Read Baibul, Mizo 1 Samuela 9 Bible Online

1 Samuela 9 - Baibul, Mizo bible

1 Samuela 9

¹Benjamin rama Benjamina thlah mi pakhat mi chak huaisen tak i a awm a, a hming chu Kisa a ni a, chu mi chu Abiela fapa a ni a, chu mi chu Zeorora fapa a ni a, chu mi chu Bekoratha fapa a ni a, chu mi chu Aphia fapa a ni a.

²Tin, ani chuan fapa a nei a, a hming chu Saula ani a, tlangval tlawntlai tha tak ani a, srael mite zinga chuan a aia tlawntlai tha reng reng an awm lo a; tuma a koki khum pawh an awm lo.

³Tin, Saula pa Kisa sabengtung te a bo hlawm a. Tin, Kisa chuan a fapa Saula hnenah chuan, "Tho la, chhiahhlawh pakhat hruai la, sabengtung va zawng teh khai," a ti a.

⁴Tichuan Ephraim tlang ramte chu a fang a, tin, Salisa ramte paw a fang a, nimahsela an hmu lo va: tichuan Saalim ram an vang leh a, chutah pawh chuan an awm lo va: tin, Benjamin mite ram a fang leh a, nimahsela an hmu ta chuang lo a.

⁵Zuph ram an thlen chuan Saula chuan a hnena awm ve, a chhiahhlawh hnenah chuan, "Hawh teh, i haw leh teh tawh tawh mai ang, chutilochuan ka pain sabengtung ngaihtuah thulhin keimahni minngaihtuah dah ang e," a ti a.

⁶Tin, ani chuan a hnenah, "Ngai teh, he khuaah hian Pathian mi a awm a, mi zahawm tak a ni a, a sawi apiang chu a lo thleng ngei ngei thin a ni: hawh teh, chutah chuan i kal teh ang, kan kalna turte hi min hrilh thei mial mahna, " a ti a.

⁷Chutichuan Saula chuan a chhiahhlawh hnenah chuan, "Nimahsela e ngai teh, kal ang i la, chu mi chu eng nge kan kensang ang? Kan bawma chhang lah a awm tawh si lo a, Pathian mi pawmman ken tur a awm hauh lo mai: eng nge kan neih saw?" a ti a.

⁸Tin, chhiahhlawh chuan Saula chu a chhang leh a, "Ngai teh, tangka sekel hmun lia thena hmun khat chu ka la keng a: chu chu, kan kalna tur min hrilh manah Pathian mi chu ka pe ang e," a ti a.

⁹(Tun hma lam chuan Israel hote zinga miin Pathian rawn an duh hian, "Hawh teh, hmutheitu hnenah i kal teh ang," an ti thin a: tun laia zawlnei an tih thina hi tun hma chuan Hmutheitu an ti thin a ni.)

¹⁰Chutichuan Saula chuan a chhiahhlawh hnenah, "A that hlauh chu, i kal teh ang hmiang, " a ti a. Chutichuan Pathian mi awmna khuaah chuan an kal ta a.

¹¹Khaw pan chhohnaa an han chhoh lai chuan nula tui chawi tura lo chhuakte an han hmu a, an hnenah, "Hetah hian hmutheitu chu a awm em?" an ti a.

¹²Tin, anni chuan an chhang a, "Aw e, in hmaah a lo kal a sin, hmanhmawh rawh u khai, vawiinah hian khuaah chuan a lo kal a ni; vawiinah hian hmun sangah mite an inthawi a ni:

¹³Khua in han luh veleh hmun sanga chaw ei tura a kal hmain in han hmu nghal mai ang; inthawina chu malsawmtu tur anih avangin a thlen hma loh chuanmipui chuan chaw an ei dawn lo a ni;chu mi hnuah chuan an mi sawmte chuan an ei thin a ni. Chuvangin kal chho thuai u la, in han hmu nghal mai ang," an ti a.

