Read Baltic Romani Bible 2019 – Библия - Пэ Балтитко Романи чиб (Романэс) 2019 Гил 7 Bible Online

Гил 7 - Baltic Romani Bible 2019 – Библия - Пэ Балтитко Романи чиб (Романэс) 2019 bible

Гил 7

¹[2] Савэ шука́р исын тырэ́ ґэра́ дрэ цуру́ля (цэндали), о, крали́скирэ-сэмэнцакири чхай! Тырэ́ стаця (бёдры) адя́кэ бандёна трусця́л (кругом), со ёнэ исын сыр мириклэ, со ёнэ исын сы́рбы лэн создынэ спецоскирэ васта́.

²[3] Тыро́ пэр исын сыр труюно (крэнгло) тахта́й, дро саво́ ухтылэ́ла (до́си) мешындлы мол (вино); тыри́ кусты́к пэ ста́но сыр гивнякири стого, пашы́л саво́ исын трусця́л лилии.

³[4] Тырэ́ дуй цюця исын сыр дуй бузнорэ, дуёрэ (двойняты) газэлятэ.

⁴[5] Тыри́ мэн исын сыр вучарды́ (башня) слонытконэ кокалостыр; Тырэ́ якха́ исын сыр зерицы (озеркицы) дро Есево́но (Гэшбоно), со исын пашы́л Батрабимоскири по́рта; тыро́ накх исын сыр Ливаноскири вучарды́ (башня), со дыкхэ́ла яври́ кэ Дама́ско.

⁵[6] Тыро́ шэро́ дыкхэлапэ сыр бэ́рга Кармил, и тырэ́ крэнца бала́ исын сыр пурпуро; о кра́ли исын сы́рбы пхандло дрэ састыра́ тырэ́ крэнцонэ чхурьенца.

⁶[7] Сави́ шукарни и сави́ гожо-манушвари ту сан, о, сыр бут мэ радынавапэ тырэ́ пиранипна́стыр (камлыпнастыр).

⁷[8] Тыри́ стэ́ма (ста́но) исын сыр пальма, тырэ́ колына исын сыр ла́кирэ [винаграды́тка-р.с.] рандёрья.

⁸[9] Мэ дыём годы́ пэскэ́ (думиндём): “Мэ зарэсава упрэ́ пэ пальма, мэ ухтылавапэ пал ла́кирэ рандя́” мэк тэ явэ́н тырэ́ колына сыр винаградоскирэ рандёрья, и мэк тэ явэ́л лачхи́ сунг тырэ́ накхэстыр сыр пхабэндыр,

⁹[10] и тырэ́ ушта́ исын сыр най фэдэды́р мол, сави́ тхадэ́ла ровнэс мирэ́ пирамнэскэ (камлэскэ), И доджа́ла поволинькэс (ле́нтэс) кэ сутэ́-манушэ́нгирэ ушта́.

¹⁰[11] Мэ сом мирэ́ пиранэ́скири, и дова́, со лэ́скэ трэй, рисёла кэ мэ.

¹¹[12] — Яв, миро пирамно́, явэ́н, джа́са пэ́скэ пир фэ́лда; явэ́н, дживаса на́бут (куты́) дрэ гава́.

¹²[13] Амэ ранкоса (злокоса) джа́са дрэ виноградытко у́нта, дыкха́са ци розмэкцяпэ винаграды́тко хру́стыцо, ци откэрдэпэ букорэ́ (почки), ци лынэ́ тэ лулудён гранатытка пхабэлыня; одо́й мэ сыкава́ва миро ило́ ту́кэ.

¹³[14] Мандрагорытка пхаба́ кхандэна дэна сунг (пахнисона) адя́кэ гудлэс и пашы́л амарэ́ вудара́ исын ада́кицы бут барьякирдэ́ (пло́ды): далэ́ бэршы́тка и долэ́-бэршэнгирэ пхаба́, савэ́ мэ приракхцём ваш ту́кэ, ми́ро пира́но (камло).