Read Biblija - Pe Baltitko Romani čib (Romanes) 2019 Baltic Romani Bible Jézdra 10 Bible Online

Jézdra 10 - Biblija - Pe Baltitko Romani čib (Romanes) 2019 Baltic Romani Bible bible

Jézdra 10

¹Akaná, syr o Jézdra mangelaspe Devléske, i syr Jov pridžinelas léngire gréhi, roví i peri šerésa angíl Kher (Khangirí) Devléskiro drieván but manušá skedynépe: muršá, džuvliá i bijaty Izrailjoskire, jone terdiné jekh pašýl jekhéste, jone adiáke-pac' rondlé kirkes.

²I o Šehanija, jekh čhavó Iiehiiloskiro, Jelamoskire čhavéndyr, otphenélas, i phendiá Jezdraske: “Ame kerdiám čoripén angíl amaré Devléste, i ame lyjam džuvlién péske Najudytkoné nacyiéndyr, savé sys čužoné-manušytkoné nacyiéndyr, ne akaná usajékh isyn nadiéia vaš Izrailjo dro davá réndo.”

³I akaná sčhuvasa Zaviéto amaré Devlésa, sob (kaj) te mekén krig saré džuvlién, i kodolén, kon bijándyja léndyr pir lav amaré Devléskiro i pir odolengire lavá, savé daréna amaré Devléskire priphenybnendyr, i mek te javél kerdó pir zakóno.

⁴Terdjov pe ĥerá! Pal-dová so kadavá réndo isyn dre tyré vastá: ame adiáke-pac' javása túsa. Rikirpe murškanés i ker davá.”

⁵Tén'ci terdijá pe ĥerá Jézdra i začhudia šeralen pe rašande, pe Lievitende, i pe saró Izrailjo te den sovláh, so jone keréna pir davá lav.

⁶I jone dyné sovláh. I terdijá pe ĥerá Jézdra angíl Kher (Khangirí) Devléskiro, i gijá dro kher Iohananoskiro, kon sys Jelijašyvoskiro čhavó. I kiéli jov sys odój, jov na xaja, i na pija, pal-dová so jov tugindia jasvénca pal odolengiri bang, savé sys dro pliéno.

⁷I phendlé jone daja zvies' (zan) zoralés angíl manušénde dre Judéia, i dro Jerusalimo sarénge, kon sys dro pliéno, sob (kaj) jone te kedenpe dro Jerusalimo,

⁸i so, kóli vari-kon na javéla pir trin dyvesá, to, sob (kaj) saró léskiro mištypén te javél konfiskovindlo pir lav thagar'jéndyr i phurydyrendyr, a khetanypen manušéngiro, kon sys dro pliéno, te čhuvél les javrí.

⁹I kedenape saré manušá Judejátyr i Vienjaminoskire phuvjátyr pal trin dyvesá. Davá sys dro jeniáto čhon, pe bišengiro dyvés dro dová čhon, i saré manušá sys bešté javrí pe foruný (plóšča) angíl Kher (Khangiri), Devléskiro, izdraindoj dalé bangipnastyr i baré bryšyndestyr.

¹⁰I Jézdra, o rašái, uštyjá i phendiá lénge: “Tumé kerdé napatiaibnytkes i tumé lyné péske džuvlién javire-theméskire nacyiéndyr, i dalésa tumé kerdé baredýr bang Izrailjoskiri.

¹¹I akaná pridžinenpe angíl Raste-Devléste tumaré-dadengíre, i kerén pir Léskiri vólia. Durjakiren pes javire-manušytkoné nacyiéndyr i javire-theméskire džuvliéndyr.”

¹²I otphendiá saró léngiro skedyibén zoralé zaniása: “Čačó! Ame som bangé te kerás, syr tu phendiam.

¹³Ne isyn adákicy but manušá; i, ĥáda, isyn časo (cýro) te del zoraló bryšýnd, i davá naštý te terdjon javrí. Apríč davá, davá réndo na kerélape pal jekh ci duj dyvesá, pal-dová so ame sam adákicy but manušá, savé kerdé čoripén pir davá réndo.

¹⁴Mek akaná amaré barydyrá te terdjon pal sarénde, i mek odolé saré, kon lyjá javire-theméskire džuvlién pir amaré fórja, te javén ke uphendló časo, i te javén lénca phurydyrá kažnoné foróstyr, i te javén adiáke-pac' sendárja pe adákicy but angíl dová, syr bari xolý amaré Devléskiri te risjol améndyr pal davá réndo.”

