Read Biblija - Pe Baltitko Romani čib (Romanes) 2019 Baltic Romani Bible Nijemíia 3 Bible Online

Nijemíia 3 - Biblija - Pe Baltitko Romani čib (Romanes) 2019 Baltic Romani Bible bible

Nijemíia 3

¹I uštyjá o Jelijašyvo, baró rašái, i e pšála léskire, i rašaja, i kerdé Bakrengiri pórta: jone obsvenciakirde la i čhudé vudará léngire, i vučardiatyr (bašniatyr) Miea ke/žýko vučardý Xananela obsvenciakirde len.

²I pašýl léste kerénas kherá Iierihoncy (Jerihonytka), pašýl lénde kerélas kherá o Zakhuro, Imrijoskiro čhavó.

³Mačhengire pórty kerénas manušá, savé bijandle dre Sienaja: jone učhakirde len, i čhudé vudará léngire, o klydyna léngire, i šybiery (zasovy) léngire.

⁴Pašýl lénde kerélas riemónto pe vánta o Mieriemofo, Urijaskiro čhavó, Gakocoskiro čhavó; pašýl lénde kerélas riemónto o Miešulamo, Bieriehiiaskiro čhavó, Miešyzabieloskiro čhavó; pašýl lénde kerélas riemónto o Sadoko, Baanaskiro čhavó;

⁵pašýl lénde kerénas riemónto Fiekoitka; ne sama slavutna léndyr na band'kirde péskiri men, sob (kaj) te kerél butý vaš péskire Ráske-Devléske.

⁶Pe Phurané pórty kerdé riemónto o Ioida, Pasieahoskiro čhavó, i o Miešulamo, Biesodijaskiro čhavó: jone učhakirde len, i čhudé léngire vudará, i klydyna, i šybiery léngire.

⁷Pašýl lénde kerélas riemónto o Mielatija Gavaonitianino, i o Iodono Mieronofostyr, Gavaonytkenca, i Micfitkonenca, savé sys tel zor pe pale-rekitka barydyréske okrugi.

⁸Pašýl léste kerélas riemónto o Uzilo, Xargaijaskiro čhavó, rupunari (sieriebrianiko), i pašýl léste kerélas riemónto o Xananija, Garakahimoskiro čhavó. I šukár neviakirde Jerusalimo ke buĥly vánta.

⁹Pašýl lénde kerélas riemónto o Riefaija, Xuraskiro čhavó, o barydyró pe paš-okruga Jerusalimóskiri.

¹⁰Pašýl lénde i proti péskiro kher kerélas riemónto o Iiedaija, Xarumafoskiro čhavó, i pašýl léste kerélas riemónto o Xatušo, Xašavnijaskiro čhavó.

¹¹Pe vtoro štéto kerélas riemónto o Malhiia, Xarimoskiro čhavó, i o Xašuvo, Pahaf-Moavitko čhavó; jone-pac' kerénas riemónto pe Bovitko vučardý (bašnia).

¹²Pašýl lénde kerélas riemónto o Šalumo, Galohiešoskiro čhavó, barydyró pe paš-okruga Jerusalimóskiri, jov sys i léskire čhaja.

¹³Dolinakire portake kerélas riemónto o Xanuno, i e Zanoahoskire manušá: jone ĥazdyné len, i čhudé vudará léngire, i klydyna, i šybiery léngire, i iščo (inké) kerénas riemónto jone pe bar (tysjonco) kuniá vantakire ke pórta Gnejoskiri.

¹⁴Gnejoskire portake kerélas riemónto o Malhiia, Riehavoskiro čhavó, barydyró pe Biefkariemoskiri okruga: jov neviakirdia la i čhudiá vudará léngire, klydyna léngire, i šybiery léngire.

