Read Baibul, Mizo Ruthi 4 Bible Online

Ruthi 4 - Baibul, Mizo bible

Ruthi 4

¹Tichuan Boaza chu kulh kawngkaah chuan a han chho a, chutah chuan a thu a: tin, ngai teh, an laichin bul a chungchang thu Boazan a sawi kha alo kal a: chu mi hnenah chuan, "E! nang kha! Lo peng la thu teh khai," a ti a. Tin, ani chu a lo peng a, a thu ta a.

²Tin, chu mi khuaa upaho zinga mi sawm a hruai a,a n hnenah, "Hetah hian thu teh u khai," a ti a. Tichuan an thu ta a.

³Tin, an laichun bula hnenah chuan, "Moab rama atnaga lo kir Naomi chuan kan unaupa Elimeleka ram kha a zuar a;

⁴tichuan i hnena, 'Henga thute mithmuhah leh kan upateho mithmuhah hian lei rawh. I tlan duh chuan tlan la, amaherawhchu i tlan duh loh chuan ka hriat theihna'n min hrilh ang che: nang lo chu tumah a han tlantu awm dang an awm si lo a;tin, kei hi i dawtah chuan ka ni a,' tia riattir che tulin ka hria," a ti a. Tin ani chuan, "Ka tlan ang e," a ti a.

⁵Tin, Boaza chuan, "Naomi hnenah mi, chu mi ram i lei ni chuan, mitthi nupui, Moab hmeichhia Ruthi lakah mitthi hming dai loa a roluahtu tur an awm zel theih nan i lei bawk tur a ni," a ti a.

⁶An laichin bulpa chuan, "Keima tan chuan ka tlan thei lo, chutilozawng keima roluah lam thu ka tikhawlo dah ang e, tlan phak ka nihna ai chu nangma'n chang mai rawh; kei zawngin ka tlan thei lo a nih hi," a ti a.

⁷Hman laia Israelte zingah thil engkim an tihnghehna'na an intlan dan leh an inthleng dan chu hetiang hi a ni:- Pheikhawk hlip a, an vengte an pe a, chu chu Israelte zinga an tihngheh dan a ni.

⁸Chutichuan an laichin bul chuan Boaza hnenah, "Nangma'n i tan lei zawk rawh," a ti a. Tin, a pheikhawk a hlip a.

⁹Tin, Boaza chuan pate leh mipui zawng zawng leh Kiliona leh Mahlona thil neih zawng zawng Naomi hnena mi ka lei tih hretute in ni a.

¹⁰Tin, chu chauh chu ni loin, mitthi chu a hming dai loa ro luahtu siamsak tur leh mitthi chu a unaute zingah leh a awmna hmun kulh kawngkaa a hming a bo loh nan, Moab hmeichhia Ruthi, Mahlona nupui chu ka nupui atan ka lei a; chu chu vawiinah hian nangniho hi a hretute in ni e," a tia.

¹¹Tin, kulh kawngkaa mipui zawng zawng leh upate chuan, "Hretute kan ni e. I ina hmeiche lo luta chu Rakili leh Leaii, Israel chhungkaw dintu pahnihte ang khan LALPA chuan siam rawh se: tin, Ephrath-ah chuan chhuanawm takin ti la, Bethlehemah chuan hmingthang takin lo awm ang che;

¹²tin, LALPA'n he nula laka thlah a la siamsak tur che avang hian i chhungkua chu Tamarin Juda a hrinsak Pereza chhungkua ang lo ni rawh se," an ti a.

¹³Chutichuan Boaza chuan Ruthi chu a hruai a, a nupui a lo ni ta a; tin, a pawl a, LALPA chuan nau a paitir a, tin, fapa a hring a.

¹⁴Tin, hmeichhiate chuan Naomi hnenah chuan, "Vawiin ngeia laichin hnai chham loa awmtirtu che LALPA chu fakin awm se la; Israelte zingah hian a hming lo thang rawh se.

¹⁵Tin, ani chu i nunna a lo ni ang a; i monu nangmah hmangaihtu, fapa pasarih aia i tana tha chuan amah chu a hring ta si a," an ti a.

¹⁶Tin, Naomi chuan nau chu a la a, a pawm a, a awm ta a.

¹⁷Tin, a vengte hmeichhia chuan a hming an saksak a, "Naomi tan fapa a lo piang a," tiin a hmingah Obeda an sa a: ani chu Davida pa Jesaia pa a ni a.

¹⁸Heng hi Pereza thlahte an ni; Pereza chuan Hezrona a hring a;

¹⁹Tin, Hezrona chuan Rama a hring a; tin, Rama chuan Aminadaba a hring a;

²⁰tin, Salmona chuan Boaza a ring a, tin, Boaza chua Obeda a hring a;tin, Obeda chuan Jesaia a hring a; tin, Jesaia chuan Davida a hring a ni.

²¹tin, Obeda chuan Jesaia a hring a; tin, Jesaia chuan Davida a hring a ni.