Read Biblija - Pe Baltitko Romani čib (Romanes) 2019 Baltic Romani Bible Nijemíia 12 Bible Online

Nijemíia 12 - Biblija - Pe Baltitko Romani čib (Romanes) 2019 Baltic Romani Bible bible

Nijemíia 12

¹Ĥáda, isyn rašaja i Lievíty, savé javné Zorovavieljosa, Salafiloskire čhavésa i Isusósa (Johošuasa): Sieraija, Jeriemiéjo, Jézdra,

²Amarija, Maluho, Xatušo,

³Šehanija, Riehumo, Mieriemofo,

⁴Ido, Giniefojo, Avijá,

⁵Mijamino, Maadija, Vilga,

⁶Šemaija, Ioarifo (Jeiarivo), Iiedaja,

⁷Salu, Amoko, Xielkija, Jedaija. Ake, jone sys rašángire šeralé i léngire pšála dre Isusóskire (Johošuaskire) dyvesá.

⁸A Lievíty: Isúso (Johošuá), Binujo, Kadmiilo, Šerievija, Juda, Matfanija, šeraló te parikirén Devléske psalmenca, jov i léskire pšála,

⁹I Bakbukija i Unijo, léngire pšála, kon adiáke-pac', syr jone, rakhne pórta.

¹⁰Isusóstyr bijándyja Ioakimo, Ioakimostyr bijándyja Jeliašyvo, Jeliašyvostyr bijándyja Iouada,

¹¹Ioaidastyr bijándyja Ionafáno, Ionafanostyr bijándyja Iadujo.

¹²Dre Ioakimoskire dyvesá sys rašaja, rodoskire (strečakire) šeralé: Sieraijaskire kheréstyr Mierajoskire, i Jeriemiejoskire, kheréstyr Xananija,

¹³Jezdraskire kheréstyr Miešulamo, Amarijaskire kheréstyr Iohanano,

¹⁴Mielihoskire kheréstyr Ionafáno, Ševanijaskire kheréstyr Iosifo (Joza),

¹⁵Harimoskire kheréstyr Adna, Mieraiofoskire kheréstyr Xielkija,

¹⁶Idoskire kheréstyr Zahárija, Giniefonoskire kheréstyr Miešulamo,

¹⁷Avijoskire kheréstyr Zahárija, Miniaminoskire kheréstyr, Moadijoskire kheréstyr Piltajo,

¹⁸Vilgaskire kheréstyr Šamujo, Šemaijaskire kheréstyr Ionafáno,

¹⁹Ioiarivoskire kheréstyr Mafnajo, Jedaijaskire kheréstyr Uzijo,

²⁰Salajoskire kheréstyr Kalajo, Amokoskire kheréstyr Jeviero,

²¹Hielkijaskire kheréstyr Xašavija, Niedaijaskire kheréstyr Nafanailo.

²²Ake, isyn Lievíty, šeralé pe stréčy dre dyvesá Jeliašyvoskire, Ioiadaskire, Jehananoskire i Iadujoskire, savé zalydžine sys dre začhinyben, i adiáke-pac' rašaja, kiéli kralindia Darijo Piersijatyr.

²³Čhavé Lievijoskire, savé sys šeralé pe stréčy, sys začhindlé dre rodoskiri lylvarí ke dyvesé Iohananoskire, kon sys čhavó Jelišyvoskiro.

²⁴Šeralé Lieviténgire sys: Xašavija, Šerievija, i Isúso (Johošuá), čhavó Kadmiiloskiro, i pšála léngire, jone sys čhudé te bahtiakiren, kiéli parikirena, pir Davidóskiro uphenybén, kon sys manúš Devléskiro — jekh zmiena pal javír zmiena.

²⁵Matfanija, Bakbukija, Ovadija, Miešulamo, Talmono, Akuvo-stregarja, rakhibnárja pe progi ke pórta.

²⁶Jone dživdé dre dyvesá, kiéli sys Ioakimo, čhavó Isusóskiro, čhavó Josiedekoskiro, i dre dyvesá, kiéli barydyró pe okruga sys Nijemíia, i lylvarítko sys Jézdra, rašái.

²⁷Akaná, syr obsvencynena vánty Jerusalimóskire, to lénge treindiá te lathén Lievitén pir saré štéty, sob (kaj) te janén len dro Jerusalimo, sob (kaj) te svenkinen, kiéli obsvencynena i vaš rádymakiro svénko, parikiribnasa i bagaibnasa tel zan cymbalengiri, psaltiriengiri i arfakiri.

