Read Baltic Romani Bible 2019 – Библия - Пэ Балтитко Романи чиб (Романэс) 2019 Римлянэнгэ 12 Bible Online

Римлянэнгэ 12 - Baltic Romani Bible 2019 – Библия - Пэ Балтитко Романи чиб (Романэс) 2019 bible

Римлянэнгэ 12

¹Палдава́, пшала́лэ, мэ манга́ва тумэн Дэвлэ́скирэ тангипнаса, тэ отдэ́н пэс сарэ́са сыр свэ́нто джидо́ отдыибэ́н и саво́ трэй Дэвлэ́скэ ваш тумаро́ годьваро́ дынарибэ́н (служэние) Лэ́скэ годя́са и илэ́са.

²На дживэ́н адя́кэ, сыр адалэ́-векоскирэ мануша́ дживэ́на, нэ парувэн пэс, нэвякирэн тумари́ годы́, соб (кай) тумэ́нгэ тэ джинэ́н, со Дэвлэ́скири во́ля исын лачхи́, бидошэнгири и чачуны́.

³Палдава́ мэ ракира́ва кажнонэ́скэ тумэ́ндыр: на думинэн пал пэ́стэ бутэды́р, сыр трэй тэ думинэс; нэ думинэн годьварэс пир тумаро́ патяибэ́н, саво́ Дэвэ́л дыя́ кажнонэ́скэ тумэ́ндыр.

⁴Палдава́, сыр манушэ́стэ исын екх маса́ и бут паша́ дрэ лэ́стэ, нэ на сарэ́ паша́, со кэ екх, кэрэ́на дова́-паць;

⁵адя́кэ-паць и амэ сарэ́ кхэтанэ́ сам сы́рбы екх маса́ дрэ Христосо́стэ, а ко́ли амэ на сам кхэтанэ́, тэды амэ сам паша́ екх екхэ́скэ.

⁶Нэ палдова́, сыр амэ́ндэ исын ра́зна таланы пир бахталыпэ́н, саво́ исын дыно́ амэ́нгэ, тэды ява́са тэ дынарина́с Дэвлэ́скэ лэ́нца, конэ́скэ исын дыно́ тала́но: тэ явэ́л проро́ко, мэк тэ ракирэ́л пир патяибэ́н, саво́ исын лэ́стэ:

⁷ко́ли вари-конэ́скэ дыно́ тэ помогинэл явирэ́нгэ, мэк одова́ ману́ш тэ помогинэл; ци, ко́ли вари-конэ́скэ дыно́ тэ явэ́л сыклякирибна́скиро, мэк одова́ ману́ш тэ сыклякирэ́л.

⁸Ци, ко́ли вари-конэ́скэ дыно́ тэ подрикирэ́л манушэ́н, мэк одова́ ману́ш тэ подрикирэ́л; ко́ли вари-конэ́скэ дыно́ тэ роздэл чорорэнгэ, мэк одова́ ману́ш тэ на тангинэ́л, мэк тэ дэл сарэ́ илэ́стыр; ци ко́ли вари-конэ́скэ дыно́ тэ явэ́л ра́са, мэк одова́ ману́ш тэ кэрэ́л миштэ́с пэ́скири буты́. Ко́ли вари-конэ́скэ дыно́ тэ дыкхэ́л пал явирэндэ, мэк одова́ ману́ш тэ кэрэ́л дава́ радыма́са.

⁹Мэк тэ явэ́л чачуны́ тумари́ пшалы́тко паты́в; рисён криг фуипнастыр и кэрэ́н лачхипэ́н:

¹⁰сыкавэ́н паты́в екх екхэ́скэ пшалытконэ патыва́са и тангинэн екх екхэ́с: кутякирэн (важынэн) екх екхэ́с;

¹¹на явэ́н кирнэ́-масэ́нгирэ, хачон духо́са, ке́ли тумэ́ дынаринэна Дэвлэ́скэ.

¹²Радынэ́нпэ дро тумари́ наде́я: явэ́н зоралэ́ (тварда) дро пиридживипэн; ўса́ды (сак) мангэ́нпэ Дэвлэ́скэ;

¹³помогинэн (подэн васт) Дэвлытконэ́ манушэ́нгэ, ке́ли лэ́ндэ исын трэ́бима, дыкхэ́н илэ́са пал одолэ́ манушэ́ндэ, савэ́ явэ́на кэ тумэ́.

¹⁴Бахтякирэн одолэ́ манушэ́н, савэ́ традэ́на тумэн; бахтякирэн, а на кошэн.

¹⁵Радынэ́нпэ кхэтанэ́ одолэ́ манушэ́нца, савэ́ радынэ́напэ, и ровэ́н кхэтанэ́ одолэ́ манушэ́нца, савэ́ ровэна.

¹⁶Дживэ́н сыр мала́ (дру́ги) машки́р пэ́стэ; на пхутён, а явэ́н кандунэ; на думинэн пал пэ́стэ, со тумэ́ сан древа́н годьварэ́:

¹⁷на кэрэ́н чорипэ́н палэ пал холы́ никонэ́скэ, кэрэ́н лачхипэ́н сарэ́ манушэ́нгэ;

¹⁸ко́ли дава́ сашты́ тумарэ́ рига́тыр, дживэ́н дро рама́нё (миро) сарэ́ манушэ́нца.

¹⁹Мирэ́ мала́, на кэрэ́н нисаво́ чорипэ́н никонэ́скэ пал пэ́стэ, пша́ла мирэ́, фэды́р ячкирэн штэ́то ваш Дэвлэ́скири холы́; пал-дова́ со, сыр исын чхиндло́: “Ячкирэн дава́ Ма́нгэ, Мэ кэра́ва”, — ракирэ́ла Рай Дэвэ́л.

²⁰И ко́ли тыро́ вэ́рго (врого) исын бокхало, чарав лэс; ко́ли ёв камэ́ла тэ пьел, дэ тэ пьел лэ́скэ; пал-дова́ со, ко́ли ту кэрэ́са адя́кэ, ту кэдэса лэ́скэ пэ шэро́ хачкирдэ́ вангара.

²¹На домэк, соб (кай) холы́ тэ лэл ло́фо (зор) пэ ту́тэ, нэ кокоро́ пиризорьякир холы́ лачхипна́са.