Read Baibul, Mizo 1 Samuela 22 Bible Online

1 Samuela 22 - Baibul, Mizo bible

1 Samuela 22

¹Chutichuan Davida chu chuta ta chu a chhuak a, Adullam pukah chuan a tlan ta a: tin, a unaute leh a pate chhungkua zawng zawngin an lo hriat chuan chutah chuan ahnenah an zuk kal a,

²Tin, mangang apiang te, leibat nei apiang te, lungnihlohna nei apiangte a hnenah chuan an kal khawm a; tichuan an hotuah a awm ta a; tin, a hnenah chuan mi zali emaw lai an awm ta a.

³Tin, Davida chu chuta ta chu Moab rama Mizpe-ah a kal a; Moab lal hnenah chuan, "Pathianin thil min tihsak tur ka hriat hma loh chu ka nu leh ka pate i hnenah lo awm rawh se aw," a ti a.

⁴Tin, Moab lal hmaah chuan a hruai a: tichuan Davida chu kulhbingah a awm chhung zang chuan a hnenah an awm a.

⁵Tin, zawlnei Gada chu Davida hnenah, "Kulhbingah chuan awm reng suh; chhuak la Judai ramah kal rawh," a tia . Chutichuan Davida chu a chhuak a, Hereth ngawh chuan a lut ta a.

⁶Tin, Saula chuan Davida leh a hnena awmte chu an hmu ta tih a lo hria a: Saula chu Gibea-ah Rama khuaah tamarisk thing hnuaiah a fei kengin a thu a; tin, a velah chuan a chhiahhlawh zawng zawngte chu an ding a.

⁷Tin, Saula chuan a kiang vela ding a chhiahhlawhte hnenah chuan, "Nangni Benjamin mite u, ngaithla rawh u; Jesaia fapa chuan lote leh grep huante a pe theuh dawn che uin a sipai sang hotuah te, a sipai za hotuahte a siam vek dawn che u em ni?

⁸In zain min phiar a, ka fapai Jesaia fapa hnena thu a thlun ka hnena tilang reng reng in awm loh a, mi lungngaihpui reng reng in awm loh a, ka fapain ka chhiahhlawh hi mi do tur leh vawiin ni te pawha mi chang tura a fuih thu ka hnena tilang in awm loh ni?" a ti a.

⁹Chutichuan Saula chhiahhlawhte kianga ding Edom mi Doega chuan a chhang a, "Jesaia fapa chu Nob khuaah Ahituba fapa Ahimeleka hnena lo kal ka hmu a.

¹⁰Tin, ani chuan LALPA a rawnsak a, ei tur ape a, tin, Philistia mi Goliatha khandaih a pe bawk," a ti a.

¹¹Chutichuan lal chuan Abituba fapa puithiam Ahimeleka leh a pa chhungkua, Nob khuaa puithiam awm zawng zawngte chu akohtir a.

¹²Tin, Saula chuan, "Nang, Ahituba fapa, lo ngaithla rawh," a ti a. Tin, ani chuan, "Ka pu, heta hi ka awm e," ati a.

¹³Tin, Saula'n a hnenah, "Chhang leh khandaihte lo pea LALPA te rawnsakin vawiin nia a tih anga mi do tur leh mi chang tura engati nge nangmah leh Jesaia fapa hian mi phair vel ni?" a ti a.

¹⁴Chutichuan Ahimeleka chuan lal chu a chhang a, "Lal makpa, i mi rawn ber thin, in chhungkuaa mi zahawm Davida ang reng renga mi rinawm hi i chhiahhlawh zawng zawngte zingah tu nge awm?

¹⁵Vawiin hi Pathian ka biak rawnsak tan ni em ni? A ni lo. Lal chuan a chhiahhlawh emaw, ka pa chhungkuate reng reng emaw min puh lul suh se; i chhiahhlawh hian he'ng thu zawng zawng hi a engamah ka hre lo a ni," a ti a.

¹⁶Tin, lal chuan "Ahimelek, i thi ngei ngei tur a ni, nang leh i pa chhungkua zawng zawngte nen," at i a.

¹⁷Tin, lal chuan, a kianga ding sipaite hnenah chuan, "Lehhawi u la, LALPA puithiamho hi that rawh u, Davida lamah an tang a, a tlan bo tih hre reng sia ka hnena an sawi loh avangin," a tia . Nimahsela lal chhiahhlawhte chuan LALPA puithiamte bei turin kut an lek duh lo a.

¹⁸Tin, lal chuan Doega hnenah chuan, "Nang lehhawi la, puithiamte chu bei rawh," a tia Tin, Edom mi Doega chu a lehhawi a, puithiamchu a bei a, chu mi ni chuan puan zai sin puithiam kawr ha, mi sawmriat leh panga a that a.

¹⁹Tin, Nob, puithiam khua chu khandaihin a bei a; a hmei a pain naupang leh hnute hne laite lamin, bawng te, sabengtung te, beramte nen khandaihin a sat hlum a.

²⁰Tin, Ahituba fapa Ahimeleka fapate zinga pakhat, a hming Abiathara chu a tlan chhuak a, Davida hnenah a tlan a.

²¹Tin, Abiathara chuan Saula'n LALPA puithiamte a thah thu chu Davida a hrilh a.

²²Tin, Davida chuan Abiathara hnenah chuan, "Edom mi Doega chuta a awm ni ngei khan Saula a hrilh ngei ngei ang tih ka hre sa reng a ni: i pa chhungkua zawng zawngte chu keimah avanga thi an ni a.Nang chu ka hnenah awm la, hlau suh; kei mi thah tum chuan nang pawh thah an tum ang che; ka hnena i awm erawh chuan i him ang," a ti a.

²³Nang chu ka hnenah awm la, hlau suh; kei mi thah tum chuan nang pawh thah an tum ang che; ka hnena i awm erawh chuan i him ang," a ti a.