Read Baibul, Mizo 1 Samuela 13 Bible Online

1 Samuela 13 - Baibul, Mizo bible

1 Samuela 13

¹Saula chu kum sawmthum mi a nihin a lal tan a; tin, Israel-hote chungah kum hnih a lal a.

²Tin, Saula chuan Israel-ho zinga mi sangthum a thlang a; sanghnih chu Mikmas-ah leh Bethel tlangah Saula hnenah an awm a, tin, sangkhat chu Benjamin rama Gibea-ah Jonathana hnenah an awm a: tin, a dang zawng zawng chu anmahni puan inah a hawtir vek a.

³Tin, Jonathana chuan Geba-a Philistia ral vengtu sipaiho a bei a; chu chu Philistia mite chuan an lo hria a. Tichuan Saula chuan "Hebrai mite khan lo hre rawh se," tiin an ram zawng zawngah chuan tawtawrawt a hamtir a.

⁴Tin, Israel-ho zawng zawngte chuan, Saula chuan Philistia ral vengtu sipaihote a bei tih leh Israel-hote pawh Philistia mite huat an phur ani tih thute an lo hre ta a. Chutichuan mipuite chu Saula hnenah Gilgal-ah an pung khawm ta chiam mai a.

⁵Tin, Philistia mite chu Israel-ho bei tur chuan an inpun khawm ta chiam a; tawlailir singthum, sakawr chung chuang mi sangruk, mihring tuifinriat kama tiau zat zeta tam an ni: tin, an chho a, Beth-aven chhak lampangah Mikmas-ah chuan tanhmun an khuar a.

⁶Tin, Israel mite chuan hnawhchepin an awm tih an inhriat chuan (mite chu an mangang ta hle mai a) mite chu pukah te, hnim hnawkah te, lungpui phenah te, kulhah te, khuarkhurumahte an biru a.

⁷Hebrai mi thenkhatte chu Jorda ralah Gad leh Gilead ramahte an tlan a; Saula erawh chu Gilgal-ah a la awm reng a, mipuite chuan khur zawih zawih chungin an zui a.

⁸Samuelan ni a ruat angin ni sarih a awm a; nimahsela Samuela chuan Gilgal-ah chuan a la kal ta lo a; tichuan mipuiin an tlan darhsan ta a.

⁹Tin, Saula chuan, "halral thilhlan tur leh remna thilhlan turte chu hetah ka hnenah han la rawh u," a ti a. Chutichuan halral thilhlan chu a hlan a.

¹⁰Tin, heti hi a ni a, halral thilhlan a hlan zo chauh a, Samuela chu a lo thleng ta a; tin, Saula chu chibai buk turin amah hmuakin a lo kal a.

¹¹Tin, Samuela chuan, "Engnge ni i lo tih chu le?" a ti a. Tin, Saula chuan, "Mipuite chuan mi kal bosan tawh a, tin, nang lah chu ni ruat niah chuan i lo thleng ta lo a, tin, Philistia mite lah chu Mikmas0ah an pung khawm luih luih tawh tih ka hre si a.

¹²Chuvang chuan 'Philistia mite chuan Gilgal-ah min rawn bei dawn tep si a, tin, LALPA khawngaihna ka la dil si lo' ka ti a. Chuvang chuan halral thilhlan chu hlan lo thei ka ni lo a ni," a ti a.

¹³Tin, Samuela chuan Saula hnenah chuan, "I thiltih dan hi a atthlak hle mai: LALPA i Pathian thu pek, thu a pek che hi i zawm lo a ni: LALPA chuan Israelte chungah hian i lalna hi kumkhuaa tihngheh tum zawng a ni a le

¹⁴Nimahsela i lalna chu a kin tawh ang; LALPA thupek che i zawm loh avangin LALPA chuan ama thinlung ang pu mi a zawng a, mite chunga hotu ni turin LALPA'n a ruat tawh a ni," a ti a.

¹⁵Tin, Samuela chu a tho a, Gilgal ata chu Benjami rama Gibea khuaah chuan ahan kal ta a. Tin, Saula chuan a hnena mi awmte chu a chhiar a, zaruk lai an ni a.

¹⁶Tin, Saula leh a fapa Jonathana leh an hnena mi awmte chu Benjamin rama Geba khuaah chuan an awm a; nimahsela Philistia mite chuan Mikmas-ah chuan tanhmun an khuar a.

¹⁷Tin, lamththamhote chu Philistia mite tanhmun atangin pawl thumin an lo chhuak a: pawl khatte chu Sual rama Ophra lam pan akwng chu an zawh a:

¹⁸tin, pawl khat chu Beth-horon lam pan kawn an zawh a; tin, pawl khat chuan thlaler dep Zeboim ruam lam hawi ramri kawng chu an zawh a.

¹⁹Israel-ho ram pum puiah chuan thirdeng reng reng an awm lo a; Philistia mite chuan, "Hebrai mite hian khandaihte emaw, feite emaw an siam dah reu reu ang e," an ti a ni.

²⁰,21 Nimahsela Israel mi zawng zawngte chu bawngtuthlawh te, leilehna thir hriam te, thirkut te, hreipui te, tiang hmawra zum te a bil chuan an leilehna hmawr zum te, an leilehna thir hriam te, an hreipui te, an bawngtuthlawhte tah hriamtir turin Philistia-hote hnenah an zuk chhuk thin a ni.

²¹,20 Nimahsela Israel mi zawng zawngte chu bawngtuthlawh te, leilehna thir hriam te, thirkut te, hreipui te, tiang hmawra zum te a bil chuan an leilehna hmawr zum te, an leilehna thir hriam te, an hreipui te, an bawngtuthlawhte tah hriamtir turin Philistia-hote hnenah an zuk chhuk thin a ni.

²²Chutichuan an indo ni chuan Saula leh Jonathana hena mi awmte chu khandai emaw, fei emaw nei reng reng an awm lo a; Saula leh a fapa Jonahthana erawh chuan an nei a.Tin, Philistia ralvengtu sipaiho chu Mikmas kawnah an kal ta a.

²³Tin, Philistia ralvengtu sipaiho chu Mikmas kawnah an kal ta a.