Read Biblija - Pe Baltitko Romani čib (Romanes) 2019 Baltic Romani Bible Nijemíia 7 Bible Online

Nijemíia 7 - Biblija - Pe Baltitko Romani čib (Romanes) 2019 Baltic Romani Bible bible

Nijemíia 7

¹I sys adiáke: kiéli ĥazdyné vánta, i me čhudjom vudará, i sys čhudé te dynarinén (te služynen) rakhibnárja pe pórta, i bagaibnaskire, i Lievíty,

²to tén'či me priphendjom miré pšaléske Xananiske i barydyréske pe tvárdyma (diz) Xananijaske, savó sys dro Jerusalimo, pal-dová so jov sys patiaibnýtko manúš butýr javirendyr i jov darandyja Devléstyr butýr javirendyr.

³I phendjom me lénge: “Mek te na psiraven pórta Jerusalimóskiri, paka kham te na tat'kirel la; i kiéli joj isyn terdy, mek te zaphanden la.” I me čhudjom stregar'jenca manušén Jerusalimóstyr každones pe péskiri stréga, i, sob (kaj) každo te javél terdó pe stréga proti péskiro kher.

⁴Ne fóro sys baró i dro léste sys baró štéto: ne manušá sys nábut odój, i kherá na sys čhudé.

⁵I čhudiá miro Devél dro miro iló, sob (kaj) me te skedav lačhé-rodoskire manušén, i barydyrén i javire manušén, sob (kaj) mánge te piričhinav len pir léngiro ródo. I me lathjom rodengiro piričhinyben (spisko) odolén, savé javné pale pérva, i dro spisko sys začhindló:

⁶Ake, isyn manušá okrugatyr, savé giné plienóstyr odoléndyr, savén lydžijá dro pliéno Navuhodonosóro, králi Vavilonóskiro, i savé risiné dro Jerusalimo, i dre Judéia, kažno dro péskiro fóro.

⁷Ake, isyn odolé, savé giné Zorovavieljosa, Isusósa (Johošuasa), Nijemijasa, Azarijasa, Raamijasa, Nahmanijosa, Mardohiejosa, Bilšanosa, Misfieriefosa, Bigvajosa, Niehumosa, Vaanasa. I, ake, kicý, sys manušá Izrailjoskire:

⁸Čhavé Parošoskire, duj tysjoncy, šel te eftadešaduj;

⁹Čhavé Safatijaskire, dujšelá, eftadešá duj;

¹⁰Čhavé Arahoskire, šovšelá pandždešá.

¹¹Čhavé Pahat-Moavoskire, čhavéndyr Isusoskiren i Ioavoskirendyr, duj tysjoncy, ohtošela dešuohto;

¹²Čhavé Elamoskire, tysjonco dujšelá pandždešá štar.

¹³Čhavé Zatoskire, ohtó šelá pandždešá pandž:

¹⁴Čhavé Zakhajoskire, eftašelá šovdešá;

¹⁵Čhavé Binujoskire, eftašelá šovdešá;

¹⁶Čhavé Bievajoskire, šovšelá biš te ohtó;

¹⁷Čhavé Azgadoskire, duj tysjoncy, trinšelá biš te duj;

¹⁸Čhavé Adonikamoskire, šovšelá šovdešá eftá;

¹⁹Čhavé Bigvajoskire, duj tysjoncy šovšelá eftá;

²⁰Čhavé Adinoskire, šovšelá pandždešá duj;

²¹Čhavé Ateroskire, Jezekijaskire kheréstyr sys jeniadeša ohtó;

²²Čhavé Xašumoskire, trinšelá biš te ohtó;

²³Čhavé Viecajoskire, trinšelá biš te štar;

²⁴Čhavé Xarifoskire, šel te dešudúi;

²⁵Save bijándyne dre Gavaóno, jeniadeša pandž;

²⁶Save dživdé ke Vifliejémo i ke Nietofa, šel te ohtodešá ohtó;

²⁷Save dživdé ke Anafofo, šel te biš te ohtó;

²⁸Save dživdé ke Bief-Azmaviefo, štardešá duj;

²⁹Save dživdé, ke Kariafiarimo, ke Kiefira i ke Biejerofo eftašelá štardešá trin;

³⁰Save dživdé ke Fama i ke Gieva, šovšelá biš te jekh;

³¹Save dživdé ke Mihmaso, šel te biš te duj;

³²Save dživdé ke Viefíljo i ke Gajo, šel te biš te trin;

³³Save dživdé ke javír Nievo, pandždešá duj,

³⁴Čhavé javire Elamoskire, tysjonco dujšelá pandždešá štar;

³⁵Čhavé Xarimoskire, trinšelá biš;

³⁶Save dživdé ke Jerihóno, trinšelá štardešá pandž;

³⁷Save dživdé ke Lodo, Xadido i Ono, eftašelá biš te jekh;

³⁸Save bijándyne ke Sienajo, trin tysjonco jeniašela trijánda;

³⁹Rašaja, Iodaijaskire čhavén, Isusóskire kheréstyr (Johošuaskire), jeniašela eftadešá trin;

⁴⁰Čhavé Imieroskire, tysjonco pandždešá duj;

⁴¹Čhavé Pašhuroskire, tysjonco dujšelá štardešá eftá;

⁴²Čhavé Xarimoskire, tysjonco dešuefta.

