Read Biblija - Pe Baltitko Romani čib (Romanes) 2019 Baltic Romani Bible Nijemíia 11 Bible Online

Nijemíia 11 - Biblija - Pe Baltitko Romani čib (Romanes) 2019 Baltic Romani Bible bible

Nijemíia 11

¹I dživdé barydyrá manušéngire ke Jerusalimo, i javír manušá narodóstyr i čhurdenas žriébijo, sob (kaj) jekh paš léndyr dešé pašendyr lengirendyr te džal te dživél ke svénta fóro Jerusalimo, a jeniá (bijekhéskiro deš) pašá léndyr te jačénpe te dživén dre javír fórja.

²I bahtiakirde manušá sarén javire manušén, savé doginé ke jekh godý kokoré péstyr te dživén ke Jerusalimo.

³Ake, isyn šeralé dre okruga, savé dživdé ke Jerusalimo, a dre fórja dre Judéia dživdé kažno dre péskiri fielatin, pir péskiro fóro: Izrail'tiáni, rašaja, Lievíty, i Niefiniei, i čhavé pishar'jengire Solomonoskirendyr.

⁴Ke Jerusalimo dživdé vari-savé čhavéndyr Judaskiren, vari-savé čhavéndyr Vieniaminostyr. Judáskire čhavéndyr: Afaija[3], Uzijaskiro čhavó, Zaharijaskiro čhavó, Amarijaskiro čhavó, Safatijaskiro čhavó, Malielieiloskiro čhavó, Fariesóskiro čhavó.

⁵I o Maaseja, čhavó Varuhoskiro, čhavó Kolhoziejoskiro, čhavó Xazaijaskiro, čhavó Adaijaskiro, čhavó, Jarivoskiro čhavó, Zaharijaskiro, čhavó Šelonijaskiro.

⁶Saré čhavén Fariesoskiren, savé dživdé ke Jerusalimo, sys štaršelá šovdešá ohtó, manušá sys murškané.

⁷I, ake, isyn čhavé Vieniaminóskire: o Salu, čhavó Miešulamoskiro, čhavó Ioiedoskiro, čhavó Fiedaijaskiro, čhavó Kolaijaskiro, čhavó Maasejaskiro, čhavó Ifiiloskiro, čhavó Isajoskiro,

⁸i pal lénde Gabajo, i Salajo — jeniašela biš te ohtó.

⁹Ioiljo, čhavó Zihriskiro sys barydyró pe lénde, a Juda, čhavó Sienuiaskiro, sys javír manúš pir fóro.

¹⁰Rašandyr: Jedaija, čhavó Joarivoskiro, Jahino,

¹¹Sieraija, čhavó Xielkijaskiro, čhavó Miešulamoskiro, čhavó Sadokoskiro, čhavó Mieraiofoskiro, čhavó Ahituvoskiro, savó sys barydyró pe Kher Devléskiro,

¹²i pšalén lengiren, savé kerdé svénto butý dro Kher Devléskiro, sys ohtošela biš te duj, i Adaija, čhavó Iierohamoskiro, čhavó Fielalijakiro, čhavó Amcyjoskiro, čhavó Zaharijaskiro, čhavó Pašhuroskiro, čhavó Malhiiaskiro,

¹³i léskire pšála, savé sys šeralé pe stréčy (pokolienii) — sys dujšelá štardešá duj, i Amašsajo, čhavó Azariiloskiro, čhavó Ahzajoskiro, čhavó Miešyliemofoskiro, čhavó Imieroskiro,

¹⁴I pšála léskire, manušá murškané — šel te biš te ohtó, i léngiro barydyró sys Zavdiilo, čhavó Gagiedolimoskiro.

¹⁵Adiáke-pac' Lievitendyr: o Šiemaja, čhavó Xašuvoskiro, čhavó Xašavijoskiro, čhavó Vunijaskiro,

¹⁶I Šavgajo, i Jozavado, savé sys barydyrá pe Lievitende, i savé lydžiné réndy svetosa dro Kher Devléskiro.

¹⁷I Matanija, čhavó Mihaskiro, čhavó Zavdijoskiro, čhavó Asafoskiro, sys lydžaibnaskiro (vieduščo) te parikirel Devléske dre pátieri (molítva): i Bakbukija, kon sys javír manúš pal léste, i Avda, čhavó Šamujoskiro, čhavó Galaloskiro, čhavó Jedutinoskiro;

¹⁸Saré Lievitén dro svénto fóro sys dujšelá te ohtodešá štar.

¹⁹I iščo (inké), rakhibnárja pe pórta, Akuvo, Talmono, i léngire pšála, savé rakhne pórta, sys šel te eftadešá duj.

²⁰I javír manušá Izrailjostyr, rašaja i Lievíty, sys pir saré fórja dre Judéia, kažno pe péskiro mištypén.

²¹A Niefiniei dživdé ke Ofieljo. I Cyha i Gišfa sys šeralé pe lénde.

²²I barydyró pe Lievitende dro Jerusalimo sys Uzijo, čhavó Vanejaskiro, čhavó Xašavijaskiro, čhavó Matanijaskiro, čhavó Mihaskiro, Asafoskire čhavéndyr, savé bagandle, syr dynarindlé jone dro Kher Devléskiro,

²³pal-dová so králi priphendiá, sob (kaj) te čaliakiren bagaibnaskiren kažno dyvés.

²⁴I Pietahiia, čhavó Miešazavadoskiro, jekh čhavó, čhavéndyr Zaraskirendyr, kon sys čhavó Judáskiro, sys kralískiro čačó vast pir saré réndy (diély) manušéngire.

²⁵A pal odolénde, savé dživdé dre gavá, péskire feldenca, čhavé Judáskire dživdé ke Kiríaf-Arba i dre léskire foricy, savé sys tel léskiri zor, i dro Divono, i dre foricy, savé sys tel léskiri zor, dro Iiekavceiljo, i dre léskire gavá;

²⁶dre Ješuia, dro Molado, dro Bief-Palieto,

²⁷dro Xacar-Šualo, dre Virsávija, i dre foricy; savé sys tel lákiri zor

²⁸dro Siekielazo, i dro Miehono, i dre foricy, savé sys tel léskiri zor,

²⁹dro En-Rimono, dre Cora, i dro Iarmufo,

³⁰dro Zanoaho, dro Adalamo, i dre léskire gavá, dro Lahiso, i pe féldy léskire, dro Azeka i dre lákire gavá. Jone dživdé Virsavijatyr ke/žýko dólo Enomoskiro.

³¹I čhavé Vieniaminóskire, kóli te les Gievatyr, dživdé ke Mihmaso, ke Gajo, ke Viefíljo, i dre léskire foricy, savé sys tel léskiri zor;

³²ke Anafofo, ke Nomva, ke Ananija;

³³ke Gacoro, ke Ráma, ke Gifaimo;

³⁴ke Xadido, ke Cevoimo, ke Nievolato,

³⁵ke Lodo, ke Ono, i pe dólo Xarašymoskiro.

³⁶I vari-savé Lievíty dživdé pe phuvjákire paša dielianki Judáskire i Vieniaminóskire.