Read Baibul, Mizo 1 Samuela 11 Bible Online

1 Samuela 11 - Baibul, Mizo bible

1 Samuela 11

¹Chutichuan Amon mi Nahasa chu a lo thawk a, Jabes-Gilead beih tumin a han ep a; tin, Jabes mi zawng zawng chuan Nahasa hnenah chuan, "Kan hnenah thu thlung la, tichuan i rawng kan bawl ang e," an ti a.

²Tin, Amon mi Nahasa chuan an hnenah, "Hetiang hian a ni in hnenah thu ka thlun ang ni: in mit dinglam zawng zawng kher chhuah vek tur ani ang a; chu chu Israel mi zawng zawng tan hmingchhiatna a ni ang," a ti a.

³Tin, Jabes khuaa upate chuan a hnenah, "Israel ram zawng zawngah mi kan han tir rih theihna'n ni sarih min ngaichang rih rawh; chuta min chhandam tur tumah an awm loh chuan i h nenah kan lo chhuak mai ang e," an ti a.

⁴Chutichuan an mi tirhte chuan Saula awmna khua Gibea chu an lo thleng a, mipuite beng hriatah chuan chung thu chu an sawi a; tin, mipuite chuan an aw an chhuah a, an tap a,

⁵Tin, ngai teh, lo atangin Saula chu sebawng khalhin a lo haw a; tin, Saula chuan, "Eng an ti nge ni mipuite chu an tah?" a ti a. Tin, Jabes khuaa mite thusawi chu an hrilh a.

⁶Tin, chung thu chu a hriat veleh chuan Saula chungah Pathian thlarau a lo thleng ta chiam mai a, nasa takin a thin chu a ur ta thut a.

⁷Chutichuan bawng tuak khat a talh a, a sa chu a chan sawm vek a, Israel ram zawng zawngah chuan a semtir a, "Tupawh Saula leh Samuela rawn zui duh lo apiang an sebawng chu hetianga tih ve hi a ni ang," tiin. Chutichuan mipuite chuan LALPA chu an hlau ta a, thukhat vuain an lo thawk chhuak ta a.

⁸Tin, Bezel hmunah chuan a chhiar a; Israel mite chu nuai thum an ni a, Juda mite chu singthum an ni a.

⁹Tin, an mi rawn tirhte hnenah chuan, "Jebes mite chu an hrilh a, tichuan an lawm ta hle mai a.

¹⁰Chutichuan Jabes mite chuan, "Naktukah hian in hnenah kan lo chhuak ang a, kan chungah in duh duhin ti mai ang che u," an ti a.

¹¹Tin, heti hi a ni a, a tukah chuan Saula chuan mipuite chu pawl thumah a siam a; tin, zing ven hun lai takin an riahhmunah chuan a lut a, Amon mite chu chhun ni sat vang lai tak thlengin an that a; tin, heti hi ani a, an thah bangte chu an darh vek a, pahniha awm dun reng reng pawh an awm lo a.

¹²Tin, mipuite chuan Samuela hnenah, "Tute nge ni 'Saula'n kan chungah ro a rel tehlul ang maw' ti kha? Chung mite chu rawn hruai la kan lo tihlum ang e," an ti a.

¹³Tin, Saula chuan, "vawiin kher hi chuan tumah tihhlum tur ani lo e; vawiinah hian LALPA chuan Israelte zingah chhandamna a rawn thawk chhuak ta si a," a ti a.

¹⁴Chutichuan mipuite hnenah chuan, "Hawh u, Gilgal-ah i kal ang u khai, chutah chuan ram chu i din thar leh ang u," a tiu a.Chutichuan mipui zawng zawng chu Gilgal-ah chuan an kal ta a; Saula chu Gilgal-ah chuan LALPA hmaah lalah an siam ta a; chutah chuan LALPA hmaah remna inthawinate an hlan a; tichuan chutah chuan Saula leh Israel mi zawng zawngte chu an lawm ta em em mai a.

¹⁵Chutichuan mipui zawng zawng chu Gilgal-ah chuan an kal ta a; Saula chu Gilgal-ah chuan LALPA hmaah lalah an siam ta a; chutah chuan LALPA hmaah remna inthawinate an hlan a; tichuan chutah chuan Saula leh Israel mi zawng zawngte chu an lawm ta em em mai a.