Read Baltic Romani Bible 2019 – Библия - Пэ Балтитко Романи чиб (Романэс) 2019 Псалм 47 Bible Online

Псалм 47 - Baltic Romani Bible 2019 – Библия - Пэ Балтитко Романи чиб (Романэс) 2019 bible

Псалм 47

¹[46-р.с.] Хоро́скирэ Дирижоро́скэ. Кареёскирэ Чхавэ́нгиро Пса́лмо.

²Сарэ́, манушы́тка на́цыи, марэ́н дрэ васта́, радынэ́нпэ зоралэ́с Дэвлэ́скэ вучонэ заня́са.

³Со Рай Дэвэ́л, Са́мо (Най) Вучэды́р, дэла дар, Ёв исын баро́ Кра́ли пир сари́ пхув!

⁴Ёв тэлякирэла сарэ́ манушы́тка расы тэл амэ́ндэ и Наюды́тка на́цыи тэл амарэ́ ґэра́.

⁵Ёв выкэдыя́ амаро́ мэкно́ миштыпэ́н ваш амэ́нгэ, баро́ вычэдырипэн Яково́скиро, кон исын дро́го Лэ́скэ. Сэ́ла.

⁶Дэвэ́л гия́ упрэ́ пэ троно годлыпнаса, рогоскирэ (трубакирэ) башаибнаса, Рай Дэвэ́л.

⁷Бага́н шарибнытка гиля́ Дэвлэ́скэ, бага́н шарибнытка гиля́ амарэ́ Крали́скэ, бага́н шарибнытка гиля́.

⁸Со Дэвэ́л исын Кра́ли пир сари́ пхув; бага́н пса́лмо годьварэс.

⁹Дэвэ́л кралинэла пэ Наюды́тка на́цыи; Дэвэ́л исын бэшто́ пэ Лэ́скиро свэ́нто троно.

¹⁰[р.с.] Барэ́ рая́ манушытконэ́ нацые́ндыр кэдэнапэ кхэтанэ́, сыр мануша́ Авраамо́скирэ Дэвлэ́стыр. Пал-дова́ со шчы́ты пэ пхув исын Дэвлэ́скирэ; Ёв исын ґаздыно́ вучэды́р сарэ́стыр.