Read Baibul, Mizo Thu Puan 9 Bible Online

Thu Puan 9 - Baibul, Mizo bible

Thu Puan 9

¹Tin, vantirhkoh pangana chuan a han ham a; tichuan arsi van atanga leia tla sa, ka hmu a; tin, leilawt khuarkhurum chabi chu a hnenah an pe a.

²Tin, ani chuan leilawt khuarkhurum chu a hawng a; tichuan khuarkhurum ata chu meikhu, rawh tuina mei nasa tak khu ang a chhuak chho a; tin, khuarkhuruma meikhu avang chuan ni leh boruak chu a lo thim ta a.

³Tin, meikhu zing atang chuan khaute leiah a lo chhuak a. Tin, leia khawmualkaikuangten thiltihtheihna an nei ang hian, an hnenah thiltihtheihna an pe a.

⁴Tin, an chala Pathian chhinchhiahna nei lo mihringte chauh lo chu, leia hlobet te, thil hring reng reng te, thing reng reng te pawh tihchhiat loh tur tih an hrilh a.

⁵Tin, an hnenah chuan mihringte chu tihlum em lo a, thla nga tihrehawm zawk turin thu an pe a; an tihhrehawmzia chu khawmual kaikuangin mi a seha a tihrehawm ang hi a ni.

⁶Chung niah chuan miten thihna an zawng ang a, an hmu hauh si lo ang; thih an chak ang a, nimahsela thihna chuan a tlansan ang.

⁷Tin, khaute pianzia chu sakawr indo na tura peih sa ang an ni; lallukhum ang mai rangkachak ang an khum a, an hmai pawh mihring hmai ang a ni.

⁸Tin, hmeichhe sam ang hi sam an nei a, an hate pawh chu sakeibaknei ha ang a ni.

⁹Tin, thir awmphaw ang hi awmphaw an nei a; tin, an thla zah ri chu indona tawlailir ri, sakawr tam tak indo tura tlan dur dur ri ang a ni.

¹⁰Tin, khawmualkaikuang mei ang hianmei an nei a, sehna pawh; tin, anmeiah chuan a ni, thla nga chhunga an mihring tihnat theihna chu a awm ni.

¹¹Leilawt tirhkoh chu an chunga lalberah an nei a, Hebrai tawngin a hming chu Abaddona a ni a,Grik tawng erawh chuan a hming chu Apolluona (Tiboraltua) a ni.

¹²Chungpikna hmasa ber chu a reh tawh a, ngai teh, tun hnuah Chungpikna pahnih a la awm leh ang.

¹³Tin, vantirhkoh parukna chuan a han ham a; tichuan Pathian hmaa rangkachak maicham ki atangte chuan aw ka hria a,

¹⁴chu aw chuan vantirhkoh parukna, tawtawrawt keng hnenah chuan, "Euphrates luipuia vantirhkoh pali phuarte kha phelh rawh," a ti a.

¹⁵Tichuan, chu mi darkar leh ni leh thla leh kum atan chuan, mihring hmun thuma thena hmun khat tihlum tura buatsaih tawh vantirhkoh palite chu an phelh ta a.

¹⁶Tin, sipai sakawr chung chuangho chu an tam lam chu sing hlira hmun singhnih an ni tih an sawi ka hria.

¹⁷Tin, inlarnaah chuan sakawr leh an chunga chuanghote chu hetiangin ka hmu a ni, mei leh huakintho leh kat ang hi awmphaw an nei a; tin, sakawr lute chu sakeibaknei lu ang hi a ni a, an ka atang chuan mei leh meikhu leh katte a chhuak a.

¹⁸Chu mi hremna pathum chuanin mihring hmun thuma thena hmun khat an tihlum ta a - mei leh meikhu leh kat an ka atang chhuak khanin.

¹⁹Sakawrte thiltihtheihna chu an kaah leh an meiah a ni a awm nian meite chu rul ang a ni si a, lute a nei bawk a; chu chuan a ni mi an tihnat thin ni.

²⁰Tin, mihring, chung hremnaa tihhlum bangte chuan ramhuaite leh rangkachak milem te, tangka milem te, dar milem te, lung milem te, thing milem te, engmah hmu thei hlei lo, hre thei hlei lo, kal thei hlei lote chu an biak tawh lohna turin an kuta thiltihte chu an sim chuang lo;an tual thahte pawh, an dawi hmante pawh, an inngaihte pawh, an rukrukte pawh an sim chuang hek lo.

²¹an tual thahte pawh, an dawi hmante pawh, an inngaihte pawh, an rukrukte pawh an sim chuang hek lo.