Read Baibul, Mizo 1 Samuela 12 Bible Online

1 Samuela 12 - Baibul, Mizo bible

1 Samuela 12

¹Tin, Samuela chuan Israel mite zawng zawng hnenah chuan, "Ngai teh u, ka hnena in thusawi zawng zawng chu ka pawm a, lal tur ka siamsak ta che u a.

²Tunah hian ngai teh u, lal chuan a lo kaihruai ta che u a: kei chu ka lo tarin ka lute pawh a lo tuak ta a: tin, ngai teh u, ka fapate chu in hnenah an awm a; ka tleirawl atangin tun thlengin ka kaihruai che u a.

³Heta hi ka awm a: LALPA hma leh a hriak thiha hmaah hian mi sel teh u le; tu bawng pa nge ka chhuhsak ngai? Tu sabengtung nge ka chhuhsak ngai? Tunge ka bum tawh ngai? Tunge ka tihduhdah ngai? Ka mit tidel turin tu lakah nge thamna ka lak ngai? Ka rul leh vek ang che u," a ti a.

⁴Tin, anni chuan, "Min bum ngai lo a, min tiduhdah ngai hek lo, tuma kut atangin lak awm loh i la ngai hek lo," an ti a.

⁵Tin, ani chuan an hnenah, "Ka kutah hian engmah awm lo in hmu lo tih vawiinah hian LALPA chu in lakah hretu ani a, a hriak thiha pawh chu hretu a ni," a ti a. Tin, anni chuan, "Amah chu hretu a ni," an ti a.

⁶Tin, Samuela chuan mpui hnenah chuan, "Mosia leh Arona ruattu leh Aigupta ram ata in pute hruai chhuaktu LALPA chu a ni a sin.

⁷Chutichuan ding thap u la, LALPA hmaah hian LALPA'n in chungah leh in pute chunga thil a lo tihfel thin dan ka han chhutpui teh ang che u.

⁸Aigupta rama Jakoba aluh hnu khan, in pute chuan LALPA an au a, tichuan LALPA chuan Mosia leh Arona a tir a, anni chuan in pute chu Aigupta ram atangin an hruai chhuak a, he hmunah hian an awmtir ta a.

⁹Nimahsela LALPA an Pathian chu an theihnghilh a; tin, ani chuan Hazor sipai hotu Sisera kutah leh Philistia mite kutah leh Moab lal kutah a hralh a, tin, anni chuan an do a.

¹⁰Tin, LALPA chu an au a, 'LALPA chu kan hawisan a, Baal-te leh Astarothi-te rawng kan bawl avangin kan lo sual ta a ni: nimahsela kan hmelmate kut ata hi min chhan chhuak tawh la, tichuan i rawng kan bawl ang e,' an ti a.

¹¹Tin, LALPA chuan Jerubaala te, Bendana te, Jephtha te, Samuela te a tir a, in hmelma lehlam lehlam mite kut ata a chanchhuak che u a, him takin in awm a.

¹²Tin, Amona thlahte lal Nahasa chu nangmahni do turin a lo kal tih in hriat veleh ka hnenah , 'A ni lo e, lalin ro min rel rawh se,' in ti a; LALPA Pathian chu in lal ani reng si a.

¹³Chutichuan in lal in thlan leh dil chu en teh u; en teh u, LALPA chuan lal a siamsak ta che u anih hi.

¹⁴LALPA chu in tih a, a rawng in bawl a, a aw in ngaihthlak a, LALPA thupek in helsan loh a, nangmahni leh in chunga roreltu lal nen LALPA in Pathian zuitu in nih chuan a tha ang a;

¹⁵amaherawhchu LALPA aw chu ngaithla lo a, LALPA thupek in helsan chuan in puten LALPA kut an tuar ang bawkin nangni pawhin in tuar ang.

¹⁶Chutichuan ding thap u la, LALPA'n in mithmuha thil ropui tak a tih tur hi lo en rawh u.

¹⁷Vawiin hian buh an seng a ni lo'm ni? Khawpui rik tir tur leh ruah surtir turin LALPA chu ka au vang a, tichuan lal in dil thu-ah hian LALPA mithmuha thil in tihsual hi a nasatzia in hriain in hmu ang," a ti a.

¹⁸Chutichuan Samuela chuan LALPA chu a au a, LALPA chuan chu mi ni chuan khawpui a riktir a, ruah a sirtir a; tichuan mipui chuan LALPA leh Samuela chu an hlau ta em em a.

¹⁹Tin, mipui zawng zawng chuan Samuela hnenah chuan, "Kan thih lohna'n LALPA i Pathian hnenah chuan i chhiahhlawhte hi min tawngtaisak rawh, he thil tha lo tak lal, kan lo dil hi, kan sual zawng zawng belhchhahtu a nih tak hi," an ti a.

²⁰Tin, Samuela chuan mipuite hnenah chuan, "Hlau suh u, he thil tha lo tak hi tih zawng n ti ngei tak a, mahse LALPA in zui chu pensan chuang lo u la, in thinlung zawng zawngin LALPA rawng chu bawl zawk rawh u;

²¹engmaha hnemhnang lo tur leh chhanchhuak thei lo che u zuiin pensan suh u, engmahlo an ni si a.

²²A hming ropui tak avang hian LALPA chuan a mite chu a hawisan dawn si lo va: a mite atana siam che u chu LALPA lawmzawng tak ani si a.

²³Chu chang pawh ani lo a, in tana tawngtai ban a, LALPA chunga sual sual chu kei atan chuan a hnai lo tawp mai a ni; kawng tha leh kawng dik ka kawhhmuh zel zawk ang che u.

²⁴LALPA chu tih phawt mai u la, in thinlung zawng zawngin tih takzetin a rawng bawl ula in tan thil a tih ropuizia hi ngaihtuah rawh u khai.Amaherawhchu sual taka thil in la tih cheu chuan in boral ang, nangmahni leh in lal nen," a ti a.

²⁵Amaherawhchu sual taka thil in la tih cheu chuan in boral ang, nangmahni leh in lal nen," a ti a.