah a leih bua a; tichuan, a ram chu a lo thim ta vek a; tin, an nat avangin an lei an seh a,

¹¹an nate leh an pante avangin van Pathian chu an sawichhia a; an thiltihte chu an sim chuang lo.

¹²Tin, a parukna chuan a berhbu chu tuipui, Euphrates-ah chuan a leih bua a; tichuan, ni chhuahna lam atanga lal lo kal turte tana kawng chu peih sa a lo nih theihna'n, a tui chu a kangchat ta a.

¹³Tin, drakon ka atang leh sakawlh ka atang leh zawlnei der ka atang chuan, thlarau bawlhhlawh pathum, chungu ni awm tak lo chhuak ka hmu a;

¹⁴chung chu ramhuai thlarau, thilmak ti thinte an ni; anni chu Pathian Engkimtitheia ni ropuia indonaa hruai khawm turin, khawvel zawng zawnga lalte hnenah an kal a,

¹⁵(Ngai teh, rukru angin ka lo kal dawn e; inringa puan veng chu a eng a thawl e, chutilochuan saruakin a leng ang a, a zahmawh an hmu dah ang e);

¹⁶hmun pakhat Hebrai tawnga Har-Magedon an tihah chuan an hruai khawm ta a.

¹⁷Tin, a pasarihna chuan a berhbu chu boruakah a leih bua a; tichuan, pindan chhungnung atangin Lalthutphah ata," A kin ta," tiin aw ring tak a lo chhuak a.

¹⁸Tin, kawlphe te, aw te, khawpui ri te a lo awm ta a; lir pawh nasa takin a lo nghing a, leia mihring awm achin chutianga nasa reng reng a la awm ngai lo, lirnghing chuti kauva nasa leh ropui chu.

¹⁹Tichuan, khaw ropui chu hmun thumah a lo inthen a, hnam tin khuate chu a lo chim a; tin, a thinur nasatna uain no chu a hnena pek turin, Babulon khaw ropui chu Pathian hmaah hriat rengin a lo awm ta a.

²⁰Tin, thliarkar tinreng a bo ta vek a, tlangte pawh a awm ta lo a.Tin, rial lian tak talent tluk laia rit theuh, van atangin mihringte chungah a tla a:tin, mihringte chuan riala hremna avang chuan Pathian an sawichhe ta a; chu hremna chu a nasa em em si a.

²¹Tin, rial lian tak talent tluk laia rit theuh, van atangin mihringte chungah a tla a:tin, mihringte chuan riala hremna avang chuan Pathian an sawichhe ta a; chu hremna chu a nasa em em si a.