Read Biblija - Pe Baltitko Romani čib (Romanes) 2019 Baltic Romani Bible Vygiiben 37 Bible Online

Vygiiben 37 - Biblija - Pe Baltitko Romani čib (Romanes) 2019 Baltic Romani Bible bible

Vygiiben 37

¹I kerdiá Viesielieilo kovčego (mohtó) sitimoskire vešéstyr; léskiro dlengipén sys duj kuniá pašésa, buĥlypén léskiro sys jekh pašésa kun' i léskiro vučipén sys jekh pašésa kun';

²i občhudiá les andré i javriestyr žužé suvnakása, i kerdiá trusciál (krugom) léste suvnakuný viánka (frizo);

³i vyčhudiá jov vaš láke štar suvnakuné baré angrustiá, pe štar léskire telatuné véngly: duj brenčy pe jekh léskiri rig, i duj brenčy pe léskiri javír rig.

⁴I kerdiá balandiniá (šosty) sitimoskire vešéstyr, i občhudiá len suvnakása;

⁵i čhudiá balandiniá dre baré angrustiá, pir kovčegoskire rigá, sob (kaj) te lydžán kovčego.

⁶I kerdiá denko (kryška) žužé suvnakástyr: léskiro dlengipén sys duj kuniá pašésa, a buĥlypén sys jekh pašésa kun'.

⁷I kerdiá duj xieruvimy suvnakástyr: čekannone butiasa kerdiá len pe duj zaučhakiribnaskire jagóry,

⁸iekh xieruvimo jekhe jagoróstyr, a javír xieruvimo javire jagoróstyr: jov kerdiá xieruvimy dalé duje jagorendyr adiáke, so jone zadžanas pal jagóry pe denko.

⁹I sys xieruvimy, savé ĥazdyné upré phakenca, i učhakirenas péskire phakenca (krylenca) denko, a péskire mujenca sys riskirdé jekh ke jekh; ke denko sys xieruvimengire muiá.

¹⁰I kerdiá Viesieliilo sitimoskire vešéstyr skamínd dlengipnása dre duj kuniá, buĥlypnasa sys dre kun' i vučipnása dre jekh pašésa kun',

¹¹i občhudiá les žužé suvnakása, i kerdiá trusciál (krugom) pašýl léste suvnakuný viánka (frizo);

¹²i kerdiá trusciál léste vánty (sciany) dre burnyk (ladoška) i kerdiá suvnakuný viánka pašýl léskire vánty;

¹³i vyčhudiá vaš léske štar suvnakuné baré angrustiá, i čhudiá brenčy pe štar véngly, paš štar léskire ĥerorja;

¹⁴pe jagóry pašýl ke vánty sys baré angrustiá, sob (kaj) te učhuven andré balandiniá te lydžán skamínd;

¹⁵I kerdiá jov balandiniá (šosty) vešéstyr sitim, i jov občhudiá len suvnakása te lydžán skamínd,

¹⁶tén'či jov kerdiá khoré (sasúdy), savó trej ke skamínd: čaré (bliudy), kadila, kučika (kružki) i tahtaja (čašy), sob (kaj) te čhuvén lénca, žužé suvnakástyr.

¹⁷I kerdiá žužé suvnakástyr momolýtko (svietíl'niko), čekanno kerdiá momolýtko; léskiri ĥerój (stiebljo), léskire randiá (vétki), léskire tahtajore (čašečki), phabá léskire i luludiá (cvety) léskire vydžánas léstyr;

¹⁸šov randiá vydžánas léskire rigéndyr: trin momolytkoneskire randiá jekhe léskire rigátyr, i trin randiá momolytkoneskire javire léskire rigátyr;

¹⁹trin tahtajore, savé zdenaspe (podžanas) pe mindal'no luludjori (cviatko), phabaj i luludiá pe jekh rand', i trin tahtajore, savé zdenaspe pe mindal'no luludjori (cviatko), phabaj i luludiá pe javír rand': adiáke pe saré šov randiá, savé vydžánas momolytkonestyr;

²⁰a pe momolytkoneskiri ĥerój (stiebljo) sys štar tahtajore, savé zdenas (podžanas) pe mindal'no luludjori phabenca i luludienca;

²¹tel šov randiá, savé vydžánas léstyr, sys phabaj tel anglatuné duj randiá, i phabaj tel javír duj randiá, i sys phabaj tel trita duj randiá;

²²léngire phabá i léngire randiá vydžánas léstyr; saró jov sys čekanno, célo, žužé suvnakástyr.

²³I kerdiá ke jov eftá lampady, i ščypcy (cymty) ke jov i lotki ke jov, žužé suvnakástyr;

²⁴talantostyr žužé suvnakástyr jov kerdiá les saré léskire priborenca.

²⁵I kerdiá jov altárjo te xačkirén fimiámo (gudlé smóly) sitimoskire vešéstyr: dlengipén léskiro sys kun' i buĥlypén léskiro sys kun', štaré-venglytko, vučipén léskiro duj kuniá; léstyr vyginé léskire šyngá (rógi);

²⁶i občhudiá les žužé suvnakása, léskiro vučipén i léskire rigá trusciál (krugom) pašýl, i léskire šyngá, i kerdiá ke jov suvnakuný viánka (frizo) trusciál;

²⁷tel léskiri viánka pe duj léskire véngly kerdiá jov duj suvnakuné baré angrustiá; duje léskire rigéndyr kerdiá len, sob (kaj) te čhuvén dre lénde balandiniá (šosty) te lydžán les;

²⁸balandiniá kerdiá jov sitimoskire vešéstyr, i občhudiá len suvnakása.

²⁹I kerdiá miro vaš svénto makhiben i aromatytka čarjá te xačkirén, žužé, spiecoskire butiátyr te čhuvén lačhé-khandune (parfuny).