Read Baibul, Mizo Thu Puan 8 Bible Online

Thu Puan 8 - Baibul, Mizo bible

Thu Puan 8

¹Tin, chhinchhiahna pasarihna chu a han phelh veleh, dar chanve lai van chu a reh thuap a.

²Tin, Pathian hmaa vantirhkoh pasarih ding thinte chu ka hmu a; tin, an hnenah tawtawrawt pasarih an pe a.

³Tin, vantirhkoh dang a lo kal a, rangkachak rimtui halna bawm kengin maicham kiangah chuan a ding ta a:tin, lalthutphah hmaa rangkachak maicham chunga mi thianghlim zawng zawng tawngtainate belhchhahna turin, englo rimtui tam tak a hnenah an pe a.

⁴Tin, englo rimtui khu chu vantirhkoh kut ata Pathian hmaah a chho ta a, mi thianghlimho tawngtainate nen chuan.

⁵Tin, vantirhkoh chuan englo rimtui halna bawm chu a la a, maichama meiin a tikhat a, leiah a paih thla ta a; tichuan khawpui ri te, aw te, kawlphe te, lirnghing te a lo awm ve ta nghal a.

⁶Tin, vantirhkoh pasarih, tawtawrawt pasarih kengte chu ham turin an inbuatsaih ta a.

⁷Tin, a hmasa ber chuan a han ham a; tichuan rial leh mei, thisen nena inpawlh a lo awm ta nghal a, chung chu leiah paih thlakin a awm ta; tichuan lei hmun thuma thena hmun khat chu a kangral ta a, thingte pawh hmun thuma thena hmun khat chu a kangral a, hlobet hring zawng zawngte pawh a kangral ta bawk a.

⁸Tin, vantirhkoh pahnihna chuan a han ham a; tichuan tlang lian pui meia kang lai ang tuifinriatah an paih thla a; tichuan tuifinriat hmun thuma thena hmun khat chu thisenah a lo chang ta a;

⁹tuifinriata thil siam, nun neite chu, hmun thuma thena hmunkhat chu an thi ta bawk a; lawngte pawh hmun thuma thena hmun khat chu tihchhiat a ni ta bawk a.

¹⁰Tin, vantirhkoh pathumna chuan a han ham a; tichuan arsi lian pui meichher anga alh, van atangin a lo tla a, lui hmun thuma thena hmun khat leh tuikhurte chu a delh ta a;

¹¹chu arsi hming chu Sai a ni a; tui hmun thuma thena hmun khat chu saiah a lo chang ta; tichuan chu tui chu an in a, mi tam tak an thi a, a lo khak tak avangin.

¹²Tin, vantirhkoh palina chuan a han ham a; tichuan ni hmun thuma thena hmun khat, thla pawh hmun thuma thena hmun khat, arsite pawh hmun thuma thena hmun khat chu tihchhiat a ni ta a; chungho hmun thuma thena hmun khat chu a thimna tur leh, chhun chu hmun thuma thena hmun khat a en lohna turin; zan pawh chutiang bawkin a ni.Tin, ka han en a, mupui vanlaizawla thlawkin aw ring takin, "Vantirhkoh pathum tawtawrawt la ham tur, chu mi ri lo la awm turte avang chuan leia awmhote chung a pik e, a pik e, a pik e!" a tih ka hria a.

¹³Tin, ka han en a, mupui vanlaizawla thlawkin aw ring takin, "Vantirhkoh pathum tawtawrawt la ham tur, chu mi ri lo la awm turte avang chuan leia awmhote chung a pik e, a pik e, a pik e!" a tih ka hria a.