¹⁵Ĥanyngakire pórty kerélas riemónto o Šalumo Kolhoziejoskiro čhavó, barydyró pe Micfakiri okruga: jov ĥazdyjá len, i učhakirdiá len, i čhudiá vudará léngire, klydyna léngire, i šybiery léngire, — jov i kerélas riemónto pe vánta pašýl venderín (vodojomo) Sielaho, proti kralískiri únta (sado) ke ĥerunia (stupien'ki), kaj zmekenape Davidóskire foróstyr.

¹⁶Pal léste kerélas riemónto o Nijemíia, Azbukoskiro čhavó, barydyró pe paš-okruga Biefcuroskiri, ke koplíca Davidoskiri, i ke vyganady venderín (prudo), i ke kher muršengiro.

¹⁷Pal léste kerénas riemónto Lievíty: o Riehumo, Vanijaskiro čhavó; pašýl léste kerélas riemónto o Xašavija, barydyró pe paš-okruga Kieiljoskiri, paló péskiri okruga.

¹⁸Pal léste kerénas riemónto o pšála léngire: o Bavajo, Xienadadoskiro čhavó, barydyró pe Kieiljoskiri paš-okruga.

¹⁹I pašýl léste kerélas riemónto o Jeziero, Isusóskiro čhavó, barydyró pe Micfa, pe vtoro štéto, angíl syr te džas andré mardiárnia (oružejnia) pe venglo.

²⁰Pal léste dobusóves (staratiel'nes) kerélas riemónto o Varuho, Zabvajoskiro čhavó, pe vtoro štéto, venglostyr ke vudará, ke Jelijašyvoskiro kher, baré-rašaskiro.

²¹Pal léste kerélas riemónto o Mieriemofo, Urijaskiro čhavó, Gakocoskiro čhavó, pe vtoro štéto, vudarendyr dre Jelijašyvoskiro kher ke jagóro pe Jelijašyvoskiro kher.

²²Pal léste kerénas riemónto e rašaja, savé sys trusciál manušá dolostyr.

²³Pal lénde kerélas riemónto o Vieniamino, i o Xašuvo, angíl léngiro kher; pal lénde kerélas riemónto o Azárija, Masiejoskiro čhavó, Ananijaskiro čhavó, pašýl péskiro kher.

²⁴Pal léste kerélas riemónto o Binujo, Xienadadoskro čhavó, pe vtoro štéto, Azarijoskire kheréstyr ke venglo, ke zbangipen dromeskiro.

²⁵Pal léste sys o Falalo, Uzajoskiro čhavó, angíl venglo i ke vučardý (bašnia), so vyterdjola kralískire-upratune kheréstyr, kaj isyn pašýl gréda (dvóro) tiemnicakiri (štaribnaskiri). Pal léste sys Fiedaija, Parošoskiro čhavó.

²⁶E Niefiniei, xači, savé dživdé ke Ofieljo, kerdé riemónto anglal Panitka pórty ke vastóko i ke vytyrdyny vučardý.

²⁷Pal lénde kerénas riemónto Fiekoitka manušá, pe vtoro štéto, štetóstyr angíl bari vytyrdyny vučardý ke Ofielytko vánta.

²⁸Duredýr Grengire portendyr kerénas riemónto e rašaja, kažno mamúj péskiro kher.

²⁹Pal lénde kerélas riemónto o Sadoko, Imieroskiro čhavó, mamúj péskiro kher, i pal léste kerélas riemónto o Šiemaija, Šiehanijaskiro čhavó, stregari pe vastokitko pórta.

³⁰Pal léste kerélas riemónto o Xananija, Šieliemijaskiro čhavó, i Xanuno, šóvto čhavó Calafoskiro, pe vtoro štéto. Pal léste kerélas riemónto o Miešulamo, Bieriehiiaskiro čhavó, mamúj péskiri štúba.

³¹Pal léste kerélas riemónto o Malhiia, Gacorfijoskiro čhavó, ke kher Niefinieitko i bikibnar'jengiro, mamúj Gamifkadytka pórta i ke venglytka džiibnytka štúby.

³²A maškír venglytka džiibnytka štúby ke Bakréngire pórty kerénas riemónto rupunarja i bikibnarja/kofarja (torgovcy).