Read Biblija - Pe Baltitko Romani čib (Romanes) 2019 Baltic Romani Bible Nijemíia 10 Bible Online

Nijemíia 10 - Biblija - Pe Baltitko Romani čib (Romanes) 2019 Baltic Romani Bible bible

Nijemíia 10

¹Manušá, savé čhudé čergenorja (piečati), sys: Nijemíia-Tiršafa, Gahalijaskiro i Siedekijaskiro čhavó,

²Sieraija, Azárija, Jeriemiéjo,

³Pašhuro, Amarija, Malhiia,

⁴Hatušo, Ševanija, Maluho,

⁵Harimo, Mieriemofo, Ovadija,

⁶Danijéljo, Giniefono, Varuho,

⁷Miešulamo, Avijá, Mijamino,

⁸Mazija, Vilgajo, Šemaija: adalé sys rašaja.

⁹Lievíty: Isúso (Johošuá), Azanijaskiro čhavó, Binujo, Xienadadoskire čhavéndyr, Kadmiilo,

¹⁰i léngire pšála: Ševanija, Godija, Klita, Fielaija, Xanano,

¹¹Miha, Riehovo, Xašavija,

¹²Zakhuro, Šerievija, Ševanija,

¹³Godija, Vanijo, Vieninujo.

¹⁴Manušéngire šeralé: Parošo, Pahavor-Moávo, Elamo, Zafu, Vanija,

¹⁵Vunijo, Azgado, Bievajo,

¹⁶Adonija, Bigvajo, Adino,

¹⁷Atiero, Jezekíia, Azuro,

¹⁸Godija, Xašumo, Biecajo,

¹⁹Harifo, Anafofo, Nievajo,

²⁰Magpiašo, Miešulamo, Xieziro,

²¹Miešezaviedo, Sadoko, Jadujo,

²²Fielatija, Xanano, Ananija,

²³Osija, Xananija, Xašuvo,

²⁴Lohiešo, Pilha, Šovieko,

²⁵Riehumo, Xašavna, Maaseja,

²⁶Ahiia, Xanano, Anano,

²⁷Maluho, Xarimo, Vaana.

²⁸I javír manušá, rašaja, Lievíty, i manušá, savé rakhne pórta, bagaibnaskire Niefiniei, i saré manušá, savé otginé dre rig javire-theméskire manušéndyr ke Devléskiro Zakóno, léngire džuvliá, léngire čhavé i léngire čhaja, saré, savé mogindlé te ĥaljon,

²⁹jone prijačne ke péskire pšála, ke lačhé-rodoskirenge (patyvaledyrša) léndyr, i giné dro otphenybén sovlahasa i prokošybnasa — te kerén pir Devléskiro Zakóno, savó sys dynó Mojzasa Devléskire-pishariskire vastésa, i te zrakhen, i te spolninen amaré Ráskire-Devléskire, Devléskire saré zaphenybena, i Léskire priphenybená, i Léskire uphenybená,

³⁰i te na otdén peskiren čhajén manušénge javire themestyr, i léngire čhajén te na len pal péskire čhavénde;

³¹i kóli javéna manušá javire themestyr te janén tovary (arcíkuly) i saró vaš biknyben dro sávato (subóta), te na len léndyr dro sávato, i dro svénto dyvés, i pe eftáto berš te jačkiren vužlipena (dlugi), savé te na javén.

³²I čhudiam ame péske dro Zakóno te das péstyr pir trin šékieli dro berš vaš trébima vaš amaré-Devléskiro Kher:

³³vaš svénta maré, vaš kažno-dyvesýtko marunó janybén i vaš kažno-dyvesýtko célo shačkiribén, vaš sávaty, vaš nevočhon, vaš svénki, vaš svénta réndy i vaš svénta dyibená, sob (kaj) te žužakirenpe Izrailjoske grehostyr, i vaš saró, so kerélape dro amaré-Devléskiro Kher.

³⁴I čhurdyjam ame žriébijo, konéske te janén kaštá: rašaja, Lievíty i manušá, kiéli, i savéske amaré rodóske dre uphendló časo kažno berš, te janes len ke amareskire-Devléskiro Kher, sob (kaj) jone te xačon vaš amaré Ráske-Devléske svénto dyibén, syr isyn začhindló dro Zakóno.

³⁵I dyjam ame lav kažno berš te janas dro Ráskire-Devléskiro Kher pérva (anglatuné) barjakirdé (plódy) kažnoné drevostyr (kaštéstyr);

³⁶adiáke-pac' te janas dro amaré-Devléskiro Kher ke rašaja, ke manušá, savé dynarinena dre amaré-Devléskiro Kher, amaré anglatunen čhavén amaren čhavéndyr i amaré kheritkoné murdaléndyr (skotóstyr), syr isyn začhindló dro Zakóno, i anglatuné amaré baré i tykné murdaléndyr (skotóstyr).

³⁷I te janas anglatunó amaró maró, i svénto janybén amaró i barjakirdé (plódy) kažnoné vešéstyr mol (vino) i ksil ame javása te janas rašange vaš amaré Ráskire-Devléskiri piralý i dešengiri amaré phuvjátyr Lieviténge. Jone, Lievíty, javéna te len dešengiri dre saré fórja, kaj aménde isyn phuv.

³⁸Pašýl Lievitende, kiéli jone javéna te len dešengiri, javéla te javél rašái, Aronoskiro čhavó, sob (kaj) Lievíty te lydžán dešengiri péskire dešengirjatyr dro amaré-Devléskiro Kher, dre štúby, savé vykedyné vaš piralý;

³⁹pal-dová so dre dalé štúby syr Izrailjoskire čhavé, adiáke i Lievíty isyn bangé te janén svénto dyibén; maró, mol (vino) i ksil. Odój svénta khoré (sasúdy), i rašaja, savé dynarinena, i manušá, savé isyn terdé pašýl pórta, i bagaibnaskire. I ame na jačkirasa amaré-Devléskiro Kher.