Read Bakoko Yohánɛs 12 Bible Online

Yohánɛs 12 - Bakoko bible

Yohánɛs 12

¹Alɔ́ ásáama ɔ́sū ví ŋgand Páska nyí Elōg-Yúda, Yésus ɔ pám á Bétánia, ápah Lásalo nyɔ́ a pahyɛ́ɛ́ á póla ɓá ɓá wū a ɓɛ́ɛ́.

²Bú ɓɔ̄ŋ líndēmá ányúū yɛ́ɛ̄. Lásalo a ɓɛ́ɛ́ á élɔŋ yé ɓáyāŋlɛ, Maatá nyɛ́g ɔ ɓɛ́ á elɔŋ yé ɓáɛɛle ɓot.

³Malía ɔ nyɔ̄ŋ hɔ́ étun ɛ́ líta yé líbīndɛ lí ŋga véé díyɛ ɓá veg la taŋ nálda[5], ɔ kóm jɔ á míkoo mí Yésus, ɔ tɔ̄h mɔ́ la voŋ vɛ́ɛ́ ví m̀mú, la ndáá yɔ ɛsɛ̄ yu yál la nziŋ jéŋ libíndɛ.

⁴Váŋ nɛ́ Yúdas Iskáliot, wa á até a ɓayége bí Yésus, nyɔ́ a ŋga kɛ́ nyɛ́ lí nuŋu, a lágā nɛ́:

⁵«Ányúū yéé ɓaá nuŋú ɓé jé libíndɛ biɓógo bí kápa bíŋháa[6], ɓa tí byɔ ɓáyɛ̄ɛ̄yɛ́ɛ é?»

⁶A ŋgí pɔ́t ɓé náŋ ányúū nɛ a ŋgí kɔnle ɓáŋ ɓot ŋgɔ́ɔ́, ndí ányúū nɛ́ a ɓɛ́ɛ́ mut a wií la ki nɛ́, kaa a ɓɛ́ɛ́ ǹnaŋɛ-ŋkuh, a ŋgí yíí yé bí ŋgí tíi nyɛ́ á lí naŋɛ.

⁷Yésus ɔ laga hɔ́ nɛ́: «Mwahɛ́ nyɔ́ŋ mindígá! Ag ɓɔŋ náŋ á lí ɓoŋhan lí míje máma.

⁸Ɓayɛ́ɛ́yɛ́ɛ bí lɛ́ la ɓɛ́nɛ eceg sig, ndí ma, miní ŋgá ɓɛ́ ɓé la ma eceg ɛ́sɛ.»

⁹Á nlemlem á eceg, edila límut yé ɓɔ́ɔ̄n bí Élōg-Yúda yú ámblé nɛ Yésus a lɛ váŋ, bú sɔ́ nyɛ li ɛ́n la li ɛ́n lí Lásalo nyɔ́ Yésus a pāhyɛ́ɛ á póla ɓá ɓá wū.

¹⁰Váŋ nɛ́ ɓakanʼyɛ ɓatíi-nsúlé ɓá súgɛ́ hɔ́ nɛ́ Lásalo ki a nyɛɛ lí wú,

¹¹átɔm nɛ́ ányúū yɛ́ɛ̄ nyɛ́ Lásalo nɛ́ ŋgandag ɓɔ́ɔ̄n bí Élōg-Yúda ɛ́ ŋgí ɓáglan la ɓɔ́ ɓakanʼyɛ ɓatíi-nsúlé á lí yéɓe la Yésus.

¹²Ámbúh víŋ ɔlɔ́, edila límut yé ɛ́ ɓɛ́ɛ́ á ŋgand Páska yú ámblé nɛ́ Yésus a lɛ lí sɔ́ á Yélūsalɛm.

¹³Váŋ nɛ́ ɓot ɓá nyɔ̄ŋ mítaa la ɓɔ́ bú kɛ lí ɓoman la nyɛ́, bíg lón nɛ́: «Osána! Ndómbo ɛ ɓé la káísa nyí Íslāɛl ɛ ŋga sɔ́ á jóō lí Nyɔ́ŋ-Ɛsáŋɛ́.»