⁴³Lievíty, čhavé Isusóskire (Johošuaskire), Kadmiiloskire kheréstyr, kheréstyr, savó sys Godievaskire čhavénde, eftadešá štar;

⁴⁴Bagaibnaskire: čhavé Asafoskire, šel te štardešá ohtó;

⁴⁵Rakhibnárja pe pórta: čhavé Šalumoskire čhavé Ateroskire, čhavé Galmonoskire, čhavé Akuvoskire, čhavé Xatitoskire, čhavé Šovajoskire, — šel te trijánda ohtó.

⁴⁶Niefiniei: čhavé Cyhaskire, čhavé Xasufaskire, čhavé Tabaofoskire:

⁴⁷Čhavé Kirososkire, čhavé Sijaskire, čhavé Fadonoskire;

⁴⁸Čhavé Lievanaskire, čhavé Xagavaskire, čhavé Salmajoskire;

⁴⁹Čhavé Xananaskire, čhavé Gidieloskire, čhavé Gaharoskire;

⁵⁰Čhavé Rieaijaskire, čhavé Riecynoskire, čhavé Niekodoskire;

⁵¹Čhavé Gazamoskire, čhavé Uzaskire, čhavé Pasieahoskire;

⁵²Čhavé Viesajoskire, čhavé Mieunimoskire, čhavé Niefišsimoskire;

⁵³Čhavé Vakvukoskire, čhavé Xakufaskire, čhavé Xarhuroskire;

⁵⁴Čhavé Vaclifoskire, čhavé Miehidaskire, čhavé Xaršaskire;

⁵⁵Čhavé Varkososkire, čhavé Sisaraskire, čhavé Famahoskire;

⁵⁶Čhavé Niecyahoskire, čhavé Xatifaskire.

⁵⁷Čhavé Solomonóskire pishar'jendyr: čhavé Sotajoskire, čhavé Sofieriefoskire, čhavé Fieridaskire;

⁵⁸Čhavé Ialoskire, čhavé Darnonoskire, čhavé Gideloskire;

⁵⁹Čhavé Safatijaskire, čhavé Xatiloskire, čhavé Pohierief-Gacevaimoskire, čhavé Amonoskire.

⁶⁰Saré Niefiniei i pishárja Solomonóskire sys trinšelá jeniadeša duj.

⁶¹I, ake, sys odolé, savé adiáke-pac' vyginé Tielmielahostyr, Tielharatyr, Xieruv-Adonostyr i Imierostyr; ne jone na mogindlé te dosykaven pal péskiro ródo, ni pal péskiri seménca, so jone sys Izrailjostyr.

⁶²Maškir lénde sys: čhavé Dielaijaskire, čhavé Tovijaskire, čhavé Niekodaskire — šovšelá štardešá duj.

⁶³Rašandyr: čhavé Xovaijaskire, čhavé Gakocoskire, čhavé Vierzielijoskire, savó lyjá paloróm jekha čhajendyr Vierzielijoskire Galaadoskirendyr i les jačné te kharén léngire lavésa.

⁶⁴Jone rodyne léngire-rodengiro piričhinyben, i na lathné, i paldavá len vyčhurdyne rašandyr.

⁶⁵I Tiršafo phendiá lénge, sob (kaj) jone te na xan sama svénta xabena angíl dová, syr javéla rašáj urimosa i tumimosa.

⁶⁶Saré manušén khetané sys štardešá duj tysjoncy, trinšelá šovdešá.

⁶⁷Na giný davá, lénde sys eftá tysjoncy trinšelá trijánda eftá pishárja i pisharicy i pašýl lénde sys dujšelá štardešá pandž bagaibnaskire i bagaibnarki.

⁶⁸Lénde sys eftašelá trijandaefta šov grajo, i sys dujšelá štardešá pandž lošaki.

⁶⁹Lénde sys štaršelá trijandapandž vierbliudy, i sys šov tysjoncy eftašelá biš osly (miegárja).

⁷⁰Vari-savé barydyrá pe stréčy (pokolienii) dyné kokoré péstyr pašá, sob (kai) te kerén butiá. O Tiršafo dyjá dre piralý bar drahmy suvnakása, pandždešá tahtaja, pandžšelá trijánda rašaitka ídi.

⁷¹I vari-savé barydyrendyr pe stréčy dyné dre piralý, sob (kaj) te kerén butiá biš tysjoncy drahmy suvnakása.

⁷²I javír manušá dyné biš bará drahmy suvnakása, i duj bará miny (1300 kilo) rupésa, i šovdešá eftá rašaitka ídi.

⁷³I jačné te dživén rašaja, i Lievíty, i rakhibnárja pe pórta, i bagaibnaskire i javír manušá, i, Niefiniei i saró Izrailjo dre péskire fórja.