Read Baibul, Mizo 1 Samuela 20 Bible Online

1 Samuela 20 - Baibul, Mizo bible

1 Samuela 20

¹Chutichuan Davida chu Rama khuaa Naioth ata chu a tlan a, Jonathana hnenah a kal a, "Engnge maw ka tih le? Engnge ni ka bawhchhiat? I pa chungah hian eng nge ka tihsual a, hetia mi thah a tum hi ni le?" a ti a.

²Tin, ani chuan, "That suh e a; i thi tawp lo ang; ngai teh, ka pa hchuan min hriattir loin engmah reng reng lian se te se a ti ngai lo a, engah tehlul nge he'ng thu hi ka lakah a zep ang, a zep tawp lo ang," a ti a.

³Tin, Davida chuan, "I pa chuan i mi khawngiah dan hi a hre chiang hle kmai si a; 'Jonathana chuan hei chu hre kher suh se, chutilozawng a lungngai dawn em mai e,' a ti a ni ang: amaherawhchu LALPA nunna leh i nunna chhalin ka sawi e, thihna nena kan inkar chu pen khat chauh a ni," tiin a sawi uar leh a.

⁴Chutichuan Jonathanan Davida hnenah, "I nunnain a duh apiang chu ka tihsak zel ang che," at ia.

⁵Tin, Davida chuan Jonathana hnenah, "Ngai teh, naktuk hi thla thar ani dawn a, lal hnena chawhlui kil ngei tur ka ni a; nimahsela a ni thum ni tlai lam thlengin phul lamah biru turin ka kal zawk ang e.

⁶Tin, i pain ka awm loh hi lo hre chhuak ta a nih leh, 'Davida chuan a khua Bethlehem-a va kal lawk min dil ngawih ngawih a; an chhungkaw tana an kum tin, inthawi hun ani e,' lo ti la.

⁷Tin, ' A that chu,' a tih chuan i chhiahhlawh chu a thla amuang ang a; amaherawhchu a thin a rim chuan thil tha lo tih a tum ani tih hre mai ang che.

⁸Chuvangin i chhiahhlawh hi tha takin ti ang che; i chhiahhlawh chu LALPA thuthlungah i luhpui tawh si a; amaherawhchu bawhchhiatna nei ka nih chuan nangma'n min that mai rawh; eng atan nge i pa hnenah min hruai kher kher ang?" a ti a.

⁹Tin, Jonathana chuan, "That suh e a; i chungah thil tha lo tih ka pan a tum tih ka hriat phawt chuan ka hrilh dawn lo che em ni?'

¹⁰Chutichuan Davida chuan Jonathana hnenah, "I pain bung takin lo chhang ta hlauh ang che se la tuin nge min hrilh ang?' a ti a.

¹¹Tin, Jonathana chuan Davida hnenah, "Hawh teh, phulah i va kal teh ang," a ti a. Tichuan phulah chuan an va kal dun ta a.

¹²Tin, Jonathana chuan Davida hnenah, "LALPA Israelte Pathian chu hretu ni rawh se; naktuk hetih hunah emaw, ni thum niah emaw ka pa ka han dawp hunah, ngai teh, Davida chungchang thu a tha lam anih chuan a hnenah mi tirin ka hrilh dawn lo che em ni?

¹³Tin, ka pain i chungah thil tha lo ti duh ta se la, ka hrilh loh che a, thlamuang taka i kal theihna'na ka thlah loh che chuan, LALPA'n Jonathana chu a tih tihin ti se la, chu aia nasa pawhin, tin, LALPA chu i hnenah awm rawh se, ka pa hnena a awm thin angin.

¹⁴Tin, ka thih loha tura ka dam chhung chauha LALPA khawngaihna chu mi hmuhtir ni loin,

¹⁵kumkhuain ak chhungte pawh i khawngaih bang suh ang che; LALPA'n Davida hmelma lei chung ata a tihbo vek hnu thleng pawhin bang suh ang che," a ti a.

¹⁶Chutichuan Jonathana chuan," Davida hmelmate lakah LALPA'n a phut ang," tiin Davida chhungte hnenah thu a thlung a.

¹⁷Tin, Jonathana chuan amah ahmangaihna chhalin Davida hnenah, chhia a chham leh a ama nunna hmangaih ang chiahin ahmangaih si a.

¹⁸Chutichuan Jonathana chuan a hnenah, "Naktuk hi thla thar ani dawn a; i thut hmun a r uah dawn avangin i awm loh a lang ngei dawn a.

¹⁹Ni thum i awm hnu chuan chhuk thuai la, hmana thil a lo awm laia i bihrukna hmunah khan lo kal la, Ezel lung bulah chuan awm reng ang che.

²⁰Tin, inthemthiam ni awm takin thla pathumin a sirah ka rawn kap ang a.

²¹Tin, ngai teh, 'Kal la, thlate kha va zawng hmu rawh,' tiin naupang ka tir ang a. Naupang hnena, 'En teh, thlate chu i hnung lama kha a awm e, la la, lo kal rawh,' ka tih chuan LALPA nunna chhalin ka sawi e, i tan amuanawmin hlauh tur a awm a awm lo ani ang a.