²⁸I skedynépe čhavé bagaibnaskire okrugatyr Jerusalimskonatyr i gavendyr Nietofafoskirendyr,

²⁹i Bief-Gagilgalostyr i feldendyr dre Gieva i Azmavieto; pal-dová bagaibnaskire čhudé péske gavá trusciál Jerusalimo.

³⁰I žužakirdé (očistindle) pes rašaja, i Lievíty, i žužakirdé javire manušén, i pórta, i vánta.

³¹Adiáke me lydžijom barydyrén Judejátyr pe vánta, i me čhudjom duj baré xory te džán parikiribnasa, i jekh xoro gijá pe čačí rig vantakiri ke/žýko Gnejoskiri pórta.

³²Pal lénde gijá Gašaija, i paš barydyrá pe Judéia;

³³Azárija, Jézdra i Miešulamo,

³⁴Juda, i Vieniamino, i Šemaija, i Jeriemiéjo;

³⁵i vari-savé čhavé rašángire rogénca (trubenca): Zahárija, čhavó Jonafanoskiro, čhavó Šemaijaskiro, čhavó Matfanijaskiro, čhavó Mihiejoskiro, čhavó Zakuroskiro, čhavó Asafoskiro;

³⁶i pšála léskire: Šemaija, Azariilo, Milalajo, Gilalajo, Maajo, Nafanailo, Juda, i Xananijo muzykal'none strumientenca Davidostyr, savó sys Devléskiro manúš, i lylvarítko Jézdra gijá angíl lénde.

³⁷Pašýl folaharoskiri (fontanoskiri) pórta angíl lénde, jone giné upré pir ĥerunia (stupien'ki) ke fóro Davidóskiro, pe stylba/uklani (liesvica), saví sys pe vánta pal kher Davidóskiro adiáke dur, syr ke Panieskiri pórta ke vastóko.

³⁸Javír xoro, savó parikirelas, gijá dre javír rig, i pal lénde me, i paš narodoskiri pir vánta Boveskire vučardiatyr (bašniatyr) i ke buĥly vánta.

³⁹I Jefriemóskire portatyr, pašýl phurany pórta, pašýl Mačhengiri pórta, i Xananieloskiri portatyr, Mejaskire portatyr, ke Bakrengiri pórta, i terdiné pašýl Štaribnaskiri pórta.

⁴⁰Tén'ci duj dalé xory parikiribnytka terdiné proti Kher Devléskiro, me i pašýl mánca paš barydyrén.

⁴¹I rašaja: Jeliakimo, Maaseja, Miniamino, Mihiejo, Jelioenajo, Zahárija, Xananija rogénca,

⁴²i adiáke-pac': Maaseja, i Šiemaija, i Jelizáro, i Uzijo, i Johanano, i Malhiia, i Jelamo, i Jeziero. I bagandle zoralés bagaibnaskire: léngiro barydyró sys Izrahiia.

⁴³I janénas dro dová dyvés baré dyibená, i radyndlepe, pal-dová so Devél dyjá lénge bari rádyma. Radyndlepe lošasa (radymása) i džuvliá, i bijaty, i rádyma (loš) Jerusalimóskiri sys šundly dur.

⁴⁴I dro dová-pac' dyvés sys čhudé manušá pir štúby dre piralý (kladovka) te janén svénta dyibená, sob (kaj) te skedén feldendyr trusciál fórja pašá, savé treindiá rašange i Lieviténge pir Zakóno vaš rašange i Lieviténge; pal-dová so Judeienge sys radypnytkes te dykhén pe rašande, i pe Lievitende, savé sys terdé.

⁴⁵Save kerdé svénto butý péskire Devléske, i savé žužakirdé manušén, i jone sys bagaibnaskire i rakhibnárja pe pórta pir uphenybén Davidóskiro i léskiro-čhavéskiro Solomóno.

⁴⁶Pal-dová so ĥará dre dyvesá Davidóskire i Asafoskire, sys čhudé šeralé pe bagaibnaskirende, i šaribnytka giliá i giliá Devléske, te barjakirén i te parikirén.

⁴⁷Dre dyvesá, kiéli dživdé Zorovavieljo i Niejemija, saré Izrail'tiáni dénas léngire xabnytka porcyi bagaibnaskirenge pe kažno dyvés, i jone otdenas obsvencyndle priedmiety (čýsy) Lieviténge, a Lievíty piridenas obsvencyndle priedmiety Aaronóske.