¹⁴Tichuan khuaa chuan an kal cho ta a; tin, khua an han luh chuan ngai teh, Samuela hmun sanga kal tur chuan a tawk a.

¹⁵Tin, Saula lo kal hma ni khatah chuan LALPA chuan Samuela chu a bekbawr a,

¹⁶Naktuk hetih hun lai hian Benjamin ram atangin i hnenah mi pakhat ka rawn kaltir dawn a, ka mi Israelte chunga hotu ni turin hriak i thih ang a, ani chuan Philistia mite kut ata ka mite a chhandam ang; an au thawm chuan ka hnen a lo thlen tak avangin ka mite chu ka ngaihsak a ni." tiin.

¹⁷Tin, Samuelan Saula a hmuh chuan LALPA'n a hnenah, "En teh, i hnena ka mi sawia kha; ani hian ka mite chunga thu a nei ang, a ti a.

¹⁸Chuti chuan Saula chuan kulh kawngkaah Samuela chu a va hnaih a, "Hmutheitu in chu khawiah nge a awm min hrilh teh khai," a ti a.

¹⁹Tin, Samuela chuan Saula chu a chhang a, "Keimah hi hmutheitu chu ka ni; kahmaa hian hmun sang lam panin kal la, vawiinah hian ka hnenah chaw i ei dawn a ni; tin, naktuk zingah chuan ka kaltir ang chia, i rilrua awm zawng zawng pawh ka hrilh ang che.

²⁰Tin, i sabengtung, ni thum bo tawhte thu chu lungkham suh, an hmu tawh e. Israelte zinga ropuina zawng zawng chu tu tan nge ni? I tan leh i pa ina mi zawng awng tan ani lo'm ni?" a ti a.

²¹Tin, Saula chuan a chhang a, "Israel hnam zinga te ber, Benjamin hnam ka ni law ni? Tin, kan chhungkua pawh Benjamin hnam chhungkua zawng zawng zinga te ber ani lo'm ni? Eng tiziaa hetianga ka hnena sawi nge i nih le?" a ti a.

²²Tin, Samuela chuan Saula leh achhiahhlawh chu a hruai a, mikhual pindahna chuan a hruai lut a, an mi sawm, sawmthum lai zingah chuan hmun ropui berah a thuttir a.

²³Tin, Samuela chuan chaw chhumtu hnenah chuan, "I hnena dah hran tur ka tih chanvo ka pek che kha han la rawh khai," a ti a.

²⁴Chutichuan chaw chhumtu chuan a bawp leh a chunga awm chu a rawn la a, Saula hmaah chuana va hlui a. Tin, Samuela chuan, "En teh, ka lo dah hrana chu! Kil la, ei rawh; a hun hun atan hei hi ka lo ruatsak reng che a ni, 'Mite ka sawm khawm e' ka ti tawh bawk si a," a ti a. Chutichuan chu mi ni chuanSaula chu Samuela te nen chawhlui an kil za ta a.

²⁵Tin, hmun sang ata khuaa an chhuk chuan, in chunga Saula chu mutna an siamsak a, a mu ta a.

²⁶Tin, zing takah a tho a; ni chhuah dawn lai velin Samuela chuan in chunga awm Saula chu a ko a, "Tho la, ka laltir te teh tawh ang che," a ti a. Chutichuan Saula chu a tho a, an pahnih chuan an kal chhuak a, amah leh Samuela chu an chuak ta a.Khaw hmawr lam chu an zuk thlen chuan, Samuela chuan Saula hnenah, "Chhiahlawh hi ka hma lamah kaltir la, (ani chu a kal ta a) nang erawh chu ding rih la, Pathian thu ka han hrilh teh rih ang che," a ti a.

²⁷Khaw hmawr lam chu an zuk thlen chuan, Samuela chuan Saula hnenah, "Chhiahlawh hi ka hma lamah kaltir la, (ani chu a kal ta a) nang erawh chu ding rih la, Pathian thu ka han hrilh teh rih ang che," a ti a.