Read Baltic Romani Bible 2019 – Библия - Пэ Балтитко Романи чиб (Романэс) 2019 Псалм 138 Bible Online

Псалм 138 - Baltic Romani Bible 2019 – Библия - Пэ Балтитко Романи чиб (Романэс) 2019 bible

Псалм 138

¹[137-р.с.] Давидо́скиро Пса́лмо. Мэ ява́ва тэ парикира́в Ту́кэ сарэ́ мирэ́ илэ́стыр, мэ ява́ва тэ бага́в псалмы ту́кэ анги́л дэвлорэндэ.

²Мэ ява́ва тэ клонинавпэ патыва́са кэ Тыри́ свэ́нто Кхангири́ и тэ вышарав Тыро́ лав пал Тыро́ дро́го лачхипэ́н, и пал Тыро́ патяибэ́н, пал-дова́ со Ту ґаздыян вучэды́р сарэ́стыр Тыро́ лав.

³Ту отпхэндян ма́нгэ дро дывэ́с, ке́ли мэ дыём го́дла ясвэ́нца: Ту кэрдя́н муршканэдыр ман, ке́ли Ту дыя́н зор мирэ́ дескэ.

⁴Сарэ́ кра́лья пэ пхув явэ́на тэ вышарэн Тут, о Раё Дэ́вла, пал-дова́ со ёнэ шундлэ́ лава́, со Ту пхэндя́н.

⁵И ёнэ явэ́на тэ бага́н пал Ра́скирэ-Дэвлэ́скирэ дрома́, пал-дова́ со Раскири-Дэвлэ́скири сла́ва исын вучы.

⁶Мэк Рай Дэвэ́л исын вучэ́с, нэ Ёв дыкхэ́ла тэлэ́ пэ одолэ́ндэ, савэ́ кандэ́на Лэс, а пхутькирдэс Ёв пинджкирэла дурипнастыр.

⁷Ко́ли явэ́ла пхаро́ ма́нгэ сарэ́ ригэ́ндыр, Ту джидякирэса нэвэ́стыр ман: Ту динд(з)ькирэса (тырдэса) Тыро́ васт, ке́ли вэ́рги зоралэ́с холясона и Тыро́ чачо́ васт вытэрдэла ман бидатыр.

⁸Рай Дэвэ́л кэрэ́ла адя́кэ, со мэ ява́ва бидошэ́нгиро: Тыри́ лачхэ́-илы́ткима, о Раё Дэ́вла, ячэ́лапэ пэ сарэ́ ве́ки; на мэк бутя́, со кэрдэ́ Тырэ́ васта́.