Read Baltic Romani Bible 2019 – Библия - Пэ Балтитко Романи чиб (Романэс) 2019 Псалм 60 Bible Online

Псалм 60 - Baltic Romani Bible 2019 – Библия - Пэ Балтитко Романи чиб (Романэс) 2019 bible

Псалм 60

¹[59-р.с.] Хоро́скирэ Дирижоро́скэ. Пэ Мелодия “Лилиякиро Допхэныбэ́н.” Давидоскири Наде́я. Ваш Сыклякирибэ́н, ке́ли ёв мардя́пэ Сирияса Месопатамиятыр и Сирияса Цованостыр и,

²ке́ли Иоа́во (Джоаба) рисия́, сыр ёв замардя́ дэшуду́й тысенцы Идумиянэн пэ Лондытко До́ло.

³Дэ́вла! Ту ги́ян криг амэ́ндыр и пхагирдян амэн; Ту са́нас холямо́ пэ амэ́ндэ: акана́ прилэ́ палэ амэн.

⁴Ту тринскирдян пхув: Ту розрискирдян ла: састякир ла́кирэ рискирибэна (повреждении), пал-дова́ со ёй кунинэлапэ (колебинэлапэ).

⁵Ту чхудя́н Пэ́скрэ манушэ́н анги́л пхарипэ́н, Ту дыя́н амэ́нгэ мол тэ издрас.

⁶Ту дыя́н сцяго (знамё) одолэ́нгэ, савэ́ндэ исын трашаибэ́н анги́л Ту́тэ, тэ ґаздэ́н лэс ваш патяибэ́н,

⁷соб (кай) тэ зракхэнпэ одолэ́, кон яця́ дро́го Ту́кэ. Помогин тэ зракхэнпэ Тырэ́ чачэ́ вастэ́са и отпхэн ма́нгэ. Сэ́ла.

⁸Дэвэ́л пхэндя́ Пэ́скирэ свэнтыматыр: Мэ ґаздавапэ радыма́са, Мэ роскэрава Сихемо и Мэ розмеринава Сукотоскиро до́ло.

⁹Миро исын Галаа́до, и миро исын Мана́сия, Эфремо исын сы́рбы шлемо тэ ракхэ́л миро шэро́, Юда исын сы́рбы миро троно тэ кралинэ́л.

¹⁰Моа́во исын мири́ копа́на (умывальница), пир Эдо́мо мэ чхурдава мири́ шкорня; Филистия (Филистэя), ци на дэ́са ту го́дла зоралэ́с радыма́тыр пал ма́ндэ.

¹¹Кон янэ́ла ман дро зорало́ фо́ро? Кон лыджа́ла ман дро Эдо́мо?

¹²Ци Ту чхурдыян дрэ риг, чачэс, Дэ́вла? Ци Ту на джа́са анги́л амарэ́ халадыбэна.

¹³[р.с.] Дэ васт амэ́нгэ проти амарэ́ намалэстэ, пал-дова́ со харты́тко исын подыно васт манушэ́ндыр.

¹⁴[р.с.] Дэвлэ́са амэ кэра́са барэ́ рэ́нды; Ёв ростасавэла амарэн намалэн (надругэн).