¹⁴Ɛnɛ́ Yésus a kɔ́p mɔɔ́n jákāas, ɔ ɓét á lóō jɛ́ɛ́, ákaa yá ciiɓɛ́ nɛ:

¹⁵«Ɔh kɔnɔ́g ɓé woŋ, á ŋgɔn ŋkɔŋ á Síon; légɓé sig, káísa yɔɔ ɛg sɔ́, ɛ tɔ́ɔ̄ á lóō lí mɔɔ́n á m̀mín á jákāas.»

¹⁶Ɓayége ɓɛ́ɛ́ ɓáh dúgu ɓé lí sɔ́ŋtánɛ lí yé ɛ́ ŋgí loo, ndí ɛnɛ́ ɓá ɛ́n Yésus eceg a níŋgléé á lípēm jɛ́ɛ́, váŋ nɛ́ ɓá ɔ́ŋɔ nɛ́ náŋ a ciiɓɛ́ɛ likɔlɓan la nyɛ́, la ki nɛ́ yé ɛ́sɛ Licii-Lipúán lá pɔ́t yɔ́ nɛ́ ɛ́ lɛ́ lí yál ányúū yɛ́ɛ̄.

¹⁷Limut lí ɓɛ́ɛ́ elɔŋ la nyɛ́ eceg a yáŋléé Lásalo nɛ́ a pám á sɔŋ, kí ag pahyɛ nyɛ́ á póla ɓá ɓá wū, jɔ́ nɛ́ lí ŋgí tíi mbóŋ yɛ́ɛ̄.

¹⁸Á mbálɛ, limut lí sɔ́ɔ́ lí ɓoman la nyɛ́ ányúū nɛ́ lí ámbléé yé a ɓɔŋɔ́ɔ́.

¹⁹Ɓɔɔ́n bí Falísái bú laglán hɔ́ nɛ: «Léɓyán sig kaa ɓot bísɛ bí ŋga ōŋ nyɛ́, miní sē ɓé pɛ nɛ́ maná ɓɔ̄ŋ tɔ jam!»

²⁰Apuh á ɓɔ́ɔ̄n bí Gelékia bí ɓétéé á Yélūsalɛm á lí ɓégɛ lí Ɔlolómɛ̄ á eceg ɛ́ ŋgand.

²¹Bú kɛ li ɛ́n lí Filípo mɔɔ́n ŋkɔŋ á Betsaída á Galiléa á lí ɓat lí nyɛ nɛ́: «Á etāa, biíg somo li ɛ́n lí Yésus.»

²²Filípo ɔ kɛ́ li máŋlɛ lí Andeléas, la ɓɔ́ bíɓáa bú kɛ lí laga lí Yésus náŋ.

²³Yésus ɔ pélē ɓɔ nɛ́: «Ŋgɛ́ŋ ya kɔlan nyí Mɔɔ́n Mut a nyɛ́ɛ li kuh lí lípēm.

²⁴La mbálɛ-mbálɛ, mag laga ɓɛ́nɛ nɛ́, kíyáɓɛ́nɛ diíh lí mbáhɛ lá ku á sí, kí líh wúág ɓé, líg tɔɔ jɔ́-ntámɛ́; ndí kí lá wú, líg tíi miíh á nyaa ya lōo ɔvega.

²⁵Nyɔ́ la nyɔ́ a ŋga dīŋ eniŋ yɛ́ɛ́, ag kɛ yɔ́ lí jáŋɛ, ndí tɔ nzáá a ŋgá tiŋɓé ɓé até, mú á nyú ŋkɔŋ-á-sí, ag kɛ yɔ́ lí tombanɛ ányúū éniŋ éɓem.

