Read Baltic Romani Bible 2019 – Библия - Пэ Балтитко Романи чиб (Романэс) 2019 Юдэ́нгэ 5 Bible Online

Юдэ́нгэ 5 - Baltic Romani Bible 2019 – Библия - Пэ Балтитко Романи чиб (Романэс) 2019 bible

Юдэ́нгэ 5

¹Пал-дова́ со кажно англатуно́ раша́й лэ́лапэ манушэ́ндыр и чхувэ́лапэ ваш манушэ́нгэ, соб (кай) тэ дынаринэ́л Дэвлэ́скэ: тэ янэл свэ́нто дыибэ́н и да́ры пэ алта́рё ваш грэхэнгиро отмэкибэн;

²а пал-дова́, со адасаво́ раша́й кокоро́ нанэ зорало́ пир саро́, Ёв могинэ́ла тэ сыкавэ́л ковлыпэн кэ мануша́, савэ́ на джинэ́на и одолэ́, савэ́ змардэпэ чачунэ́ дромэ́стыр,

³и пал лэ́скиро бизорьякирибэн лэ́скэ трэй тэ янэл свэ́нта дыибэна́, сыр пал пэ́скирэ, адя́кэ-паць и пал манушэ́нгирэ грэ́хи.

⁴И ние́кх на могинэ́ла (на дэла ра́да) тэ лэл паты́в тэ кэрэ́л дая́ буты́ ваш Дэвлэ́скэ кокоро́ пэ́стыр, а кодова́, конэ́с Дэвэ́л чхудя́, адя́кэ-паць, сыр и Аронос (Аароно́с).

⁵Адя́кэ-паць и Христо́со на Кокоро́ Пэ́скэ дыя́ дая́ сла́ва тэ ячэ́л Англатунэ́ Раша́са, нэ дава́ кэрдя́ Дэвэ́л, Кон пхэндя́ Лэ́скэ: “Ту сан Миро Чхаво́, Мэ яцём ададывэ́с Тырэ́ Дадэ́са (Тыро́ Дад).”

⁶Ёв адя́кэ-паць ракирэ́ла дро яви́р штэ́то: “Ту явэ́са Раша́й пэ сарэ́ ве́ки, адасаво́-паць пир рашаипэн, сыр Мелхисэдэко сыс.”

⁷Ке́ли Христо́со дживдя́ пэ пхув, Ёв барэ́ годла́са и ясвэ́нца мангдя́ и мангдя́пэ Дэвлэ́скэ, Кон могиндя́ тэ зракхэ́л Лэс мэрибна́стыр. Дэвэ́л шундя́ Лэс пал Лэ́скири дар анги́л Лэ́стэ;

⁸мэк Ёв сыс Дэвлэ́скиро Чхаво́, Ёв высыклыя тэ кандэл пир Пэ́скирэ мэ́ньки;

⁹и ке́ли Христо́со кэрдя́ кэ ко́нцо / яго́ро (сполниндя) дава́ саро́, Ёв яця́ и тэ зракхэ́л манушэ́н пэ сарэ́ ве́ки, савэ́ кандэ́на Лэс,

¹⁰и Дэвэ́л приґалыя Лэс Англатунэ́ Раша́са адасавэса-паць, сыр сыс прилыно пир рашаипэн Мелхисэдэко.

¹¹Амэ́нгэ трэй тэ ракирас бут пал дава́, нэ дава́ исын пхаро́ тэ пирипхэнас тумэ́нгэ, пал-дова́ со тумэ́ ґалёна пово́линькэс (насыгэс).

¹²Пал-дова́ со тумэ́нгэ пал дава́ часо трэиндя́ кокорэнгэ тэ сыклякирэ́н манушэ́н; нэ тумэн нэвэ́стыр трэй тэ сыклякирас пал англатунэ́ чачипэна́ пал Дэвлэ́скиро лав, и тумэ́нгэ ишчо (инкэ́) трэй тхуд тэ пьен, а тэ на хас чачуно́ хабэ́н, пал-дова́ со тумэ́ сан сы́рбы чхаворэ́.

¹³Кажно, кон дживэ́ла пэ тхуд, на ґалёла сыклякирибэ́н пал чачуно́ лав, пал-дова́ со кадасаво́ ману́ш исын сы́рбы бия́то (чхаворо́),

¹⁴нэ стала мануша́ могинэ́на тэ хан чачуно́ хабэ́н, пал-дова́ со ёнэ высыклынэ джиибнастыр и пир годы́ тэ пхэнэ́н рознь, кай исын лачхипэ́н и кай исын фуипэ́н.