Read Baltic Romani Bible 2019 – Библия - Пэ Балтитко Романи чиб (Романэс) 2019 Псалм 63 Bible Online

Псалм 63 - Baltic Romani Bible 2019 – Библия - Пэ Балтитко Романи чиб (Романэс) 2019 bible

Псалм 63

¹[62-р.с.] Давидо́скиро Пса́лмо, ке́ли Ёв сыс пэ чхучи́ Пхув кэ Юдэ́я

²Дэ́вла! Ту сан миро Дэвэ́л, мэ самонэ тасярлатыр (ранко́стыр) родава Тут. Миро ди сыр пал пани́, саво́ тырдэлапэ кэ Ту, дрэ мири́ лоч (плоть) исын сы́рбы труш/смэга (жажда) пал Ту́тэ, сыр дрэ шуки́ и дошалы пхув, со исын би панескиро,

³соб (кай) тэ дыкха́в зор и сла́ва Тыри́, сыр мэ дыкхцём Тут дро Свэ́нто Штэ́то.

⁴Тыри́ лачхэ́-илы́ткима исын миштэдыр джиибнастыр, мирэ́ ушта́ явэ́на тэ шарэ́н Тут.

⁵Палдава́ мэ ява́ва тэ славинав и тэ парикира́в Ту́кэ дро миро джиибэ́н, мэ ява́ва тэ ґаздав васта́ ваш Тыро́ лав.

⁶Миро ди явэ́ла чалы сы́рбы чэкэнэса (тукоса) и тхулыпнаса и мирэ́ ушта́ явэ́на тэ славинэ́н Тут обрадындлэ заня́са,

⁷ке́ли мэ пририпирава Тут пэ миро чхуибэ́н, тэды мэ думинава пал Ту́тэ раты́, ке́ли джангадёвава,

⁸со Ту ўса́ды (сак) дэсас васт ма́нгэ, а мэ ява́ва тэ радынавпэ тэл Тырэ́-пхакэнгири зор.

⁹Миро ди прияця кэ Ту, а Тыро́ чачо́ васт подрикирэ́ла ман.

¹⁰И одолэ́, савэ́ родэ́на, соб (кай) тэ хасякирэ́л миро джиибэ́н, ёнэ джа́на дрэ хорипэна тэл пхув;

¹¹лэн отдэна тэл курта́ла, ёнэ явэ́на сы́рбы хабэ́н шакалэнгэ.

¹²[р.с.] Нэ кра́ли явэ́ла тэ радынэ́лпэ Дэвлэ́стыр, кажно ману́ш явэ́ла тэ шарэлпэ, кон совлахала Лэ́скирэ лавэ́са, пал-дова́ со хохаибнаскирэ муя́ явэ́на запхандлэ.