Read Baibul, Mizo 1 Samuela 31 Bible Online

1 Samuela 31 - Baibul, Mizo bible

1 Samuela 31

¹Chutichuan Philista mie chuan Israel-hote chu an bei a; tin, Israel mite chu Philistia mite lakah chuan an tlanchhia a, Gilboa tlangah chuan thahin an awm ta zul mai a.

²Tin, Philistia mite chuan Saula leh a fapate chu an um zui ta ngat ngat a; tin, Pilisita mite chuan Saula fapa te, Jonathana leh Abinadaba leh Malkisua chu an that a.

³Tin, Saula chu an bei nasa ta em em mai a, thal kap mite chuan an umpha ta a; thal kap mite avang chuan a mangang ta em em mai a.

⁴Chutichuan Saula chuan a ralthuam kengtu hnenah chuan, "I khandaih phawi la, mi han chhuntlang rawh; chutilochuanheng serhtn lohhote hi an lo kal ang a, mi rawn chhun tlang ang a, mi uankhum dah nghe nghe ang e," a ti a. Nimahsela a ralthuam kengtu chuan a ti duh lo a; a hlau em em si a. Chuvangin Saula chuan a khandaih chu a la a, a bawh ta a.

⁵Tin, a ralthuam kengtu chuan Saula a thi tih a hriat chuan ani pawh chuan a khandaih chu a bawh ve a, an thi dun ta a.

⁶Chutichuan saual nen, a fapate pathum nen, a ralthuam kengtu nen, a mite zawng zawng nen, chu mi ni ngei chuan an thi za ta a ni.

⁷Tin, raum ral lehlama Israel mi awmte leh Jordan rala awmten Israel mite an tlanchia tih le Suala leh a fapate an thi tih an hriat hchuan khuate chu an chhuahsan a, an tlan bo ta a; tin, Philistia mite chuan an va lua ta a.

⁸Tin, heti hi ani a, a tukah chuan Philisita-hoten an ral thahte thuam hlihsak tura an va kal chuan Saula leh a fapate pahtum Gilboa tlanga an lo thi chu an va hmu a.

⁹Tin, a lu chu an tan a, a ralthuam chu an hlip a, chanchin chu an milem biakna inah leh mite hnena puang turin Philistia ramah chuan an thawn vel a.

¹⁰Tin, a ralthuam chu Astorethi inah an dah a; a ruang chu Bethsan kulh bangah an tar a.

¹¹Tin, Jabes-Gilead-a awmten Philistia miten Saula an tih dan chungchang thu chu an lo hriat chuan,

¹²mi uaisen zawng zawngte chu an tho a, zankuain an kal a, Saula ruang le a fapate ruang Bethsan kulh bang ata chu an la a; tin, Jabes an lo thleng a, chutah chuan an hal a.Tin, an ruhte chu an la a, Jabes-a tamarisk thing hnuaiah an phum a, tin, ni sarih chaw an nghei a.

¹³Tin, an ruhte chu an la a, Jabes-a tamarisk thing hnuaiah an phum a, tin, ni sarih chaw an nghei a.