Read Baibul, Mizo 1 Samuela 15 Bible Online

1 Samuela 15 - Baibul, Mizo bible

1 Samuela 15

¹Tin, Samuela chuan Saula hnenah, "LALPA'n a mite chungah, Israel-hote chungah, lal atana hriak thih tur chein min tir a ni; chutichuan LALPA thu sawi aw chu ngaithla teh khai.

²Sipaihote LALPA chuan 'Amalek miten Israel-hote chunga an thiltih, Aigupta ram ata an lo chhuah laia an lo dal dante kha ka chhinchhiah reng a.

³Amalek-hote bei turin kal la, an thil neih zawng zawng zuah reng reng nei loin tiboral vek rawh; a hmei a pa leh nausen te, hnute hne lai te, bawngpa te, beram te, sanghawngsei te, sabengtung te nen tihlum vek ang che,' a ti a ni," a ti a.

⁴Chutichuan Saula chuan mipuite a ko khawm a, Telaim khuaah a chhiar a, sipai nuaihnih leh Juda mi singkhat an ni a.

⁵Tin, Saula chuan Amalek-ho khua chu a zuk thleng a, ruamah chuan a lo lam bun a.

⁶Tin, Saula chuan Ken-hote hnenah chuan, "Lo chhuak u la, Amalek-hote zing ata hi inthiar fihlim rawh u, chuti lo chuan ka tihlum tel dah ang che u: nangni zawngin Israela thlahte zawng zawng Aigupta ram atanga an lo chhuak kha in lo khawngaih si a," a ti a. Chutichuan Ken-hote chu Amalek mite zing ata an chhuak ta a.

⁷Chutichuan Saula chuan Amalek mite chu Havila atanga Aigupta ram dep Sur thlengin a bei a.

⁸Tin, Amalek mite lal Agaga chu a nungin a man a, mipui zawng zawngte chu khandaihin a sat hlum vek a.

⁹Amaherawhchu Saula leh mipuite chuan Agaga chu an zuah a, beram tha tha te, bawngpa tha tha te, a thau thau te, beram no te, a tha zawng zawngte nen, chungte chu an tihlum duh loa; a tha lo leh an duh loh apiang eawh chu an tihlum vek a.

¹⁰Chutichuan LALPA thu chu Samuela hnenah a lo thleng a,

¹¹Saula lala ka lo ruat ta chu ka inchhir a ni: a mi zui lai chu mi hnuchhawnin ka thupek angin a ti si lo a," a ti a. Tin, Samuela chu a thinur a, zankhuain LALPA chu a au a.

¹²Tin, Samuela chu Saula hmuak turin zing takah a tho a; tin, "Saula chu Karmel-ah a kal a kal a, ngai teh, chutah chuan hriat rengna lung a phun a, tin, akir leh a, a kal zel a Gilgal-ah a chhuk ta,: tiin Samuela chu an hrilh a.

¹³Tin, Samuela chu Saula hnen lamah chuan a kal ta a; tin, Saula chuan a hnenah, "LALPA'n malsawm che rawh se: LALPA thupek chang chuan ka ti ta e," a ti a.

¹⁴Tin, Samuiela chuan, "Chung beram be ka benga lo lut leh bawngpa bu ka han hriatte chu engtizia nge ni si?" a ti a.

¹⁵Tin, Saula chuan, "Amalek mite ta an rawn laksak a ni; LALPA i Pathian hnenah inthawina'n mipuiten beram tha tha leh bawngpa tha tha an zuah a ni; tin, a dang zawng zawng chu kan tihlum vek a ni," a ti a.

¹⁶Chutichuan Samuela chuan Saula hnenah, "Ngawi rawh, nizana LALPA'n ka hnena thu a sawi ka hrilh ang che," a ti a. Ani chuan a hnenah, "Sawi rawh khai," a ti a.

¹⁷Tin, Samuela chuan, "Nangma ngaihin mi te tak ni mah la, Israel hnam hotu atana a siam i ni lo'm ni? Tin, LALPA chuan Israel-ho lal atan hriak a thih chia;

¹⁸Tin, LALPA chuan a ti rchhuak chian, 'Kal la, mi sualho, Amalek mite chu tihlum vek la, an boral der hma loh chuan bei zel rawh, ' a ti chia.

