Read Baltic Romani Bible 2019 – Библия - Пэ Балтитко Романи чиб (Романэс) 2019 Псалм 70 Bible Online

Псалм 70 - Baltic Romani Bible 2019 – Библия - Пэ Балтитко Романи чиб (Романэс) 2019 bible

Псалм 70

¹[69-р.с.] Хоро́скирэ Дирижоро́скэ. Давидо́скиро Пса́лмо.

²О, Дэ́вла, зра́кх ман! О, Раё Дэ́вла, яв сыгэды́р тэ дэс васт ма́нгэ.

³Мэк одолэ́, савэ́ родэ́на тэ замарэ́н ман (тэ мулякирэ́н), тэ явэ́н ладжакирдэ́, мэк тэ нашэ́н и тэ явэ́н дрэ ладж одолэ́, савэ́ камэ́на чорипэ́н ма́нгэ.

⁴Мэк тэ рисён палэ и тэ пэрэ́н дрэ ладж одолэ́, кон ракирэ́ла: “Мишто́, мэк тэ явэ́л.”

⁵Мэк тэ радынэ́нпэ и тэ явэ́н бахталэ́ Ту́тыр одолэ́, савэ́ родэ́на Тут. Мэк одолэ́, савэ́нгэ дро́го сан Ту, со Ту зракхэ́са лэн, усады (сак) тэ ракирэ́н: “Мэк тэ шарэ́н зоралэ́с Дэвлэ́с.”

⁶[р.с.] Нэ мэ сом чороро́ и ма́ндэ исын трэ́бима: яв сыгэды́р кэ мэ, о, Дэ́вла! Ту зракхэ́са ман, и дэ́са васт ма́нгэ. О, Раё Дэ́вла, на мэк ман гара (длу́гэс) тэ ужакирав.