²⁶Tɔ nzáá a ŋga sómo ma lí ɓɔŋle, a ōŋ ma, átɔm nɛ́, ápah mi lɛ, m̀ɓɔŋle wama ki ag ɓɛ́ váŋ. Tɔ nzáá ki a ŋga ɓɔ̄ŋle ma, Etāa nyɛ́g ag kɛ nyɛ́ lí ditɛ.

²⁷Nyí vɔ́ŋɔ́ɔ, m̀mím wáma wá tuŋglan. Ɓaá yéé mi lágá é? Mi lágá nɛ́ Etāa, sūŋ ma á nyíŋ ŋgɛ́ŋ é? Kɛ́m, ányúū nɛ́ ma sɔ́lé tín-tín ányúū yɔ.

²⁸Etāa, tí jóō jɔ́ɔ lipém.» Váŋ hɔ́ nɛ cíŋ ya sɔ́léné á lóō yu lága nɛ: «Ma tí jɔ lipém, mag kondye ki jɔ́ lí tíi lí lípēm.»

²⁹Limut li ɓɛ́ɛ́ váŋ, ɛnɛ́ lí ámbléé nyíŋ cíŋ, lú laga nɛ́: «Mbambat nɛ́ ya ɓām!» Ɓáŋá ɓɔ́ɔ́: «Áŋgɛl nɛ́ ya pɔ́tɛ́ nyɛ!»

³⁰Yésus ɔ nyɔ̄ŋ sīg-pɛ mpɔ́t, aá la ɓɔ́ nɛ́: «Ah ányúū yama ɓé nɛ nyíŋ cíŋ ya ámblɛ́ɛ ndí á mbálɛ ányúū yaná.

³¹Nyí vɔ́ŋɔ́ɔ nɛ́ bí ŋga kááhɛ ɓot bí ŋkɔŋ-á-sí, nyí vɔ́ŋɔ́ɔ, ŋ̀kanʼyɛ a ɓot bí nyú ŋkɔŋ-á-sí ag lééɓɛ á ápūū.

³²Ndí ma, eceg bí ŋga kɛ́ ma lí ɓógtɛ á ŋkɔŋ-á-sí, mag kɛ li duutɛ lí ɓot bísɛ á ŋgwáāg yáma.»

³³La bíŋ biɓaŋgá nɛ a ŋgí étɛ patí nyɛmb a ŋga kɛ́ li wú.

³⁴Limut lú pélē nyɛ́ nɛ́: «Ɓaá yégé á mbéndá nɛ, Nyɔ́-a-Pɔ́hlɛ a nyɛ́ɛ lí niŋ á éɓem la á éɓem. Nɛ́ láá hɔ́ ɔ ŋgɔ lá li laga nɛ́, ɛ́g somlɛ nɛ́ bí ɓétɛ́ Mɔɔ́n Mut á lóō é? Nzáá a lɛ nyɔ́ŋ Mɔɔ́n Mut é?»

³⁵Yésus ɔ pélē ɓɔ nɛ́: «Mipúú mí ŋgí lɛ á póla yaná ányúū puh eceg. Eceg miní byɛ́ɛ̄ mípūū, wɛán átē á li ɓɔŋ nɛ́ livito líh púhégé ɓé ɓɛ́nɛ átɔm nɛ́, nyɔ́ la nyɔ́ a ŋga wɛ́ɛ átē á livito, a ŋgá yí ɓé ápah a ŋga kɛ́.

³⁶Eceg miní ŋgí byɛ́ɛ̄ mípūū, miní yéɓé la mipúú, á lí ɓɔŋ nɛ́ miní yáan ɓɔɔ́n bí mípūū.» Ɛnɛ́ Yésus a manɛ́ ɓɔ li laga náŋ, ɔ ɓógo váŋ, ɔ sɔ́lɔ.

³⁷Tɔ náŋ kaa a ɓɔŋɔ́ɔ́ bíŋ binanaŋga bí mam bísɛ, ɓot bí ŋgí yéɓe ɓé la nyɛ́.

