Read Baltic Romani Bible 2019 – Библия - Пэ Балтитко Романи чиб (Романэс) 2019 Ису́со 12 Bible Online

Ису́со 12 - Baltic Romani Bible 2019 – Библия - Пэ Балтитко Романи чиб (Романэс) 2019 bible

Ису́со 12

¹Акэ, исын кра́лья долэ́ пхувья́кирэ, савэ́н домардэ́ Израилёскирэ чхавэ́ и савэнгири пхув лынэ́ пэ́скэ пир доя́ Иорданоскири риг кэ кхамэскиро ўзгиибэн, Арноноскирэ сыгнонэ рэкицатыр (лэнорьятыр) кэ Ермоноскири бэ́рга и сари́ лошчы́на кэ васто́ко:

²О Сигоно, Амореенгиро кра́ли, саво́ дживдя́ кэ Есево́но, саво́ рикирдя пхув Ароеростыр, со исын пашы́л брэ́го Арноноскирэ рэкицатыр (лэнорьятыр), и кэ паш рэ́кица (лэнори́), пашы́л Галаа́до, кэ Явокоскири рэ́кица (лэнори́), кай сыс Амонитянэнгири риг,

³и кэ лошчы́на кэ Хинерефоскиро мо́рё (дэрья́в) кэ васто́ко и кэ морёскири лошчы́на, Лондо мо́рё (дэрья́в), кэ васто́ко пир дром кэ Беф-Ешымофо, а кэ паш-дывэ́с (юго) штэтэнца, савэ́ сыс паштэ́ тэла́л пашы́л Фасга;

⁴и Огоскири провинцыя, кон сыс Васаоскиро кра́ли, палатуно́ (последнё) Рефаимэндыр, саво́ дживдя́ кэ Астарофо и дрэ Едрея,

⁵саво́ рикирдя бэ́рга Ермоно, и Салха, и саро́ Васа́но, кэ Гесуроскиро и Маахоскиро-межакири риг, и паш Галаа́до, кэ Сигоноскири риг, Есевонсконэ-крали́скири.

⁶О Мо́йза, Ра́скирэ-Дэвлэ́скиро писха́ри, и Израилёскирэ чхавэ́ домардэ́ лэн; и дыя́ ла Мо́йза, Ра́скирэ-Дэвлэ́скиро писха́ри, дрэ мэкно́ миштыпэ́н (наследиё) Рувимо́скирэ и Гадо́скирэ родыцо́скэ и паш Манасия́скирэ родыцо́скэ.

⁷И, ґа́да, исын кра́лья Аморее́нгирэ пхувья́кирэ, савэ́н домардя́ Ису́со и Израилёскирэ чхавэ́ пир дая́ Иорданоскири риг кэ западо, Ваал-Гадостыр пэ Ливаноскиро долоскэ Халака, бэ́рга, сави́ тырдэлапэ кэ Сеиро, сави́ отдыя́ Ису́со Израилёскирэ родыцэнгэ дро мэкно́ миштыпэ́н (наследиё), пир лэ́нгиро роскэрибэн,

⁸пэ бэ́рга, пэ тэлатунэ́ штэ́ты пэ лошчы́на, пэ штэ́ты, савэ́ исын пашы́л бэ́рги, и пэ чхучи́ пхув, и пэ паш-дывэ́с (юго), Хетеен, Амореен, Хананеен, Ферезеен, Евеен и Евусеен:

⁹екх кра́ли Ерихоноскиро, екх Гаёскиро, со исын пашы́л Вефи́лё,

¹⁰екх кра́ли Ерусалимоскиро, екх кра́ли Хевроноскиро,

¹¹екх кра́ли Ярмуфаскиро, екх кра́ли Лахисоскиро,

¹²екх кра́ли Еглоноскиро, екх кра́ли Гезероскиро,

¹³екх кра́ли Давироскиро, екх кра́ли Гадероскиро,

¹⁴екх кра́ли Хормакиро, екх кра́ли Арадоскиро,

¹⁵екх кра́ли Ливнакиро, екх кра́ли Одоламоскиро,

¹⁶екх кра́ли Македоскиро, екх кра́ли Вефилёскиро,

¹⁷екх кра́ли Тапуахоскиро, екх кра́ли Хефероскиро,

¹⁸екх кра́ли Афекоскиро, екх кра́ли Шароноскиро,

¹⁹екх кра́ли Мадоноскиро, екх кра́ли Асороскиро,

²⁰екх кра́ли Шимроно-Мероноскиро, екх кра́ли Ахсафоскиро,

²¹екх кра́ли Фаанахоскиро, екх кра́ли Мегидоноскиро,

²²екх кра́ли Кедесоскиро, екх кра́ли Иокнеамоскиро пашы́л Кармило,

²³екх кра́ли Дороскиро пашы́л Нафаф-Доро, екх кра́ли Гоимоскиро дро Галга́ло,

²⁴екх кра́ли Фирцакиро: сарэ́н кралье́н сыс трия́нда екх (савэ́н пиризорьякирдэ Израилёскирэ чхавэ́).