Read Biblija - Pe Baltitko Romani čib (Romanes) 2019 Baltic Romani Bible Džiibén 36 Bible Online

Džiibén 36 - Biblija - Pe Baltitko Romani čib (Romanes) 2019 Baltic Romani Bible bible

Džiibén 36

¹Ĥáda, isyn Isavoskiro ródo, jov khardiape Edómo.

²Isávo lyjá péske romnién Xanaanoskire čhajéndyr: Ada Oliviema, Jelonoskire-Xietejaninoskire čha, i Oliviema, Anakirja čha, Cyvieonoskire-Jevejaninoskire čhavéskire,

³i Vasiemafa, Izmailoskirja čha, Navaiofoskirja pheniá.

⁴Ada bijandiá Isavoske Jelifazos, Vasiemafa bijandiá Raguilos,

⁵E Oliviéma bijandiá Jeusos, Jeglomos i Koriejos. Adalé sys Isavóskire čhavé, savé bijándyne pe Xanaanóskiri phuv.

⁶I lyjá Isávo peskiren romnién, čhavén i čhajén, i péskire kheréskire sarén manušén, i saré péskire stády (kheritkoné murdalén), i saró skoto, i saró péskiro mištypén, savó jov doresciá pe Xanaanóskiri phuv, i gijá pe javír phuv, péskire pšalestyr Jakovostyr,

⁷pal-dová so léngiro barvalypén sys dasavo baró, so jone na mogindlé te dživén khetané, i phuv, pir saví jone lodyne, sys čúžo, i na uhtylelas (na sys dósi) lénge, pir baré léngire stády.

⁸I jaciá te dživél Isávo pe bérga Sieiro, Isávo, jov adiáke-pac' khardiape Edómo (Jedomo).

⁹I, ĥáda, Isavoskiro ródo, Idumiejengire-dadéskiro, pe bérga Sieiro.

¹⁰Ĥáda, sys Isavóskire-čhavéngire lavá: Jelifazo, Adakiro čhavó, Isavóskire romniakire, i Raguilo, Vasiemafakiro čhavó, Isavóskire-romniakire.

¹¹Jelifazoste sys čhavé: Fiemano, Omaro, Cefo, Gafamo i Kienazo.

¹²Famná sys Jelifazoskiri bi-sovlakiri džuvlý, Isavóskire-čhaveskiri, i bijandiá Jelifazoske Amalikos. Ĥáda, sys čhavé Adakire, Isavóskire-romniakire.

¹³I, ĥáda, sys Raguiloskire čhavé: Nahafo i Zieraho, Šamma i Miza. Adalé sys Vasiemafakire čhavé, Isavóskire-romniakire.

¹⁴I adalé sys čhavé Oliviemakire, Anakire-čhakire, Cyvieonoskire čhakire, Isavóskire-romniakire: joj bijandiá Isavoske Jeusos, Jeglomas i Koriejos.

¹⁵Ĥáda, sys barydyrá Isavóskire čhavéndyr, Jelifazoskire čhavé, Isavóskire anglatuneskire: barydyró Fiemano, barydyró Omaro, barydyró Cefo, barydyró Kienazo,

¹⁶barydyró Koriéjo, barydyró Gafamo, barydyró Amaliko. Adalé sys Jelifazoskire barydyrá pe Edomoskiri phuv; adalé sys Adakire čhavé.

¹⁷Adalé sys Raguiloskire čhavé, Isavóskire-čhavéskire: barydyró Nahajo, barydyró Zieraho, barydyró Šamma, barydyró Miza. Adalé sys barydyrá Raguiloskire pe Edomoskiri phuv; adalé sys Vasiemafakire čhavé, Isavóskire romniakire.

¹⁸Adalé sys Oliviemakire čhavé, Isavóskire romniakire: barydyró Iieuso, barydyró Iieglomo (Jeglomo), barydyró Koriéjo. Adalé sys Oliviemakire barydyrá, Anakire čhakire, Isavóskire romniakire.

