Read Baibul, Mizo Thu Puan 17 Bible Online

Thu Puan 17 - Baibul, Mizo bible

Thu Puan 17

¹Tin, vantirhkoh pasarih, berhbu pasarih kengte zinga pakhat chuan mi bia a, "Hawh teh, tui tam taka thu nawhchizuar ropui tak hremna chu ka entir ang che;

²leia lalte chuan ani chu an ngai thin a, leia awmte pawh chu a mi ngaih chinna uain chuan hrai ruihin an awm thin," a ti a.

³Chutichuan, ani chuan Thlarauin thlalerah mi kalpui a; tin, Pathian sawichhiatna hminga khat, lu sarih leh ki sawm nei, sakawlh sen tak chunga chuang hmeichhia ka hmu a.

⁴Chu hmeichhia chuan puan senduk leh sen lar a sin a, rangkachak leh lung man tam leh tuikeplungin a inchei a, rangkachak no, thil tenawm, a mi ngaih chinna thil bawlhhlawha khat a keng a,

⁵a chalah chuan thuruk, "Babulon Khaw Ropui, Leia Nawhchizuarte leh Thil Tenawmte Nu," tia hming ziak a awm a.

⁶Tin, chu hmeichhia chu mi thianghlimte thisen leh Isua martarho thisena rui ka hmu a. Ka hmuh veleh mak ka ti em em mai a.

⁷Tichuan, vantirhkoh chuan ka hnenah," Eng vangin nge mak i tih kha? Hmeichhia leh a phurtu sakawlh, lu sarih leh ki sawm nei thuruk chu ka hrilh ang che.

⁸Sakawlh i hmuh kha a awm tawh zet a, a awm leh ta lo a; tin, leilawt atangin a lo chhuak chho ang a, boralnaah a kal ang. Tin, leia awmte, leilung pian tirh ata Nunna Bua hming ziak lohte chuan, sakawlh chu an hmuh hunah a awm tawh zet a, a awm leh ta lo a, a lo kal leh dawn chu mak an la ti ang.

⁹Hetah hian fin thiam a tulzia a lang. Lu sarihte chu hmeichhe thutna tlang sarihte chu an ni.

¹⁰Lal pasarih pawh an ni a; pangate chu an tlawm ta a, pakhat chu a la awm a, pakhat chu a lo la awm rih lo a;a lo awm hunah chuan rei lo te a awm tur a ni.

¹¹Tin, sakawlh awm tawh zet a, awm leh ta loa ngei pawh kha a pariatna a ni a, pasarihte zinga mi kha a ni nghe nghe a, boralnaah a la kal ang.

¹²Tin, ki sawm i hmuhte kha lal sawm, ram la nei lote an ni a; darkar khat chhung erawh chu sakawlh nen lal thuneihna an la chang ang.

¹³Chung chuan thu khat vuain an thiltihtheihna leh thuneihna chu sakawlh an pe ang.

¹⁴Chung chuan Beram No chu an do ang a, tin, Beram No chu hotute Hotu leh lalte Lal a nih avangin anni chu a hneh ang a; tin, a hnena awm, koha te, thlana te, rinawma te chuan an hneh bawk ang," a ti a.

¹⁵Tin, amah vek chuan ka hnenah, "Nawhchizuar thutna tui i hmuhte kha, mi te, mipui te, hnam te, tawng te a ni a.

¹⁶Ki sawm i hmuh leh sakawlh ngei chuan nawhchizuar chu an hua ang a, engmah nei lo leh saruakin an siam ang a,a sa pawh an ei ang a, meiin an halral ang.

¹⁷Pathian thute chu a thlen hma loh chuan a duhzawng an tihna tur leh, thu khat an lo vuakna tur leh, an ram chu sakawlh hnenah an pekna turin Pathianin an thinlungah a tir si a.Tin, i hmeichhe hmuh kha khaw ropui, leia lalte chunga roreltu chu a ni," a ti a.

¹⁸Tin, i hmeichhe hmuh kha khaw ropui, leia lalte chunga roreltu chu a ni," a ti a.