Read Baibul, Mizo 1 Samuela 5 Bible Online

1 Samuela 5 - Baibul, Mizo bible

1 Samuela 5

¹Chutichuan Philistia mite chuan Pathian bawm chu an la a, Eben-ezer ata chu Asdod khuaah an kalpui ta a.

²Tin, Philistia mite chuan Pathian bawm chu an la a, Dagona biak inah an la lut a, Dagona kiangah chuan an dah a.

³Tin, Asdod khuaa mite chu atuk zing taka an han thawh chuan, ngai teh, LALPA bawm hmaah chuan Dagona chu a hmaia lei siin a lo tlu der mai a. Tin, Dagona chu an la a, a awmna hmunah chuan an dah leh a.

⁴Tin, a tuk leh zing taka na han thaw chuan, ngai teh, LALPA bawm hmaah chuan Dagona a hmaia lei siin a lo tlu der mai a; tin, Dagona lu leh a kutphah bawr khing hnih chhum chu kawngka bulah chuan alo lum reng mai a: Dagona taksa chauh chu a lo awm ta mai a.

⁵Chu mi avang chuan Dagona puithiam te, Dagona biak ina lo kal thin reng rengte pawhin Asdod kua Dagona kawngka bul chu tunthlengin an rap ngam lo a ni.

⁶Chutichuan LALPA kut chuan Asdod khuaa mite chu a delh ta hle mai a, chhiatna a thlensak ta hlawm a, Asdod khua le a chehvelte chu ngawtin a hrem ta bawk a.

⁷Tichuan Asdod khua amiten chutiang chu a nih an lo hriatin, "Israelte Pathian bawm chu kan hnenah awm reng teh suh se, kan chung leh kan pathian Dagona chunga a kutthlak ana em mai," an ti a.

⁸Chutichuan Philistia lal zawng zawngte chu an hnenah an ko khawm a, "Israelte Pathian bawm chu engtin nge kan ti ang?" an ti a. Tin, anni chuan, "Israelte Pathian bawm chu Gath khuaah va kalpui rawh u," tiin an chhang a: tichuan Israelte Pathian bawm chu an va kalpui ta a.

⁹Tin, heti hi a lo ni a, chutia ankalpui lai chuan LALPA kut chuan khua chu a tibuai ta nuai nuai mai a:khuaa mihringte chu alian atein a hrem a, ngawtna hri an chungah a lentir a.

¹⁰Tichuan Pathian bawm chu Ekron-ah an thawn let a, a va thlen chuan Ekron khuaa mite chu, "Israelte Pathian bawm chu keimahni leh kan mite tihlum turin, kan hnenah an rawn la ta," tin, an au ta chiam mai a.

¹¹Chutichuan Philistia lal zawng zawngte chu an ko khawm a, "Israelte Pathian bawm hi kal botir u la, keimahni leh ka mite min tihhlum lohna'n a awm hmun pangngaiah kal leh rawh se," an ti a. Khaw pum puiah chuan thihna khawp buai nuai nuaina a awm a; Pathian kut chuan chu khua chu a delh hle mai si a.Tin, a thi lote chu an ngawt hlawm a, tichuan chu khaw au thawm chuan van khi a han thleng a.

¹²Tin, a thi lote chu an ngawt hlawm a, tichuan chu khaw au thawm chuan van khi a han thleng a.