Read Baibul, Mizo Thu Puan 19 Bible Online

Thu Puan 19 - Baibul, Mizo bible

Thu Puan 19

¹Chung hnuah chuan vanah mipui tam takte aw ring tak ni awm tak hian, "Halleluia,chhandamna te,ropuina te.thiltihtheihna te kan Pathian ta a ni;

²a rorelnate chu a dikin a fel a ni; ani chuan nawhchizuar ropui tak, a mi ngaih chin vanga lei tikhawlotu chu ro a rel a, a bawihte thisen chhuak phuba chu a kuta a lak tak hi," a tih ka hria a.

³Tin, "Halleluia," an ti leh a. Tin, a khu chu chatuanin a chho ang.

⁴Tin, upa sawmhnih leh pali leh Thilnung palite chu an bawkkhup a, "Amen; Halleluia," tiin, Pathian, lalthutphaha thu chu chibai an buk a.

⁵Tin, lalthutphah atangin aw a lo chhuak a, "Nangni a bawih zawng zawng, a zahtu mi lian leh mi tete u, kan Pathian chu fak rawh u," a ti a.

⁶Tin, mipui tam tak aw ang leh, tui tam tak ri ang leh, khawpui nasa tak ri angin, "Halleluia, Lalpa kan Pathian Engkimtitheia chuan ro a rel tak hi.

⁷Hlim takin lawm i la, amah i chawimawi ang u, Beram No nupui neih chu a hun ta si a, a nupui pawh a inpeih tawh," a tih ka hria.

⁸Puan zai sin fai tak var tak sin an phal a, puan zai sin chu mi thianghlimte thiltih fel a ni si a.

⁹Tin, "'Beram No nupui neihna ruaitheha sawmte chu an eng a thawl e,' tiin ziak rawh," mi ti a. Tin, ka hnenah," Heng thu hi Pathian thu tak a ni," a ti a.

¹⁰Tichuan, Pathian chibai buka buk turin a ke bulah ka bawkkhup a. Tin, ani chuan ka hnenah, "Heti chuan ti suh khai; kei chu nangmah leh i unau, Isua hriattirna thu pawmte bawihpui ka ni alawm; Pathian chibai buk zawk rawh; Isua hriattirna thu chu thu hrilhna thlarau a ni si a," a ti a.

¹¹Tin, van inhawng ka hmu a; tin, ngai teh, sakawr var leh a chunga chuang, Rinawma leh Diktaka an tih chu ka hmu bawk a; ani chuan fel takin ro a rel a, mi a do thin.

¹²A mitte chu meialh ang a ni a, lallukhum tam tak a khum a, tin, hming ziak, amah chauh lo chuan tumahin an hriat loh a nei a.

¹³Puan thisen kai a sin a; a hmingah chuan "Pathian Thua" an ti a.

¹⁴Tin, vana sipaihote chuan puan zai sin var tak fai tak sinin, sakawr var chungahte chuangin an zui a.

¹⁵Tin, a ka atangin khandaih hriam tak a chhuak a, chu chu hnam tin a sahna tur a ni; tin, thir tiangin an ro a rel ang a; Pathian Engkimtitheia thinur nasatna grep sawrna khurah chuan a rap sawr ang.

¹⁶Tin, a puanah leh a malpuiah chuan "Lalte Lal leh Hotute Hotu," tia hming ziak a awm a.

¹⁷Tin, niah khian vantirhkoh ding ka hmu a; tin, ani chuan vanlaizawla sava thlawk zawng zawng hnenah chuan aw ring takin a au a,

¹⁸Lal sa te, sipai hotu sa te, mi chak sa te, sakawr leh a chunga chuang sa te, mi zawng zawng - bawih leh bawih lo, alian ate pawh - an sa in ei theihna turin, Pathian ruai ropui tak thehnaah chuan rawn inkhawm rawh u,

¹⁹Tin, sakawlh te, leia lalho te, an sipaiho te, sakawr chunga chuang kha do tur leh a sipaiho do tura an inkhawm ka hmu a.

²⁰Tin, sakawlh chu an man a, zawlnei der - sakawlh chhinchhiahna nei leh a lem chibai buktute a bum thinna thilmak a mithmuha titu kha - an man tel a; an pahnih chuan kata kang mei dilah chuan a nung chungin an paih a;mi dangte chu sakawr chunga chuang khandaih, a ka atanga chhuak khan sahhlum an ni ta a; sava zawng zawngte chu an sate eiin an puar ta vek a.

²¹mi dangte chu sakawr chunga chuang khandaih, a ka atanga chhuak khan sahhlum an ni ta a; sava zawng zawngte chu an sate eiin an puar ta vek a.