Read Biblija - Pe Baltitko Romani čib (Romanes) 2019 Baltic Romani Bible 1 Paralipomienono 23 Bible Online

1 Paralipomienono 23 - Biblija - Pe Baltitko Romani čib (Romanes) 2019 Baltic Romani Bible bible

1 Paralipomienono 23

¹Davído phurija i čalyja džiibnastyr, i čhudiá pe Izrailjo čhavés péskires Solomonos.

²I skedyjá sarén Izrailjoskire thagar'jen, i rašán, i Lievitén;

³i pirigindle sys Lievíty trijánda beršéndyr i butýr: i sys čyslo (gin) léngiro, giny pir šeré, trijandaohto tysjoncy manušá.

⁴Léndyr čhudé vaš réndo dro Devléskiro Kher biš te štar tysjoncy, lylá-čhinybnaskiren i sendar'jén šov tysjoncy.

⁵I štar tysjoncy rakhibnar'jén pe pórta (vráty), i štar tysjoncy manušén, savé slavindle Ras Devlés pe bagaibnytka strumiénty, savé jov kerdiá te slavinén (te barjakirén).

⁶I roskerdiá len Davído pir riady (pir stečki/očeriedi) pir čhavénde Lievijoskirende-Girsonoskire, Kaafoskire i Mierariske.

⁷Girsonianendyr — Laedano i Šymiejo.

⁸Čhavé Laedanoskire: anglatunó Iiehiilo, Ziefamo i Ioiljo, trin.

⁹Čhavé Šymiejoskire: Šelomifo, Xaziilo i Garano, trin. Jone sys Laedanoskire-strečakire šeralé.

¹⁰Iščo (inké) čhavé Šymiejoskire: Jahafo (Iahafo), Ziza, Iieušo i Bierija. Dalé sys čhavé Šymiejoskire, štardžine.

¹¹Iahafo sys anglatunó, Ziza javír; Iieušoste i Bierijaste sys nábut čhavé, i paldavá jone sys dro jekh ginybén pašýl kher dadéskiro.

¹²Čhavé Kaafoskire: Amramo, Icgaro, Xievróno i Oziilo, štardžine.

¹³Čhavé Amramoskire: Aaróno i Mójza. Aaróno otdynó sys pe svencynyben ke Svénto-sventonengiro, jov i léskire čhavé, pe viéko, sob (kaj) te thuvliakiren (te kerén kurinyben) angíl Ráskire-Devléskiro muj, sob (kaj) te dynarinén (te služynen) Léske i te bahtiakiren Léskire lavésa pe viéko.

¹⁴A Mójza, manúš Devléskiro, i čhavé léskire sys pričhude ke ródyco Lievijoskiro.

¹⁵Čhavé Mojzáskire sys: Girsono i Jeliezero.

¹⁶Čhavé Girsonoskire sys: anglatunó sys Ševuilo.

¹⁷Čhavé Jelijezeroskire sys: anglatunó Riefavija. I na sys Jelijezeroste javír čhavé; Riehavijaste sys drieván but čhavé.

¹⁸Čhavé Icgaroskire sys: anglatunó Šelomifo.

¹⁹Čhavé Xievronoskire sys: anglatunó Iierija i javír Amarija, tríto Jahaziilo i štárto Jekamamo.

²⁰Čhavé Oziiloskire sys: anglatunó Miha i javír Išyja.

²¹Čhavé Mierariskire sys: Mahli, i Mušy. Čhavé Mahliskire sys: Jelizáro i Kiso.

²²I myjá Jelizáro, i na sys léste čhavé, a jekh čhaja: i lyné len pal péste čhavé Kisoskire, pšála léngire.

²³Čhavé Mušyjoskire sys: Mahli, Jedero i Iriemofo-trindžine.

²⁴Ĥáda, sys čhavé Lievijoskire, pir léngire dadengíre kherá, šeritka pe čékarja (siemieistvy), pir léngire-laveskiro ginybén pir šeré, savé kerdé dynaribnytka (služybnytka) butiá dro Ráskire-Devléskiro Kher, bišé beršéndyr i butýr.

²⁵Pal-dová so Davído phendiá: “Raj Devél, Izrailjoskiro Devél, dyjá ramánjo Péskire manušénge i čhudiá te dživén len dro Jerusalimo pe viéko,

²⁶I Lieviténge na trej te lydžán skínija i kažna priedmiety (čysy) lákire te dynarinén dre láte.”

²⁷Pal-dová so pir palatunó (posliédnjo) rakiribén Davidóskiro sys pirigindle Lievíty bišé beršéndyr i butýr,

²⁸sob (kaj) jone te javén pašýl Aaronóskire čhavénde te dynarinén Ráskire-Devléskire Kheréske, pe gréda (dvóro) i dre pristrojki, vaš dykhibén pal žužypen (čystota), savó te javél pe svénto štéto i vaš keriben kažno butý pašýl Ráskire-Devléskiro Kher,

²⁹te pridykhen pal svénto maró, i parné-giveskiro jaržó vaš mareskiro janybén, i priesna mariklia, pal pekno, žarindlo, i pal kažno miéra i vieso,

³⁰i sob (kaj) te terdjon kažno zlóko (ránko) te parikirén i šarén Ras-Devlés, adiáke-pac' i bel'velié,

³¹i pašýl célo shačkiribén, savó janéna Ráske-Devléske dre sávaty (suboty), dre neve čhoná i pe svénki pir čysly (giná), syr čhindló pal lénde, — saró časo angíl Ráskire-Devléskiro muj,

³²i, sob (kaj) te rakhén skínija dosykaibnása (otkrovienijasa) i svénto štéto i čhavén Aaronoskiren, péskire pšalén, kiéli jone keréna svénto butý Ráskire-Devléskire Kheréske.