¹⁵Féni (tóka) o Ionafáno, čhavó Asailoskiro, i o Jahzeija, čhavó Fihvaskiro, terdiné proti davá, i o Miešulamo, i o Lievito Šamfajo [Šabietajo-ju.o.], podrikirde len.

¹⁶I odolé, kon javdiá plienóstyr, kerdé adiáke. I o Jézdra, rašái, khetané šeralenca pe stréčy /léngire-dadengíre ródy (pokolienii), savé sys vykedyné pir dadengíre ródy (stréčy), kažno sys khardo pir lav. Pe pérvo dyvés dro déšto čhon bešné jone te vyphučen jékh javirestyr pal davá réndo.

¹⁷I pe pérvo dyvés dro pérvo čhon jone končyndle te phučenpe manušéndyr, kon lyjá péskire džuvlién javire-manušytkoné nacyiéndyr.

¹⁸I lathné maškír rašángire čhavénde kodolén, savé lyné džuvlién Najudytkoné nacyiéndyr: Isusóskire (Johošuaskire) čhavéndyr, kon sys Iosiedekoskiro čhavó, i léskire pšaléndyr: Maasiéia, Jelijezero, Jarivo i Giedalija.

¹⁹I jone dyné vastá syr sovláh, so bičhavena krig léngire džuvlién, i so jone janéna bakrés stadatyr syr léngiro svénto dyibén pal čoré réndy.

²⁰I Imeroskire čhavéndyr: Xananijo i Zievadija;

²¹I Xarimoskire čhavéndyr: Maaseja, Jelija, Šemaija, Iiehiilo, i Uzija;

²²Pašhuroskire čhavéndyr: Jelioenajo, Maasiéia, Ismailo, Nafanailo, Iozavado i Elasa.

²³I Lievitendyr: Iozavado, Šymiéjo, Kielaija (jov adiáke-pac' sys Klita); Pafahiia, Juda, i Jelijezero.

²⁴I bagaibnaskirendyr: Jelijašyvo. I paš-vudarengire stregar'jéndyr: Šalumo, i Tieliémo, i Urijo.

²⁵I javír Izrailjoskirendyr: Parošoskire čhavéndyr: Ramaija, i Izija, i Malhiia, i Mijamino, i Jelizáro (Jelieazaro), i Malhiia, i Vienaija.

²⁶I Jelamoskire čhavéndyr: Matfanija, Zahárija, Iiehieljo, i Avdijo, i Jeriemofo, i Jelija.

²⁷I Zafuskire čhavéndyr: Jelioenajo, Jelijašyvo, Matfanija, i Iriemofo, i Zavado, i Aziza.

²⁸I Bievajoskire čhavéndyr: Iohonano, Xananija, Zabvajo, i Aflajo.

²⁹I Vanijoskire čhavéndyr: Miešulamo, Maluho, Adaja, Jašuvo, Šealo, i Iieramofo.

³⁰I Pahaf-Moavoskire čhavéndyr: Adna, Xielalo, Vienaija, Maasiéia, Matfanija, Viesielieilo, Binujo, i Manásija.

³¹I Xarimoskire čhavéndyr: Jelijezero, Išyja, Malhiia, Šemaija, Simieono (Siemjono),

³²Vieniamino, Maluho, Šemarija.

³³I Xašumoskire čhavéndyr: Mafnajo, Mafafa, Zavado, Jelifieliéto, Jeriemajo, Manásija, i Šymiéjo.

³⁴Vanijoskire čhavéndyr: Maadajo;

³⁵Bienaija, Bidja, Kielugi;

³⁶Vaneja, Mieriemofo, Jeliašyvo,

³⁷Matfanija, Mafnajo, Jasajo, —

³⁸Vanijo, Binujo, Šymiéjo;

³⁹Šelemija, Nafano, Adaija;

⁴⁰Mahnadbajo, Šašajo;

⁴¹Azarieljo, Šelemijagu, Šemarija;

⁴²Šalumo, Amarija, i Joza (Iosifo);

⁴³I Nievoskire čhavéndyr: Iieiljo, Matfija, Zavado, Zievina, Iajedajo, Ioeljo, i Bienaija.

⁴⁴Saré kadalé lyné péske džuvlién javire-theméskire nacyiéndyr, i sys maškír lénde džuvliá, savénde sys bijaty (čhavoré).