Read Baibul, Mizo Thu Puan 7 Bible Online

Thu Puan 7 - Baibul, Mizo bible

Thu Puan 7

¹Chu mi hnuah chuan khawmualah leh tuifinriatah leh thing reng rengah chuan thli reng a tleh lohna'n, lei thli pali chu chelhin lei kil lia ding vantirhkoh pali ka hmu a.

²Tin, vantirhkoh dang, Pathian nung chhinchhiahna kenga ni chhuahnaa chho ka hmu bawk a; tin, ani chuan vantirhkoh pali, khawmual leh tuifinriat tihchhiat theihna pekate hnenah chuan aw ring takin,

³Kan Pathian bawihte chu an chala kan chhinchhiah hma loh zawng khawmual leh tuifinriat leh, thingte chu tichhe rih suh u," tiin a au a.

⁴Tin, an chhinchhiah zat chu ka lo hria a, Israela thlahte hnam tina mi 1,44,000 an chhinchhiah tawh a ni.

⁵Juda hnama mi 12,000; Reubena hnama mi 12,000; Gada hnama mi 12,000;

⁶Asera hnama mi 12,000; Naphtalia hnama mi 12,000; Manasea hnama mi 12,000;

⁷Simeona hnama mi 12,000; Levia hnama mi 12,000; Isakara hnama mi 12,000;

⁸Zebuluna hnama mi 12,000; Josefa hnama mi 12,000; Benjamina hnama mi 12,000 an chhinchhiah tawh.

⁹Chung hnuah chuan ka han en a, tin, ngai teh, mipui tam tak tuma chhiar sen loh, hnam tin zinga mi te, chi tin zinga mi te, mi tin zinga mi te, tawng tin zinga mi te puan var sina tumkau kengin, lalthutphah hmaah leh Beram No hmaa ding ka hmu a;

¹⁰tin, chungte chuan aw ring takin, "Kan Pathian lalthutphaha thua hnenah leh, Beram No hnenah chhandamna," tiin an au a.

¹¹Tin, vantirhkoh zawng zawngte chu lalthutphah leh upate leh Thilnung palite velah chuan dingin an awm a; lalthutphah hmaah chuan bawkkhupin,

¹²Amen: Malsawmna te, ropuina te, finna te, lawmthu sawina te, chawimawina te, thiltihtheihna te, chakna te, chatuanin kan Pathian hnenah awm rawh se," Amen. Tiin Pathian chibai an buk a.

¹³Tin, upa zinga pakhat chuan ka hnenah, "Heng puan var sinte hi tute nge ni a, khawi atanga lo kal nge an nih?" tiin mi bia a.

¹⁴Tin, kei chuan a hnenah, "Ka pu, nangma'n i hria alawm," ka ti a. Tin, anin ka hnenah, "Heng hi hrehawm nasa tak ata chhuakhote kha an ni a, an puante Beram No thisena suin an tivar ta a.

¹⁵Chuvangin, Pathian thutphah hmaah an awm a ni; tin, achhun azanin a biak inah chuan a rawng an bawl thin; tin, lalthutphaha thua chuan an chungah a puan in chu a zar ang.

¹⁶An riltam leh tawh lo ang a, an tuihal leh tawh hek lo ang; niin a em hek lo ang a, lum reng reng pawhin a tihrehawm hek lo ang.Beram No, lalthutphah laia awm chu an vengtu a ni ang a, nunna tuikhurahte a hruai ang; Pathianin an mit ata mittui zawng zawng a hru fai tawh ang," a ti a.

¹⁷Beram No, lalthutphah laia awm chu an vengtu a ni ang a, nunna tuikhurahte a hruai ang; Pathianin an mit ata mittui zawng zawng a hru fai tawh ang," a ti a.