²²Amaherawhchu naupang hnena, 'En teh, thalte chu i piah lama saw a awm e,' ka tih chuan kal bo mai ang che; LALPA chuan a kal botir che a ni ang.

²³Tin, nang leh keiin thil kan saiw tak chungchang thu-ah chuan ngai teh, nang nena kan karah chuan LALPA chu a awm kumkhua a ni," a ti a.

²⁴Chutichuan Davida chu phulah chuan a biru a; tin, thla a lo thar chuan lal chu chaw kilin a thu a.

²⁵Tin, lal chu ni danga a thutna pangngai bang kianga a thutnaah chuan a thu a; tin, Jonathana chu a ding a, tin, Abnera chu Saula kiangah athu a; Davida hmun erawh chu a ruak a.

²⁶Nimahsela Saula chuan chu mi ni chuan engmah a sawi lo: "A chungah thil eng emaw a awm ang a, a thianghlim lo emaw ani ang, a thianghlim lo a ni ngei ang," a ti rilru a.

²⁷Tin, heti hi ani a, thla thar tuk a ni hnih ni chuan Davida hmun chu a lo ruak ta cheu a; tichuan Saula chuan a fapa Jonathana hnenah chuan, "Engati nge Jesaia fapa hi niminah leh vawiinah chawhlui kil tura a lo kal loh?" a ti a.

²⁸Tin, Jonathana chuan Saula chu a chhang a, "Davida chuan Bethlehem a kal mi dil ngawih ngawih a,

²⁹Min kaltir hram rawh khai, kan chhungte chuan khuaah chuan inthawina an nei dawn a, ka unau chuan awm ve turin min chah tlat a, chutichuan min khawngaih theih chuan min kaltir la, ka unaute ka va tlawh ang e,' a ti a. Chuvang chuan lal dawhkanah chuan a lo kal lo a ni," a ti a.

³⁰Chutichuan Jonathana chungah Saula thin chu a lo ur ta thut a, a hnenah, "Nang, hmeichhe kawhmawh leh luhlul fapa, Jesaia fapa chu i mualphona'n leh i nu saruakna timualpho turin i thlang tih ka hre lo em ni tehlul?

³¹Jesaia fapa hi he leiah a awm chhung zawng tihngheh i ni lo ang a, i ram pawh. Chuvangin kohtir nghal la ka hnenah han hruaitir rawh, a thi ngei tur a ni," a tia.

³²Tin, Jonathanan a pa Saula chu a chhang a, a hnenah, "Engah nge maw tihhlum tur anih ang le? Engnge a tih?" a ti a.

³³Tin, Saula chuan khawh tumin a fei chu a han lek a; chu mi avang chuan Jonathana chuan a pain Davida chu thah a lo tum ngei a ni tih a hre ta a.

³⁴Chutichuan Jonathana chu dawhkan ata chu thinrim takin a tho a, chu mi thla ni hnih ni chuan chaw a kil ve ta lo a; a pa chuan Davida a tihmualpho em avangin a lungngaihpui a ni.

³⁵Tin, heti hi ani a, zingah chuan Jonathana chu naupang te hruaiin phul lamah Davida nena an hmun ruatah chuan a kal ta a.

³⁶Tin, a naupang hnenah chuan, "Tlan la, ka thla kahte hi va zawng rawh khai," at i a. tin, naupang chu a tlan lai chuan, apiah lamah chuan thla a kap a.

³⁷Tin, naupang chuan Jonathana thla kah tlakna hmun a va thlen chuan Jonathana chuan naupang chu a au a, "Thal chu i piah lama saw ani lo'm ni?" a ti a.

³⁸Tin, Jonathana chuan naupang chu a au a, "Lo tlan thuai rawh, hmanhmawh rawh, muang suh," a han ti a. Tin, Jonathana naupang chuan thla chu a chhar khawm a, a pu hnen lamah chuan a kal ta a.

³⁹Nimahsela naupang chuan engmah a hre lo a. Jonathana leh Davida chauh chuan thil awmzia chu an hria a.

⁴⁰Tin, Jonathana hchuan a naupang chu ahriamhrei chu a pe a, a hnenah, "Kal ta la, khuaah lo han hawpui teh ta," a ti a.

⁴¹Tin, naupang chu a kal tak veleh chuan Davida chu a awm hmun chhim lampang ata chu a lo tho a, hmaia lei sin chibai vawi thum a buk a; tin, an infawp a, an tap dun a, Davida erawh chu a zualkai bik a.Tin, Jonathana chuan Davida hnenah, "Thlamuang takin kal rawh aw, 'LALPA chu nang nena kan inkarah leh ka thlahte leh i thlahte karah kumkhuain awm rawh se,' tia LALPA hminga chhia kan chham dun tawh kha," a ti a. Tichuan a tho a, a kal ta a; tin, Jonathana chu khuaah chuan a lut ta a.

⁴²Tin, Jonathana chuan Davida hnenah, "Thlamuang takin kal rawh aw, 'LALPA chu nang nena kan inkarah leh ka thlahte leh i thlahte karah kumkhuain awm rawh se,' tia LALPA hminga chhia kan chham dun tawh kha," a ti a. Tichuan a tho a, a kal ta a; tin, Jonathana chu khuaah chuan a lut ta a.