Read Baltic Romani Bible 2019 – Библия - Пэ Балтитко Романи чиб (Романэс) 2019 Псалм 61 Bible Online

Псалм 61 - Baltic Romani Bible 2019 – Библия - Пэ Балтитко Романи чиб (Романэс) 2019 bible

Псалм 61

¹[60-р.с.] Хоро́скирэ Дирижоро́скэ. Пэ Балытка Струме́нты. Давидо́скиро Пса́лмо.

²Шун, Дэ́вла, со мэ ровава, и пришунпэ кэ мири́ па́тери (моли́тва).

³Ягорэ́ндыр (крае́ндыр), со исын пэ пхув, мэ кхара́ва Тут, ке́ли миро ило́ исын тэлэ́: залыджа ман пэ бэ́рга, со исын вучэды́р ма́ндыр.

⁴Пал-дова́ со Ту са́нас сыр гарадыипэн ма́нгэ, сы́рбы зоралы́ вучарды́ (башня) мирэ́ вэргэ́ндыр.

⁵Мэ ява́ва тэ джива́в дрэ Тыри́ ша́тра пэ сарэ́ ве́ки; мэ ява́ва тэ гарадёвав и тэ рикирав наде́я тэл Тырэ́ пхака́. Сэ́ла.

⁶Пал-дова́ со, Ту, Дэ́вла, шундя́н мирэ́ совлаха́; Ту дыя́н ма́нгэ мэкно́ миштыпэ́н одолэнгиро, кон страхадёла Тырэ́ лавэ́стыр.

⁷Ту дэ́са буты́р джиибна́скирэ дывэса́ крали́скэ, соб (кай) тэ явэ́н лэ́скирэ бэрша́ пэ буты́р ве́ки,

⁸соб (кай) ёв тэ бэшэ́л пэ троно анги́л Дэвлэ́стэ, мэк лачхэ́-илы́ткима и чачипэ́н тэ приракхэн лэс.

⁹[р.с.] Палдава́ мэ ява́ва тэ бага́в шарибнытко гилы́ пал Тыро́ лав пэ сарэ́ ве́ки, соб (кай) ма́нгэ тэ кэра́в кэ ко́нцо (яго́ро) тэ сполнинав мирэ́ совлаха́ со дывэ́с.