Read Baltic Romani Bible 2019 – Библия - Пэ Балтитко Романи чиб (Романэс) 2019 Роибэн 5 Bible Online

Роибэн 5 - Baltic Romani Bible 2019 – Библия - Пэ Балтитко Романи чиб (Романэс) 2019 bible

Роибэн 5

¹Ри́пир, Раё Дэ́вла, со явдя́ пэ амэ́ндэ: обдумин и дыкх амари́ бипатыв!

²Амаро́ миштыпэ́н гия́ ригаса чужонэ́ манушэ́нгэ, а амарэ́ кхэра́ явирэ-тхэмэскирэнгэ.

³Амэ яця́м сироты, бидадэскирэ, амарэ́ дая́ ячнэ́ сы́рбы пивля (удовы).

⁴Амэ пьяса амаро́ пани́ пал ловэ́, амэ плэскираса ловэ́ пал амарэ́ кашта́ ловэ́.

⁵Вэ́рги традэнапэ пал амэ́ндэ пир пенты [дрэ мэн-р.с.], амэ кэра́са буты́ пхарэ́с, и амэ́ндэ нанэ откхиныбэн.

⁶Амэ тырдаса васта́ кэ Египтя́ни, и Асирийцы, соб (кай) тэ хан маро́ чалэ́с.

⁷Амарэ́ дада́ кэрдэ́ грэ́хи, нэ лэн нанэ буты́р, нэ пэ амэ́ндэ рикирэ́лапэ банг пал лэ́нгиро чорипэ́н.

⁸Дына́рья хулаинэна пэ амэ́ндэ, и ние́кх нанэ тэ выракхэл амэн лэ́нгирэ вастэ́стыр.

⁹Амэ дорэсаса амаро́ маро́, ко́ли амэ лыджа́са шэро́ пэ риско, пал-дова́ со исын бут прахарья.

¹⁰Амари́ цы́па калыя сы́рбы бов барэ́ бокха́тыр, со хачкирэ́ла.

¹¹Вэ́рги лэ́на пэ зор Сионоскирэ джувле́н, а патывалэ́ тэрнэ́ джувле́н дрэ Юдэя́кирэ фо́рья.

¹²Тхагарьен ублавэна пал васта́, и годэпхурэнгэ на кэрэ́на паты́в.

¹³Ёнэ чхудэ́ тырнэ манушэ́н тэ мелинэн гив пэ сяв/ пхурт; тэрнэ́-бэршэнгирэ пэрэ́на каштэндыр, со ёнэ лыджа́на дрэ ангаля.

¹⁴Годэпхурэ́ пириячнэ тэ кэдэнпэ пашы́л форо́скири по́рта, а тырнэ мануша́ на башавэна буты́р.

¹⁵Амаро́ ило́ пирияця́ тэ радынэ́лпэ, амаро́ кхэлыбэн пирикэрдяпэ дрэ зоралы́ ту́га.

¹⁶Крали́тко стадык пыя́ амарэ́ шэрэстыр. Бида амэ́ндэ! Палсо́ амэ кэрдя́м грэ́хи!

¹⁷Палдава́ амаро́ ило́ нашавэла зор, амарэ́ якха́ лынэ́ наяснэс тэ дыкхэ́н,

¹⁸пал-дова́ со Бэ́рга Сио́но яця́ чхучи́, и шакалы псирэ́на пир ла́тэ.

¹⁹Нэ, Ту, Раё Дэ́вла, ячэсапэ ве́чнэс, и Тыро́ троно раинэл пэ сарэ́ ро́ды.

²⁰Со́скэ Ту сарэ́са бистрэса амэн? Со́скэ Ту ячавэса амэн пэ дасаво баро́ часо (цы́ро)?

²¹Ри́скир амэн кэ Пэ, о Раё Дэ́вла, и амэ рисёваса кэ Ту! Нэвякир амарэ́ дывэса́, сыр сыс ґарэдыр.

²²Нау́што Ту сарэ́са отчхурдыян пэ риг амэн, ци со Ту адя́кэ зоралэ́с холясыян пэ амэ́ндэ!