³⁸Náŋ nɛ́ éɓaŋgá Ésáya m̀pɔ́tle-a-Ɔlolómɛ̄ a lagléé yá yál. Yɔ́ nɛ́ ɛ́ lɛ́ nɛ́: «Ɛtáŋɛ nzáá a yéɓé yé bi ŋgí laga é? Ɓaá, nzáá Nyɔ́ŋ-Ɛsáŋɛ́ a étɛ ŋguu yɛ́ɛ̄ é?»

³⁹Nlemlem á Ésáya a laga á njɔm yéé ɓáh la ɓé lí yéɓe:

⁴⁰«A dím ɓɔ miíh, ɔ létɛ̄ mímīm máɓá, nɛ́ bíh ɛ́nɛ́g ɓé la miíh máɓá tɔ li sɔ́ŋtánɛ, nɛ́ bíh veŋlág ɓé bílɛ̄m byáɓá, nɛ́ ndí mā Ɔlolómɛ̄ mi tɔ́ɔ́yɛ́ ɓɔ́ mbólí!»

⁴¹Esáya a pɔ́tɔ́ɔ́ náŋ ányúū nɛ́ a ɛ́nɛ́ɛ́ lípēm lí Yésus, ɔ pɔ́t ki likɔlɓan la nyɛ́.

⁴²La náŋ nɛ́, á élɔŋ ɓákanʼyɛ ɓɔ́-mɛ̄n, ŋgandag yu yéɓé la nyɛ́. Ndí, bí ŋgí kɔn woŋ li páha náŋ, ánsī nɛ Elōg-Falísái ɛ́ táág súŋɛ̄ ɓɔ̄ li sɔ́ á ndáá-miɓomán.

⁴³Á mbálɛ nɛ́, bí ŋgí ɛ́n lípēm lí ŋga sɔ́le ɓɔ́ la ɓot-bí-bínam nsɛ́ŋ li loo lí jé lí ŋga sɔ́le la Ɔlolómɛ̄.

⁴⁴Váŋ nɛ́ Yésus a lɛ́gɛ hɔ́ nɛ: «Tɔ nzáá a ŋga yéɓe la ma, a ŋgá yéɓe ɓé jā la ma, ndí ag yéɓe la nyɔ́ a óm ma.

⁴⁵Tɔ nzáá a ɛ́n ma, a ɛ́n ki nyɔ́ a óm ma.

⁴⁶Ma nɛ́ mi lɛ mípūū, ma sɔ́ á ŋkɔŋ-á-sí, nɛ́ nyɔ́ la nyɔ́ a ŋga yéɓe la ma, ah tɔɓág ɓé pɛ átē a livito.

⁴⁷Tɔ nzáá a ŋga ámble biɓaŋgá byáma ndí ah naŋɛ ɓé byɔ, ah ma ɓé nɛ mi ŋga kááhɛ nyɛ́, átɔm nɛ́, máh sɔ́ ɓé ma lí kááhɛ lí ɓot bí ŋkɔŋ-á-sí, ndí ma sɔ́ ɓɔ li suŋ.

⁴⁸Nyɔ́ a ŋga pún ma, ndí ah lɛ́gle ɓé ki éɓaŋgá yáma, a kūh ŋ̀kááhɛ wɛɛ́. Eɓaŋgá ma lɛ́gɛ, ɛ́g kɛ nyɛ́ lí kááhɛ á ɔlɔ́ vá tiile.

⁴⁹Mi ŋgá pɔ́t ɓé ma la mā-mɛ̄n, ndí Etāa nyɔ́ a óm ma nɛ́ a yíhɛ́ ma yé ma nyɛ́ɛ lí pɔ́t la li yíhɛ.

⁵⁰Mag yí nɛ́ mbéndá yɛ́ɛ̄ ɛ lɛ éniŋ éɓem, yé mi ŋga laga, mag laga yɔ́ kaa Etāa a lága ma.»