¹⁹Engati nge LALPA thu chu zawm lo a, rallak thil chu a bawha i bawh a, LALPA mithmua thil tha lo i tih mai?" a ti a.

²⁰Tin, Saula chuan Samuela hnenah, "E, LALPA thu chu ka zawm alawm, LALPA min tirhna lamah chuan ka kal a, Amalek lal Agaga ka rawn man a, Amalek mite chu ka tihlum vek alawm.

²¹Amaherwahchu chu mipuite chuan rallak thil beram leh bawngpate tihboral tur zinga a tha thate chu Gilgal khuaah LALPA i Pathian hnenah inthawina'n an rawn la a ni," a ti a.

²²Tin, Samuela chuan, "LALPA chuan LALPA thu zawm chu a lawm angin halral thilhlante leh inthawinate hi a lawm em ni? Ngai teh, inthawina aiin thuawih chu a tha zawk a, berampa thau aiin a thu pawm chu a tha zawk a ni.

²³Helna hi aienthiamna sualte nen a inang a, luhlulna hi milem biak leh Pathian lem biak tluk a ni. LALPA thu i duh loh avangin ani pahwin lal atan a duh ta bik lo che a ni," a ti a.

²⁴Tin, Saula chuan Samuela hnenah, "Thil ka tisual der mai a ni: LALPA thupek leh i thu chu ka lo bawhchhe reng mai a nih hi; mipuite ka hlauh a, an thu ka lo awihna lamah hian.

²⁵Chutichuan ka sual ngaidam la, LALPA ka biak theihna'n min hawpui leh rawh khai," a ti a.

²⁶Tin, Samuela chuan Saula hnenah, "Ka hawpui tawp lo ang che; LALPA thu chu i duh si lo a, tin, LALPA pawhin Israel-hote lal tan a duh ta bik lo che a ni." a ti a.

²⁷Chutichuan Samuela chu kal tura ahan her chuan Saula'n a puan fem chu a han chelh a, a thler ta a.

²⁸Tin, Samuela chuan a hnenah, "Vawiin atang hian LALPA'n Israel ram hi a chhuhsak ta chia, i aia tha zawk i thenzawm a pe ta a ni.

²⁹Tin, Israelte Thahruia chu a daw lo ang a, a lamlet hek lo ang; mihring anga lamlet leh mai mi ani si lo a," a ti a.

³⁰Chutichuan ani chuan, "Ka lo sual ta a ni: nimahsela ka mite upa leh Israel-hote hmaah hian mi chawimawi turin ka ngen a che; tin, LALPA i Pathian kabiak theih nan min hawpui leh hram ang che," a ti a.

³¹Chutichuan Samuela chuan Saula chu a hawpui ta a, Saula chuan LALPA chu a be ta a.

³²Chutichuan Samuela chuan, "Amalek mite lal Agaga chu ka hnenah han hruai rawh u," a tia . Tichuan Agaga chu a hnenah chuan khur chungin a va kal a. Tin, Agaga chuan, "Thihna kha chu ka pumpelh tawh a ni chawk ang chu maw," a ti a.hnen

³³Tin, Samuela chuan, "I khandaihin hmeichhiate fa nei loa a siam angin i nu pawh hmeichhe zinga fa nei lo mi a ni ang," a ti a. Chutichuan Samuela chuan Agaga chu Gilgal khuaah LALPA hmaah chuan a sat sawm ta berh mai a.

³⁴Tin, Samuela chu Rama khuaah a kal a; tin, Saula chu a inah Saula awmna khua Gibea-ah a chho ta a.Chutichuan Samuela chuan a thih ni thlengin Saula chu a tlawh leh ta lo a; Samuela chu Saula avangin lungngaih chu a lungngai a ni: tin, LALPA chu, Israelte lal atana Saula a lo siam chu a inchhir a ni.

³⁵Chutichuan Samuela chuan a thih ni thlengin Saula chu a tlawh leh ta lo a; Samuela chu Saula avangin lungngaih chu a lungngai a ni: tin, LALPA chu, Israelte lal atana Saula a lo siam chu a inchhir a ni.