Read Baibul, Mizo Ruthi 1 Bible Online

Ruthi 1 - Baibul, Mizo bible

Ruthi 1

¹Roreltute chuan ro an rel laiin heti hi a ni a, chu mi ramah chuan tam a lo tla a.

²Tin, Bethlehem-Juda-a mi pakhat Moab rama awm turin amah leh a nupui leh a fapate pahnih nen an kal a. Chu mi hming chu Emimeleka a ni a, a nupui hming chu Naomi a ni a, a fapate pahniha hming chu Mahlona leh Kiliona, Bethlehem-Juda-a Ephrath mi an ni. Moab ramah chuan an kal a, chuta chuan an awm ta reng a.

³Tin, Elimeleka, Naomi pasal chu a thi a, ama leh a fapate pahnih chauh an ni ta a.

⁴Tin, Moab ram hmeichhia nupuiah an nei a, a pakhata hming chu Orpi a ni a, a pakhata hming chu Ruthi a ni: Chutah chuan kum sawm emaw lai an awm a.

⁵Tin, Mahlona leh Kilona chu an thi ta ve ve a; tichuan chu hmeichhia chu a fate pahnih leh a pasal chuan an thihsan ta a.

⁶Chuti chuan a mote nen chuan Moab ram ata chu haw leh turin an tho a, LALPA'n ei tur pein a mite chu a kan dan te Moab ram atanga a lo riat avangin.

⁷Tichuan a awmna ata chu a mote pahnih nen chuan an chuak a; Judai rama haw leh turin an kal ta a.

⁸Tin, Naomi chuan a mote pahnih hnenah chuan, "In nu in lam ve vea haw leh turin kal rawh u khai; mitthi chung leh ka chunga in tih ang hian LALPA chuan in chungah ngilnei takin ti ve rawh se.

⁹LALPA chuan in pahnihin pasalte ina khawsakna in tawn theihna'n khawngaih che u rawh se," a ti a. Tichuan a fawp a, tin, aw chauh meuhin a tap ta chiam mai a.

¹⁰Tin, a hnenah, "Kan kal lo ang, i chite hnena i hawnnaah chuan kan tel ve zawk ang," an ti a.

¹¹Tin, Naomi chuan, "Ka fanute u, haw leh zawk rawh u; engah nge ka hnenah chuan in kal ve tehlul ang le? In pasal tur fapa ka pai leh thei dawn em ni?

¹²Ka fanute u, haw leh u la kal raw u khai; pasal han nei turin ka upa lutuk tawh si a. Tin, ka bei a la sei reng e ti mah i la, zaninah mai pawh hian pasal neiin fapate pawh nei mah i la,

¹³an puitlin thlengin in awm dawn em ni ang? Ni kawng lo e a, ka fanute u, nangmahni avang hian ka lungngaihna a zualkai zawk a ni, LALPA kut chu ka chungah a tla ta a nih hi," a ti a.

¹⁴Tin, an aw chhuahin an tap leh ta chiam mai a; tin, Orpi chuan a pi chu a fawp a; Ruthi erawh chuan a vuan tlat a.

¹⁵Tin, ani chuan, "Ngai teh, i mopuinu chu a chite nen leh a Pathian hnen lamah chuan a kir leh ta a; nang pawh i mopuinu umin haw ve taw aw," a ti a.

¹⁶Tin, Ruthi chuan, "Nangmah then tur leh nangmah zui loa haw leh tur chuan min thlem lo hram hram rawh: i kalna apiangah ka kal ang a; i riahna apianga ka riak ang a, i chite chu ka chite an ni ang a, i Pathian chu ka Pathian a ni ang.:

¹⁷i thihna apiangah chuan ka thi ang a, chutah chuan min phum ve mai tur a ni: nang leh kei hi thihna chauh lo chuan thil dangina min then dawn chuan LALPA'n a tih tihin min ti mawi se la, chu aia nasa pawhin," a ti a.

¹⁸Chutichuan a hnena kal a tum tlat tih a lo hriat chuan a ngawihsan ta a.

¹⁹Tichuan Bethlehem thlengin an kal dun ta a. Tin, heti hi a ni a, Bethlehem an thlen chuan a khuain an phu ta mur mur mai a, hmeichhiate chuan, "Hei, Naomi kha ni maw?" an ti a.

²⁰Ani chuan an hnenah, "Naomi min ti suh u, Maraii min ti zawk rawh u. Engkimtitheia chuan lungchiatthlak takin min ti ta si a.

²¹Muk takin ka chhuak a, LALPA chuan kutbengin mi hruai hawng leh a ni: LALPA chuan ka chungah a lungnih lohna a tilang a, Engkimtitheia chuan min tihreawm te hre reng siin angati nge Naomi min la tih cheu ni le?" a ti a.Chutichuan Naomi chu a lo kir a, a monu Moab mi Ruthi nen Moab ram atang chuan an lo kir a ni: barli seng tan tirh laiin Bethlehem chu an thleng a ni.

²²Chutichuan Naomi chu a lo kir a, a monu Moab mi Ruthi nen Moab ram atang chuan an lo kir a ni: barli seng tan tirh laiin Bethlehem chu an thleng a ni.