¹⁹Ĥáda, sys Isavóskire čhavé, i, ĥáda, léngire barydyrá. Davá-pac' isyn, so isyn Edomostyr.

²⁰Adalé sys Sieirakire-Xorejaninoskire čhavé, savé dživdé pe daja phuv: Lotano, Šovalo, Cyvieono, Ana,

²¹Dišono, Ecero i Dišano. Adalé sys barydyrá Xoriejéndyr, Sieiroskire čhavéndyr, pe Edomoskiri phuv.

²²Lotanoskire čhavé sys: Xori i Giemano; a phen Lotanoste sys: Famna.

²³Adalé sys Šovaloskire čhavé: Alvano, Manahafo, Evalo, Šefo i Onamo.

²⁴Adalé sys Cyvieonoskire čhavé: Aiá i Aná. Davá sys odová Ana, savó lathiá tato paní pe čhučí phuv, kiéli rakhciá péskire dadéskire Cyvieonoskire oslen.

²⁵Adalé sys Anaskire čhavé: Dišono i Oliviema, Anaskiri čhaj.

²⁶Adalé sys Dišonoskire čhavé: Xiemdano, Ešbano, Ifrano i Xierano.

²⁷Adalé sys Eceroskire čhavé: Bilgano, Zaavano i Akano.

²⁸Adalé sys Dišanoskire čhavé: Uco i Arano.

²⁹Adalé sys barydyrá Xoriejendyr: barydyró Lotano, barydyró Šovalo, barydyró Cyvieono, barydyró Ana.

³⁰Barydyró Dišono, barydyró Ecero, barydyró Dišano. Ĥáda, sys barydyrá Xoriejéngire, pir léngiri barydyršyma pe Sieiroskiri phuv.

³¹Ĥáda, akaná králja, savé sys pe Edomoskiri phuv, angledýr, syr sys králja te xulainen pe Izrailjoskire čhavénde:

³²sys kralísa dro Edómo o Bela, Vieoroskiro čhavó, a lav dolé foroske sys Dingava.

³³I myjá Bela, i jaciá paló léste kralísa Iovavo, Zerahoskiro čhavó, Vosoratyr.

³⁴I myjá Iovavo, i jaciá paló léste kralísa Xušamo, Fiemanitijakire phuvjátyr.

³⁵I myjá Xušamo, i jaciá paló léste kralísa Gadado, Biedadoskiro čhavó, savó pyjá meribnasa pe Madianitianende pe Moavoskiri félda, léskire-foróskiro lav sys Avifo.

³⁶I myjá Gadado, i jaciá paló léste kralísa Samlá Masriekijatyr.

³⁷I myjá Samla, i jaciá paló léste kralísa Sáulo Riehovofostyr, so sys pašýl reka (len').

³⁸I myjá Sáulo, i jaciá paló léste kralísa Baal-Xanano, Ahboroskiro čhavó.

³⁹I myjá Baal-Xanano, Ahboroskiro čhavó, i jaciá paló léste kralísa Gadaro; léskire foróskiro lav sys Pau; léskire-romniakiro lav sys Miegietaviejel' [Mietabiel'-ju.o.], Matriedakiri čhaj, Miezagavoskire-čhaveskiri.

⁴⁰Adalé sys lavá Isavóskire barydyrengire, pir léngire kherítka ródy (pliémi), pir léngire štéty, pir léngire lavá: barydyró Fimná, barydyró Alvá, barydyró Jetiefiejo,

⁴¹barydyró Olimiefá, barydyró Elá, barydyró Pinono,

⁴²barydyró Kienazo, barydyró Fiemano, barydyró Mivcaro,

⁴³barydyró Magdiilo, barydyró Iramo. Ĥáda, sys Idumiejengire (Edomoskire) barydyrá, pir léngire štéty, pe léngiri phuv, pe saví jone dživdé. Ĥáda, isyn Isávo, savó sys Idumiejengiro dad.